مفاجأة يا فوزي مفاجأه مفاجأه ، شوفتوا انا طيبين ازاي ، احم و صراحه لقيت الصدمه كبيره قولت حرام تستنوا كل ده و لازم تعرفوا الي هيحصل ، يلا نبدأ بقي علطووول
==========================================="حادثه إيه دي ، طب و بسنت و فهد ، طب حبيبي طب إناس ، لالالالا إنت بتضحك عليا عشان متقولش إنه مات مش كده"
قالتها <<جنى>> بصدمه و دموع تتجمع في عينها و رد <<أمجد>>
~"يا بنتي مين الي مات بس و مالهم بسنت و فهد و إناس"
لم تكن تستمع له و قالت
="طب أنا فين ، أنا في اسكندريه صح"
و قبل إن يرد <<أمجد>> دخل <<إلياس>> و هو يحمل كوبين من الإندومي و يقول
-"واد يا أمجد خد إمسك جبتلك واحده بالخضار و....."
وقعت عينه علي <<جنى>> المستيقظه التي كانت تنظر له بصدمه و في يدها المحاليل و جهاز التنفس مرفوع عن وجهها و قال
-"إنتِ فوقتي يا بلوه"
فوضع الأكواب علي الطاوله و ركض نحوها مسرعاً و ضمها له بشد و بادلته <<جنى>> العناق و قالت
="إنت عايش إنت مسبتنيش"
و تعالت شهقاتها و بكائها فقال <<أمجد>>
~"يا نجم النجوم مراتي أنا فين"
لوَّح <<إلياس>> بيده بعدم إهتمام لكلام <<أمجد>> و قال ل<<جنى>>
-"هنت عليكي تفضلي نايمه زي الجموسه كده ٧ شهور و سايباني"
لم تنتبه لكلامه و قالت و هي تخرج من أحضانه
="إنت إزاي لسه عايش إنت مت و أخدت طلقه بسبب مغامره الكتاب"
نظر لها بتعجب و قال
-"كتاب مين بس و طلقه إيه دي كمان ، عايزه تخلصي مني يا بنت النبراوي"
ردت و لا تزال الدموع في عينها
="أنا مش فاهمه حاجه ، هو إيه الي حصل"
-"هقولك يا ستي"
قال <<أمجد>> و هو يلوح بيده ليلفت إنتباه <<إلياس>>
~"يا عم الشيخ ، مراتي فين"
إلتفت له <<إلياس>> و قال
-"عندك في الكافيتريا بتطفح"
~"طيب أنا رايحلها و سايبهالك مخضره"
و خرج <<أمجد>> بعدها من الغرفه فنظر <<إلياس>> إلى <<جنى>> مره أخري و قال
-"بصي ، من ٧ شهور كان يوم كتب كتابنا ، كنا فرحانين أوي و بعد الحفله رحنا الملاهي و لعبنا هناك لحد الفجر و إحنا راجعين البيت قررتي إننا هنتمشى عشان كان نفسك تتمشي وقت الفجر لحد البيت و طلعتي تجري مني في الشارع زي العيله الصغيره و كان جي عليكي عربيه بتجري بسرعه و لسه بنحذرك و هجري عليكي راح خابطك ، و من ساعتها و إنتِ في غيبوبه"
أنت تقرأ
اطلانطيدا | Atlantita
Fantasyقال الملك بصرامه _"من أنتم ، تكلموا بلغه افهمها" ردت ="و أنت مال أمك يا عم إحنا مين أنت الي مين" رد الملك بعصبيه -"ماذا تقولين يا أيتها الخرقاء" ="أحم ، روق كده يسطا يطقلك عرق ، أعني من أنت يا معلم" رد بجمود -كيف لا تعرفين الملك أطلس حاكم البلاد و...