👑العُــــــــــــمــــــــــدة👑

البارت 32💞

👑العمـــــــدة👑
♡..مجنــــون ليلـــى..♡
#التتمة
فالكوميسارية

دارو ليه الاستجواب وسجلو المحضر ...صوفيا دايرة شهادة طبية من الخنقة لي خنقها من عنقها والضربة لي فجبتهاا والشيفور كذالك..وتسجيلات لكميرات دلفلة جابتهم ليهم كلشي مسجل تماك التهمة مأكدة عليه...دخلوه للبنيقة  كان جالس كيفكر اشنو ايدير حتى كيتحل الباب لبوليسي:اجي معايا ناض وتبعو دخلوه لواحد المكتب جلس يحساب ليه المحامي ديالو ولا شي حاجة حتى كيشوفها داخلة ...بقة كيشوف فيها بجمود سدات لباب وجلسات اونفاص معاه وفيديها واحد لميلف حطاتو فوق البيرو
  صوفيا:عاجباك هاد الحالة بكر غير ساكت وكيشوف فيها
صوفيا:مال راسك قاصح وعزيز عليك المشاكل ..كون خليتيني معاك زوينة ماشي حسن ياك؟ بكر نفس الشي الصمت  صوفي:فضلتي وحدة عليا ماعاطاكش القيمة لي عطاها ليك اناا  بكر غير ساكت تعصبات من هاد الهدوء والجمود ديالو:دوييي قول شي حاااجة علاش سااااكت كتقتلنيييي بهاد الهدووء ديااالك راك اتغراق حباسااااات قول شي حاجة طلب مني سماااحة قولي انا باغييييك 
تبسم باستهزاء كيزيد يكمل عليها:الحبس للرجال  صوفيا:راه اننفيك فالحبس سمعتيني ماشي عام ولا عماين عندي معارفي يصيفطوك من 15لعام لفوق
  بكر باغي يعرفها لاياش باغة توصل:وشنو بغيتي
صوفيا بتاسمات:قادرة نسمح ليك ونسا كلشي حيت نت عندي غالي بزاااف وقادرة نخليك تخرج دابة
بكر:ومن بعد
حلات الملف وجبدات واحد الورقة:هدا عقد زواج انا وقعت بقيتي غير نت..وقع وانوليو مزوجين وانعيشو فسعادة ونبداو حياتنا من جديد ولا بغيتي نعتازل الرقص ونكون ليك غير بوحدك وكنواعدك عمرك اتندم  
علا حاجبوو كيشوف فداك الورقة وداكشي لي مكتوب فيها ورجع شاف فيها صوفيا:ها شنو قلتي
بكر:عرفتي شنو 
صوفيا تبسمات:شنو
بكر:تمنيت كون ماكانوش لمينوط فيدي باش نخنقك ديال بصاااح ونخرج روحك بيدي داك الساع يعطيوني المؤباد ماعنديش مشكل  وبصوت مرتااافع:اجييي رجعني منين جبتينيييي الديني لجاهنام وماتعاودش تخرجني لهاد بنادمة
دخل البوليسي وهي ناضت عاضة على سنانهاا :غاديييي تندم سمعتينيييييي اتندم فاش اتلقة راسك وسط الحبس محكوم بسنييين طوال
مجاوبهاش مخليها كتهضر وتغوت ورجعوه للبنيقة صوفيا جمعات وريقاتها وهي معصبة:ياتكون ليا يا لتا وحدة  وخرجات لقات ياسين وليلى فوجها..خنزرات فيها وضرباتها بكتافها بلعااني وخرجات من الكوميسارية وهي حالفة تاتغرقو حباسات ايلا ماوافقش يتزوج بيهاا  جا المحامي ودخل يترونجا معاهم ..ورجع خرج ياسين وليلى:شنوو
المحامي:لي فهمت هاد السيدة عندها معارف صحاح وحاطة فلوس صحيحة يعني صعيبب بزاف يخرج منها بالساهل...يقدر يحولوها للجنايات ونبقاو طالعين هابطين فالمحاكييم  ليلى:كيفاش الجنايات
المحامي:كاين ابتدائية الحكم كيتنفد من جلسة تا لتلاتة دلجلسات فمدة قصيرة وبلا تجرجير..اما الجنايات ابنتي..مابين كل جلسة  وجلسة شهر كتوصل تا لشهراين ...وهاهوما مجرجرينك عام وعاماين بلا حكم 
ياسين ضرب يديه مع الحيط:ماال هاد لقلاو..ي هادو  شنوو بغاااو مناا
ليلى :هنييينا اياسين ماشي وقت هدشيي  ورجعات شافت فالمحامي:وشنو المعمول المحامي:كيف قلت لك لقضية فيها لمعارف وفلوس صحيحة خليني نمشي ندرس لقضية مزيان ونعرف اش ندير ..اامهم وجدو راسكم غالبا اتحول للجنايات ونطلبو الخير  ومشا وخلاهم مصدومين  ليلى:اويلي شغا نديرو مايمكنش نخليوه هناااا ..لا حوايج لا ماكلة ياسين مسح على راسو:نمشي نشري ليه شي حاجة ياكلها ونجيي
هزات راسها باه وبقات كتسناه حتى رجع وفيديه لحليب وشي تواشي ..بالرغيب باش بغة لكاديان يشد منهم داكشي ودخل ليه الماكلة...  ومشاو جلسو فواحد لقنيت ماعارفينش اش يديرو من ديما بكر لي كيدير كلشي من ديما هو ااوحيد لي كيعولو عليه فكلشي حتى دابة ايلا مافكش راسو براسو ماكاينش لي يفكووو