مأثمة

بارت ٨

نور. لا متنامين .. تنزلين تاكلين هسه
وتدرسين شوية.. تقربت كعدتت يمي لزمت جتفي. فزيت على لزمه ايدها. تنهدتت وحجت..
ترا الي سونه اليوم غيرة منج صدكي
واذا نجحتي وتفوقتي بالاكثر بعد يحتركن حرك.. والله انتِ ذكيه نفس بس لو تستغلين  العندج شوية. صدكي الناس تخاف منج وتحترمج  مو بالغلط والصياح لا والله عقلج .. منصبج... لسانج الحلو.... هوه الي حيفرض احترامج بدون اي تعب وجهد منج.

باوعتلها مبتسمه مغمضة عيني اليسار من وجع راسي.
نفس. اني الاكبر منج...اني الازم احجي هلحجي لج.

نور.ضحكت.يلا ام كرون... بدلي وتعاي
منتضرتج.

طلعت.
كمت اريد امشي..
ستندتت بالسرير.. واني احس الدنيه سودتت بعيني..دخت.. يمكن لان مماكله.

بدلت ..
ونزلت..
واشوف مريم جايه مشفتها من اجيت.
تقربت كعدتت
منتضرين الخدم يجهزون العشه.

مريم. اي عيني لا سلام لا كلام.

نفس.
درت وجهي بملل.

دخل بابا من الشغل.

مريم. كامت مبتسمه.
ركضت بتها كدامها حضنته من رجله.
دنك شالها..
ايهاب. هلا هلا بأم خدود.

اباوعله.
شالها يبوس بيها..
حضنها .. يمسح على شعرها سلم على مريم.

مريم. هلا يروحي.
حضنته.

ايهاب. هلا بتي .. اشونج اخبارج .

مريم. كولش زينه بابا والله متت ما حضرت اللمه وياكم هذاك اليوم.

ايهاب. نعيدها..نعيدها ان شاء الله.

مد ايده مسح على خدها.

مريم .يلا تعالي لوكيه.

نوران. دا ده..

كامت.
وجدان. يمه اروح فدوة لهل سنون الحلوه .. ولج نونايتي.

نور. وكفت يمهم. والله هلكدودتج ماخذه كلوبنه.

وجدان. الجبيرة وتصير عدها بنيه غير تتضاعف اضعاف يا يمه من تجين البيت تردله الروح.

امير. واكف على صفحه.

مريم.اي طبعا غير بتي الحلوه تونسكم قابل ميتين عليه.

ايهاب. لا بابة لتحجين هيج شعدنه غيررر... هلسنفورة هاي..
باس الطفله.

مريم. ضحكت.
اي اي عادي هيه بتي  من دمي ولحمي.

كلهم ضحكو.
اباوعلهم كاعدة  على القنفه..
وكفت..
بكل هدوء.. صعدتت فوك..
واني اسمع صوت ضحكهم يرن بأذني.
دخلت بس صوت غلق الباب نسمع.
كعدتت على السرير..
رفعت راسي..
واشوف صوري وي اخواتي وامير.وامي و..وبابا....
ايدي حلكي امنع شهكاتي ..
ل..ليش... ليش يربي..
اكرها اكرها... ليش يحبوها اكثر مني..
ليش... بس اريد اعرف شنو سوت حته يحبوها هيج... بس اريد اعرف اني شنو سويت حته دائمآ  يكرهوني..
اعرف روحي مو خوش بنيه.. بس..
بس.. ليش يا رب.. تخليني ابجي لدرجه..
استفرغ.. لدرجه استفرغ...روحي روحي تطلع مني.
لعبت نفسي.
ركضت دخلت الحمام
فتحت المي.
دنكت راسي.
سانده جسمي بالمغسله.
شي شفاف قليل طلعت روحي ويا
غسلت سديت المي
طفيت الضوة..غمضت عيني ونمت.

_______________

نور.اباوع وما اشوف نفس.
امير وين نفس.

امير. بملل. صعدتت فوك.

وجدان.  يلا تعالو نتعشه وانتي نادي اختج.

صعدتت واشوفها
نايمه والغرفه ضلمه.
عكدتت حاجبي.
ونزلت.

نور. صارلها شكد من صعدتت.

امير. ربع ساعه هيج.

مريم.عوجت حلكها.
هاي لان شافتني نعست.

وجدان.ختولي يمه بعدها مراهقة جندوب تضل هيج .. ابوج مدللها زايد.

نور. عجيب ساعه تكولون يكتلها وساعه مدللها.

وجدان. صحيح يضربها هوة بس ما اعرف شلون ينفذ طلباتها حته الطايح حضها منها يوافق.حسب مزاجه بكلشي.

مريم. حيصير عمرها ١٨ سنه شوكت تعقل. بعدين ليس تغار مني شمسوية اني مثلا.

نور. لا متغار .. بس تضوج يعني.

وجدان. ختولي تجاوز وصاير ما مؤدبة حيل.. ادري لا ضرب يفيد لا رزاله تفيد مرات اصفن واكول هاي البنيه ما الها اي حل.

نور. صلي على النبي يمه شسالفه.

مريم. الله يهديها بلكي تدخل العشرين وتعقل.

كعدنه على العشا.

ايهاب. اول مكعد باوع على الكل.
وين نفس.

وجدان. نايمه ،هسه تكعد نص الليل تضل للصبح وباجر عدها دوام.

ايهاب. شوكت نامت.. شفتها صعدتت .

نور. اي صعدتت وراها مطفيه الضوة ونايمه.

وكف.
مشه.

وجدان. الا يتأكد بنفسه.

صعد.
دخل الغرفه فتح الضوة..
تقرب..
كعد على حافه السرير..
مسح عيونها بللت اصبعه.
ايهاب. اسف يا بوية.. صدكيني احبج..
شايف بيج.. روحي.. انت تشبهيني..
اريد تصيرين  جذع مني...جذع صلب..
وهاي الطريقه الوحيدة .

باس راسها.
وطلع.
بوجهه للمكتب.

اجت نور الي جانت تباوعله من بعيد.
نور. بابا دخل للمكتب.

وجدان. امم. سدتت نفسه.

نور. ترا هيه صدك نايمه.

مريم. منايمه  تعلميني بيها..
راحت تشكي يمه.. باجر يحجي على الغده ويرزلنه رزاله ناشفه... اقصد يرزلكم  اني محكون حاضرة. هيهيهي.

وجدان.والله ما افهم هلرجال شلون مدللها وشاد وياها بنفس الوقت.

نور. سكتت .. ابلع اللكمه.

امير. ماما.

وجدان. كول حبيبي.

مريم. ضحكت. زين وسمعنه صوتك .

امير. باجر عندي مباراة  كره قدم..
عبالي بابا يكعد واحجي للكل..فأنتي كوليله هسه.

وجدان. يدلل وحيدي.

مريم.واني همين حكون موجودة  لاحكتكم.

نور بانزعاج.اني عندي مدرسه حرامات.

امير.حنلعب لعبتين الجايه عالجمعه.

نور . ابتسمت.