مأثمة

بارت ٢

كاعدين بالصاله كدام الشباك مطل على الحديقه نسولف..
مريم. حسن خابرني العصر يجي عليه .

وجدان.شنو يمه متضلين بيتج هاذه بيبيتج اجتي وعماتج حيجن.

سوسن.شني يمه كاعده ببيت اهلج
شبي هلمصخم.

ابتسمت بخجل.
مريم.والله بيبي مشتاقتلج كومات بس
هاذي نونه الوكحه تريد ابوها تبجي وتعبني.

سوسن.يمه اكو فرخ ما يريد ابو ذبيها علي وتعاي.

نور. بمكر.هاها هيه تريد ابوهاااا لو ناس ثانيه.

مريم.ضربتها. ولجج.

وجدان.  اي يمه غير رجلها.

سوسن.رفعت الشيله غطتت حلكها.
يا خاله هنا الحجي.

مريم. ضحكت. لا والله بيبي بس اليوم عيد زواجنه.

نزلت نفس لازمه الموبايل والسماعه بأذنها.. بس منصيه الصوت.
امشي باطراف اصابعي.. جانو كاعدين بالكاع..
كعدتت على القنفه رجل على رجل
اخذت من الكيك وكعدتت اكل.

كملت كلامها وهيه تحجي.
وجدان.  روحي روحي بتي تونسي..
رجلج هاذ .. دهر دهرني خاله حجيه
شوكت عشنه هيج احنه اشو خلصناها ضيم.
عوجت حلكها وسكتت.

سوسن.ضحكت. يااا ولج بس وكتها وكلمن يلف راسه وينام وصبح نكعد على الحلال ونحش .. ونبيع روبة ولبن.

ضحكت بصوت عالي وهيه تاكل.
نفس. الله الا بشدة شهلعيشه الزفت هاي.

وجدان بغضب.نفسسس.

لزمت العصه مالتها
ضربتها برجلها.
سوسن. ولج عرمه انتِ عرمه.

كمزت من مكاني.
صعدتت على القنفه.
حجيت فاتحه عيني.
نفس. اي عرمه اي.

مريم. احممم جده هسه نفس تعتذر منج على الي صار صبح.

باوعتلها رافعه حاجبي.
نفس. عوجت حلكي. شنوةةة....؟

مريم. اي نفس يلا.

الحجية سوسن
رافعه خشمها تباوع نص عين
منتضرة تسمع الاعتذار.

مريم.يلا نفس.

نفس.ا..

كامت.
وكفت يمي.
نور. بهمس.عفيه نفس حبابه بس هلمره.

نفس.ضحكت باستهزاء.
لو اموت وانتحر ويشكوني نصين ما اعتذر من الجده الحلوه.

باوعت و اشوف بابا رجع من الشغل.
يريد يصعد.

وجدان.وكفت..
ايهاب.

وكف باوعلها.
وجدان.تعال شوف نفس حتعتذر من جدتها.

باوع بالفون..
سده..
وتقدم.

نفس بلعت ريكي.

ايهاب.
وكف يباوعلي.