مأثمة

بارت ١

كاعدة بالغرفه
اباوع من الشباك
على الناس الي تدخل بيتنه
كل يوم.. احاول ادور بتفاصيل لبسهم
عن لطخه او وصخ اريد اشم بيهم ريحه
فكر او عازة ... كلها ناس مرتاحه وفايخه للستار ..
بما انو احنه  ناس همين فايخين للستار..
تنهدتت عاوجه حلكي.
اي الله يديمها علينه ...
احب اسوي شعري اثنين ذيل حصان..
امي تكلي تصيرين صخله..
بس ميهني..
شعري قصير من يوم يومي..
اكصه بدون علم امي ..
تضل تغلط وترزل وتكول لبابا الي يكتلني..
بس ما اتوب.. ما احب الشعر الطويل..
هذيج الجبيرة  شعرها طويل  عوفوني اسوي ليعجبني...
كملت شعري...
خليت الحمره وعلى خدودي
رفعت رموشي بشوي مسكارة على الطرف، لابسه الذهب كله لعندي.
وتراك ماروني ضيك..
من يوم يومي اتفيك واعدل وابدل ..
نزلت ..
اباوع على العائلة الكريمه.
اليوم جمعه  الكل مجتمع
على الطاولة برة بالحديقه يتريكون
بيبيتي اليوم عدنه تجي تفر فروخها كلهم
الميخلصون خمس ولد وخمس بنات شيخلصهم.

نفس. هلاوووو ..

ايهاب. مدنك على الاكل.. وعينه على الحاسبه .. يسمع اخبار..

وجدان. هلا تعالي اكلي يلا.

امشي اتبختر..
كعدتت.
مديت ايدي اكل بشراهه.
نفس. اهخخخ شكد احب الاكل.

سوسن (الجده). هه ولج نفيسه ام اسم الخايس شلابسه ولج مو عيب عليج كدام ابوج واخوج.

باوعتلها صفح.
نفس. هه.

سوسن. ولك ايهاب شوف بتك ربيها ..
بنات عمها الحجاب على الراس وها ثكل الوحده وبتك نازله بطرك البرمودة.

ايهاب. باوعلها وباوعلي. ببرود.
روحي بدلي.

نفس بأنزعاج.  بابا والله تعبت واني ابدل جهزت نفسي ادري ببيبي جايه علمودها يعني بعدين اني بالبيت مو بألشارع..باوعتلها
بعدين يا بيبتي العزيزة..
بنات العم لتحجين عليهم لابسات الحجاب لواصل لنص راسهن
مطلعات كفشتهن الصفرة عود شوفنه
عدنه شعر .. ترا الحجاب مو وصله تنحط على الراس.

ايهاب. ببرود .. راد يحجي ودك موبايله..
شاله ترخص ومشه.

وجدان. ولج ام لسان نكس .. ادبسزز
كضي لسانج اكبر منج تنطمين وتسكتين
وتروحين تبدلين فاهمه.

سوسن. هاذ اللسان  صدكي يعم عليج
نفيسه وكولي ما كلت.

مريم. عيب نفس احنه شنحجي وياج.

جريت نفس.
درت وجهي الها اباوعلها مركزه عيني بعينها .
نفس. انتِ. لا. تتدخلين.

مريم بغضب.نجبي احسلج اختج اكبر منج اني. 
باوعت على أمها.
مريم.ماما هواي مدلليها صايرة متحترم.

وجدان. هه ابوها هوه دواها بس عنده شغل هلايام بس يعرف سوالفها الي طامتهن الها الا يكسر راسها اليابس هاذ.

كمت من مكاني.
نفس بصياح . اي اي اي بعد ما اوصيكم
طلعتوني صفر باليد حصان.. اصلا اني اكول لبابا عليكم .. خلي يكتلني.. يموتني ولا اسمع كلمه منكم بس بابا يحبني اني .

عفتهم وركضت دخلت اباوع ادور على بابا اريد احجي ويا قبلهم ...
اكيد بالمكتب هسه.
____________

كعدتت على الكرسي تنهدتت.
وجدان. هاي لبنيه حتموتني.

وكفت من مكانها وهيه تحجي.
نور. هيه هاذي نفس ما تعودتو عليها.

سوسن.شني هيه هاي يمه بكد النعل
لو يصير عمرها خمسين سنه ما تحجي هيج وي الاكبر منها هاي يرادلها تربية من جديد.

مريم. دك موبايلها.
مرخصتكم ،مرخصتج بيبي.

سوسن. مرخوصه يروحي.

نور. واني همين اروح ادرس شوي و
امير العصر تاخذني لصديقتي تمام؟

امير. يباوع بالفون.
الله كريم.

نور.
باوعت لماما.

وجدان.روحي بتي روحي غصبن علي ياخذج.

امير.هه.

_____________

نفس. ضربت باب المكتب..
وفتحت الباب..
اباوع على بابا .. يمه اروح فدوة لهلطول...شكد احبك.
تقربت جان لسه يخابر.
باوعلي صفح.

نفس. ابتسمت ارمش بعيوني.

رجع يباوع من الشباك.
مدري شحجه...
كعدتت العب بالساعه الرملية على المكتب.

درت وجهي على صوته.
ايهاب. خيرج.

ابتسمت.
حضنته رافعه راسي اباوعله.
نفس. احبك بابا.

ايهاب. لزم ايدي وخرني عنه.
واني همين.

نفس. شفت شلون بيبي حجت عليه ..
وماما ومريم رزلوني كدامها شفتهم بابا.

ايهاب. لا.

نفس.اي لان من كمت همه حجو  وما سمعتهم.

وهوا يدور بالاوراق. طلع ملف يباوع بي.

ايهاب.جدتج كم يوم ورايحه.. بلا مشاكل
نفس.

ابتسمت حضنته من ورة
ارسم باصبعي على ضهره.
نفس.يعني ما معصب مني.

ايهاب.تؤ.

ضحكت وحضنته بقوة.
نفس .احبك بابا اموت عليك انت احلا انسان شفته بحياتي..حتى لو تضربني.

دار ضهره
حجه يباوعلها نص عين .
ايهاب. اضربج من تسوين مكسورة
لسوالف على الطاولة متهمني.

حجيت واني حاضنته.
نفس. لهذه السبب احبك.

وخرت.عنه
بست ضهره.
نفس. اني طالعه.

ايهاب. وياج.

طلعنه سوة.
وكفت اباوعله صعد السيارة
حجه وي الحارس..
مشه ووراه سيارتين..
سديت الباب.

مريم. هه ها غسلتي مخه.

ابتسمت واني داير ضهري.
نفس. حبيبي بابا.

مريم. عجيبه عليج والله .. اكثر وحده يدمغها ويرزلها انتِ، ابوج الي ما يضحك
ولا يبتسم رافسج رفس..وميته علي الضاهر انت تحبين الوجعج.

درت ضهري الها.
نفس. واكثر منكم كلكم.

مريم. هه الله يديمها يا رب.

ضحكت..