مهووس ميساء

part 53

ابتسام كانت لابسة بيجامتها و متكية و حداها ماجدة هي الأخرى ناشرة رجليها و كل وحدة شادة تيليفون بحكم كانو سالاو ساعات عملهم حتى زفرات  ابتسام بملل: صاحبتي مليييت انموت بالملل ... ماجدة باقين عينيها على تيليفون نطقات بدون مبالاة: نوضي خرجي الجردة ... ابتسام ميقات فيها: تي شغندير فالجردة واش انا معزة انخرج نرعى ... ماجدة: اوا جلسي من دودة ... ابتسام ناضت : لالا امبوسي نوضي نخرجو العاااار ... ماجدة شافت فيها:لا اصاحبتي والله ما فيا عياااانة و راك عارفة ليغيكل كيف كيجيوني انا راه كنتقطع ... ابتسام رجعات شعرها ورا ودنيها: صافي غير كلسي يكلس على بوك الحجر ... ماجدة: يتخشى ليك فالطرمة قولي امين ... مشات ابتسام الحمام طرفات حالتها دارت مكياج خفيف فاغاجو ماسكارا و كلوس و خرجات تشوف شنو تلبس ... بعد مدة وهي كتشوف فالماريو هزات صاية مزيرة ديال الدجين و طوب كيجي قصير شوية على الكرش بيض و سبرديلة بيضة و دجاكيط كوير كحلة و صاك كحل ... كملات اللباس و رشات ريحتها و وقفات قدام ماجدة كتبوزا: كيف جيتك ... ماجدة صفرات بإعجاب: شاشة و بلا مناقشة ... سيفطات ليها ابتسام بوسة فالهواء: خليك ليا ... ماجدة: يلاه سيري و اجي بكري راه مغنعسش حتى تجي ... ابتسام ضحكات حتى تسدو عينيها : واخا اماما ... وخرجات كتمشى بزربة متحمسة تخرج كيف وصلات حدا البوابة الكبيرة ليكارد عينيهم خرجو فيها تفاداتهم و حل ليها واحد الباب خرجات و تمشات ديك الطوالة لي محسوبة على القصر حتى وصلات الطريق الرئيسية و وقفات شيرات لطاكسي وقف وهي طلعات اللور:المول عافاك ... كسيرا الطاكسي وهي كانت كتشوف طريق من الزاج و ساهية بعد مدة وقف طاكسي فسطوب وهي باقة كضور عينيها على طوموبيلات حتى كتسمع باااااق و طاكسي مشا و جا و دماغها تزعزع شدات على قلبها و نطقات بخوف: ويلي شنو هادشي ... مول طاكسي كيحيد السمطة باش ينزل: شيحد دخل فينا من اللور ... نزل مول الطاكسي باش يشوف و بلع ريقو ملي شاف لامبركيني اخر موديل هي لي تضربات معاه حشم ... نزل طه كيتمختر وهو عاقد حجبانو كان لابس جينز بيض و تيشورت بيج و سبرديلة بيج ... مشا نيشان شاف القدام ديال الطوموبيل و هز عينيه فمول طاكسي لي البولة قرب يطلقها ملي شافو هكاك مكضر و مخنزر كيخلع ... نطق مول طاكسي دافع جبهة: نعيطو على كوسطاطور ... طه مسح على لحيتو و نطق بغضب: مكين لا كوسطاطور لا قلاوي كوليا شحال بغيتي و خليني نقود فحالاتي... فهاد الأثناء نزلات ابتسام خايفة و كترجف باقا شادة فيها الخلعة هزات عينيها و لمحات طه لي هو الأخر كان كيشوف فيها مميل راسو ، قربات منو وهي عاقدة حجبانها و نطقات بعصبية: واش نتا ديما خارجلي فعودي ديك نهار كنتي اتقتلني كنتمشى و دابا راكبة ... طه قلب عينيه بملل و وجه نضرو لمول طاكسي: شحال بغيتي خليني نمشي فحالي ... مول طاكسي شم فيه ريحت الفلوس عينيه لمعو و نطق بحماس :ثلاثة ديال المليون... جاب الشيك من الطوموبيل و كتبها ليه ديك الساعة و عطاها ليه مول طاكسي لفرحة اتخرج من عينيه و بالحماس نسا كاع ابتسام و ركب فالطاكسي و مشا ... ابتسام تبعاتو بعينيها: ويلي مشا ... طه حك رقبتو و نطق بتردد: طلعي نوصلك فين باغا تمشي ... ابتسام خنزرات فيه و نطقات هازا نيفها: مبغيتش ... نطق مصغر فيها عينيه: متأكدة ... ابتسام دورات عينيها على شانطي لي بدا كيخوا بحكم كلشي دخل لدارو و حركات راسها بالإيجاب و تمشات من قدامو طالعة لطروطوار واقفة و مربعة يدياتها و كضور عينيها بخوف معرفاش هاد البلاصة و مكيدوزوش طاكسيات و الى دازو كيكونو عامرين... طه رما عينيه على القدام ديال الطوموبيل لقاه تخمج شوية و رجع طلع فمكان سائق و كسيرا بسرعة فائقة خلا الغبرة موراه ... ابتسام تبعات ليه العين و نطقات خايفة: والله حتى مشا ولد الحرام كانت خاصاه غير السبة... كانت وقفة مكيمشة فراسها حتى كتوقف عليها مرسيديس اخر موديل و نطق الشاب لي صايكها: زوينة منتعارفوش ... ابتسام خنزرات فيه: بعد مني ... و بقات كتمشى محاولة منها تبعد منو حتى كتشوف طوموبيلت طه راجعة تنفسات صعداء و وقفات اما لاخر صافي مشا... وقف طه قدامها و نزل زاج و نطق بنبرة امرة: طلعي ... هاد المرة مزادتش معاه فالهضرة و توجهات طلعات فالمقعد الخلفي ، كيف سدات الباب شاف فيها من المراية: الشيفور ديال باك انا ... ابتسام ببلاهة: اااا ...طه: تهزي طلعي القدام ... نزلات حلات الباب و ركبات مغوبشة و خبطات الباب بالجهد حتى نطق مخنزر فيها: هرسيه نتي كاع ... ابتسام: دابا مالك غتبدا تمن عليا نزلني اخويا نمشي فحالي ... طه: فين اتمشي تكملي ليلة ديالك ... ابتسام خرجات فيه عينيها و حطات يديها على ودنها بمعني مسمعتش: عاود عاود مسمعتش ... طه شاف فيها طلعها و نزلها و رجع مركز مع طريق: راك فاهمة ... ابتسام: انا مفاهماش و مباغاش نفهم عافاك وصلني لقصر زنيبر ... طه خرج فيها عينيه و نطق بتساؤل: شنو اتمشي ديري تما ... ابتسام: خدامة تما ... طه حرك راسو بالإيجاب وهو متفاجئ كيفاش خدامة فالقصر ديال صاحبو المقرب و عمرو شافها ولا شافتو عجيب ... كانت كتشوف من الزاج وهو مرة مرة كيخطف منها شوفة حتى وصلو و هو موقفش فالشانطي حيت عندو الحق يدوز من ديك الطريق المحسوبة على القصر ... وقف قدام القصر يلاه بغات تنزل ابتسام وهو يورك على واحد البوطونة ساد الباب ... ابتسام بغات تحل الباب لقاتو مسدود وهي ضور راسها لعندو: حل عليا ... طه جبد تيليفونو ايفون اخر موديل و نطق بهدوء: قيدي نمرتك ... ابتسام بقات كتشوف فيديه للحضة بتاسمات و هزات فيه عينيها و نطقات بمكر: حل الباب كيفما كلتي خاصني نمشي نكمل الليلة ديالي ... طه هز فيها حجبانو و حل ليها الباب و قبل متنزل نطق بحدة: غير وجدي راسك اتشوفيني بزاف من هنا القدام ... ابتسام بضحكة صفرة قبل متسد الباب: إنشاءالله بربي ... و سدات الباب بجهد غادا داخلة القصر بمشيتها الأنثوية وهو بقا متبع ليها العين وكيفاش ترمتها كتحرك معاها و ليكارد لي عينيهم قريب يتبعوها زير على يديه ملي شافهم كيشوفو فيها هكاك تقدرو تحسبوه مرض او حب من اول نضرة و لكن حس بيها شي حاجة خاصة بيه حتى حد مخاص يشوف فيها ، كيف ختافات على أنضارو كسيرا بسرعة راجع بأدراجو لوجهتو ...هبطات الغرفة المخصصة ليها لقات ماجدة عينيها معسلين بنعاس كتساين فيها كيف دخلات نهضات فيها :فين كنتي ابنت الحرام... ابتسام كتحيد السبرديلة : اصحبتي راه مشكيل طرا و مول طاكسي دار كسيدة ... ماجدة : ونتي مطرا لك والو ... ابتسام حركات راسها بالنفي: لا والو ... ماجدة كَتْفُوه: يلاه نخليك انمشي نعس عييييت ... ابتسام هي الأخرى حيدات حويجها و تلاحت متكية فوق النموسية ناعسة على كرشها براحة حتى داتها عينيها و نعسات ....

يتبع....
ڤوط ⭐ + كيف جاكوم الكوبل الجديد ؟