مأثمة

بارت ٤١

دك موبايلة.
رفعه .
ايهاب.ببرود. الو.

مراد. ايهاب اليوم امك حترجع للناصرية .. ومسوين
جمعه ببيتي تعال انت وعائلتك.

ايهاب. عوج حلكه حجه بهدوء.
ما اكدر مسافر اني همه حيجون.

مراد. عكد حاجبه. وين مسافر خوية .. تنهد.
تعال امك رايحه.

ايهاب. بملل. رجاء بلا مثاليات بيعهن يمها مو يمي عندي شغل اني ما فارغلكم .

مراد. ايهاب عوف المشاكل هسه والشغل يتعوض ت...

ايهاب بهدوء. لا.. لا الشغل والشغل والشغل وباقي الامور الثانيه عدي.. تمام اخوية الجبير العزيز. اي اي صدك مو انت الجبير.. اكيد تعوض وزيادة محاجه اجي اني.

سديته بوجهه.

مراد. ايهاب..ايهاابب!!.

استغفر الله ربي.

________________

....اذا ما حجيتي بالنيبابة عن نفسج محد حيحجي بدالج... واذا ما هسه حجيتي الي بداخلج
حته لو جان الحق وياج حيصير ضدج .. وهاذ قانون الطبيعه البشرية اذا ما ثبتت حتوكع وي الجموع الي كلها تمشي بتجاه واحد كلها تريد توصل ومحد يتمنى الخير للثاني .. في حال كمتي وحجيتي وانسمع صوتج صح او غلط .. حتنذكرين بالقائمه
الي حتشيل اسماء الناس الي تتنفس الهوة بس
حتخلي خط تحت الي حيكدرون يعيشون هاي الحياه .

نفس. سهل الحجي .. بس صعب التنفيذ ..
شنو فائدة الصراخ ..اذا جان بداخلك انسان مربط
انسان مخيط حلكه من كل الجهات .. وميكدر يحجي حرف واحد .. مجرد فوضى ما الها اي اساس لنتيجه.

..... ضحكت.
صحيح بس ..
تقربت.
لزمت المقص.
..... لو نفتح المقص هاذ وبالطرف الحاد نقطع اول طبقات الجلد الي حتوصل للشريان ..لو نكون مع الي عايشين هاي الحياه.

نفس. ابتسمت. محنكون من هذول الاثنين شكد محاولنه نكطع هلشريان منكدر .. ولا حنكدر نعيش بهاذ العقل والكلب و الجسد .. حنكون من الي يتنفسون.. من الي يحسون بالهوه يدخل رئتهم وبس.

..... هاذه يكفي.

ابتسمت.
نفس. كلش يكفي.

..... ابتسمت.

طلعت وسديت الباب ..
غمضت عيني كاعده بالغرفه ..
اسمع لهدوء لبرة...
طلعت..
امشي بخطوات مسموعه ..
وكفت كدام غرفه نور.. واسمعها تضحك..
لازمه الموبايل.. تحجي وي بشر..
بس منو...
سديت الباب.

باوعت لغرفه امير...
تقربت وفضولي لخلاني اروح وافتح الباب ببطئ.
تقربت فتحته ويا ريتني ما فتحته...
اشوف اخوي.. واكف .. بوضع .. كلش مخزي..
فاتح الحاسبه كامرة مع شخص.. ميختلف عن وضعه هواي.. اشوف ملابس امي الداخلية مطشرة بغرفته
اشوف مكياج.. واشوفه يسوي حركات غريبة ..
حركات .. سيئة.
رفعت ايدي غطيت حلكي..
سديت الباب..وكعت سانده جسمي بالحايط..
ابجي.. واكتم شهكاتي...
كمت واني الهث..
نزلت... ركضت فتحت الشباك اتنفس.