ထိပ်တန်းစုံတွဲက နည်းနည်း​လေး​တော့ချိုမြိန်တယ် [MM Translation]

Chapter - 75

မနေ့က ပရိုဂရမ်အဖွဲ့သားတွေနှင့် တွေ့ဆုံမေးမြန်းခဲ့​သော အတန်းပိုင်ဆရာမကတောင်မှ သူသည် အေးအေးဆေးဆေး သီးသန့်ရှိပြီး တခြားသူတွေနှင့်ဆက်ဆံဖို့ မလိုလားကြောင်း ပြောခဲ့​သေးသည်။ သို့သော် ဆရာများနှင့် သူ၏ရင်းနှီးသော သူငယ်ချင်းများသည် သူက ​ကောင်းမွန်​သော ကလေးတစ်​ယောက်ဖြစ်ကြောင်းသိကြသည်။

အကယ်၍ ဝမ်း​လောင်ရှီးဘက်မှ ဝန်ထမ်းများက သူ့ကို လာတိုက်တွန်းခြင်းသာ မဟုတ်ပါက စုန့်​လောင်ရှီး၏ တိတ်ဆိတ်ငြိမ်သက်​နေသော အခိုက်အတန့်ကို မည်သူကမှအနှောင့်အယှက်ပေးချင်စိတ် ရှိမည်မဟုတ်ပေ။

ဝန်ထမ်းတွေက သူ့အား မီးရှူးမီးပန်းရင်ပြင်ကိုသွားပြီး ဝမ်း​လောင်ရှီးနှင့် တွေ့​စေချင်သည်ဟု ပြောလာသည်။ ဝမ်းလိသည် မီးရှူးမီးပန်း ရင်ပြင်တွင် ရှိနေသည်ဟု စုန့်ယန်ကြားသောအခါတွင် သူသည် မျက်ခုံးအနည်းငယ်ကြုတ်လိုက်သည်။

"ဝမ်း​လောင်ရှီးက ဘာလို့အဲဒီမှာရှိနေတာလဲ?"

ဝန်ထမ်းတွေက နားမလည်ဟန်ဆောင်ပြီး "အဲဒါက ဒါရိုက်တာရဲ့ယာယီအစီအစဥ်ပါ"

စုန့်ယန်၏အကြည့်များသည် အနည်းငယ် ကျဉ်းမြောင်းသွားသည်။

သူသည် မတ်တပ်ထရပ်ပြီး ဝန်ထမ်းညွှန်ကြားချက်အတိုင်း မီးရှူးမီးပန်းရင်ပြင်ကို သွားရန်ပြင်လိုက်သည်။

သူ့အတွက်၊ မီးရှူးမီးပန်းရင်ပြင်သည် ကောင်းသောအမှတ်တရများမဟုတ်သော်လည်း ရိုက်ကူး​ရေးလုပ်နေသောကြောင့် သူ့ခံစားချက်များကို သိသာ​​အောင်လုပ်လို့မရပေ။ သို့သော်လည်း သူသည် သူ၏ခံစားချက်အားလုံးကို ကောင်းစွာဖုံးကွယ်ထားနိုင်သော သူတစ်ယောက်မဟုတ်သောကြောင့် ရင်ပြင်ဆီသို့ ဦးတည်သွားသောအခါတွင် သူ့မျက်နှာသည် သိသိသာသာပင် မည်းမှောင်​နေသည်။

တစ်ဖက်တွင် လိုက်ပါလာသော ကင်မရာသမားသည် အလွန်စိတ်လှုပ်ရှားနေပါ၏။ သူတို့နီးကပ်လာသည်နှင့်အမျှ အနီးနားရှိ ကျောင်းသားများ၊ အထူးသဖြင့် မိန်းကလေးများသည် အချင်းချင်း လက်ကိုဆွဲကာ စိတ်လှုပ်ရှားစွာ ခုန်​ပေါက်​နေကြသည်။