"Para maging active ka. Tsaka ayoko maging officer eh. Tutulungan naman kita eh. Ayoko kasi sa mga meeting meeting na yan. Promise. Bibigyan kita ng stuffed toy bukas para di ka na mainis. Di ba paborito mo yun? 'Wag kang iiyak ha?" sabi ko dito. Huminga naman 'to ng malalim at kinalma ang sarili.
Napatungo naman 'to sa sinabi ko. "Lika nga, may damo ka sa mukha hahaha!" sabay kuha ang damo at konting buhangin na dumikit sa kilid ng nguso nito. Hindi naman 'to pumalag.
"Louie! Sino na naman yang pinaiyak mo? Ba't ka pumapatol sa walang kalaban-laban na babae?"
Patay si Kuya J! Yikes! Kasama pa si Aidan. Dyahe naman oh! Teka, ano daw?! Babae si Chan-Chan? Hahahahaha. Epic talaga 'tong itsura ni Chan andaming nabibiktima! Minsan gugupitan ko 'to ng hindi mapagkamalan. Hahahaha.
"Kuya. Si Chan-Chan 'to. Kaklase ko. Lalaki kaya 'to. Hahahaha." Kita kong napasimangot si Chan-Chan sa pagtawa ko. Sa hindi ko mapigilan eh. Sorry naman di ba.
Nakita ko yung maarteng frog na nakipagpustahan sakin kanina. Tinignan ko ang relo ko, patay! Five na pala!
"CHARLIE!!!"
Humahangos patakbo si Charlie palapit samin. "Oh bakit?"
"Si ano, si Maarteng Frog, paano ba yan, hindi pa nga tayo nagpraktis ng maayos! Naman oh! Ayoko matalo!" Nagpapadyak na ako.
"Ano minamaktol mo Louie?" natatawang tanong ni Aidan.
Isa pa 'to. Kasalanan mo kaya! "Aidan, kilala mo ba yung babaeng yun? Yung may kasamang dalawa pang babae, yung mahaba ang buhok na may kulay," turo ko kay Maarteng Frog.
"Si Ally? Graduating ng High School yan. Softball Captain Ball, bakit?" tanong nito.
"Geez! Hoy Charlie! Captain Ball pala yun ng softball eh! Andaya niya!" nagpapadyak na naman ako sa inis. Kaya pala ang lakas ng loob manghamon ng maarteng yun. Grr. Nakita kong ngumiwi si Charlie.
"Patay! Hindi pa ako nagta-tryouts! Magback-out ka na, dali!" natitilihang sambit ni Charlie.
"Ayoko nga! Chance mo na 'to magpakitang gilas, sige na kausapin mo sila," tulak ko dito. Naiiling na sumunod naman to. "Hoy siguraduhin mong gagalingan mo ang pagpalo ha? Medyo gets ko na naman ang drill. Ikaw yung last batter, syempre. Hehehehe."
"Oo naman. Ako pa! Wala ka bang bilib sakin?" sagot naman nito. Ang yabang talaga nito. Humanda 'to pag natalo kami, sasakalin ko talaga 'to.
"Anong nangyayari dito?" tanong ni Kuya J. "Uuwi na tayo, dadating na si Tatay Tonyo mayamaya," sabi nito.
"Hintay lang kayo ng konti Kuya. Magsosoftball lang kami ni Charlie. Nakipagpustahan sakin yung babaeng yun eh," nguso ko kay Maarteng Frog.
"Kay Ally?! Naloloka ka na ba?! Captain Ball kaya ng softball yan?!" sagot nitong nanlaki ang mga mata.
YOU ARE READING
Miss Astig
Teen FictionPUBLISHED UNDER LIFE IS BEAUTIFUL and is available in all Precious Pages Bookstore Nationwide for only 129.75php. Please do grab a copy guys! Thank you and God Bless. :) Note: Also available in all National Bookstore nationwide starting this July...
