بسم الله الرحمن الرحيم
صلى على الحبيب قلبك يطيب فصلاة عليه نورا وطيب
اللهم صلى على وسلم على سيدنا محمد عدد ما ذكره الذاكرون وصل اللهم وسلم على سيدنا عدد ماغفل عن ذكره الغافلون
_________________________________________
ضحكتها ترن فى البيت من كثرة علوها
" خلاص بجا يازينة شيلى عيالك من قدامى انا لو دخلت تانى مش هحلهم وهفضل ابوسهم من خدودهم الحلوة دى " قالتها وهى تقف على عتبة الباب تضحك وتغازل أولاد زينة
" طب متخليكى معانا اهو متسلية بينا لحد ما جوزك يرجع ، اهو نتوانس ببعض لسه العيال مش هتنام دلوقتى لسه سهرتهم طويلة جوى "
" لا ياختى أنا هروح لسه المطبخ احضر عشا لرضوان هو من الصبح مع الحج فى الارض ،و فى المجلس بيشوف مظالم الناس وزمانه راجع هفتان "
شعرت زينة بوخزة بسيطة فى قلبها
" طب روحى حضريله كل اللى نفسه فيه وبيحبه ، ربنا يباركلك فيه ويجعل حسه دائما حوليكى يامسك"
شعرت مسك بتقلب مزاجها وفهمت حزنها ولكنها لم ترد التحدث اكثر لتحزنها فإبتسمت لها وخرجت وهى تدعى لها أن يعوضها الله بالخير دائما
انهمرت دمعاتها على وجنتها وهى تحرك يدها ناحية برواز صغير به صورتها هى و رشاد وتمسح بيدها على وجهه من فوق الزجاج وهى تجهش بالبكاء قائلا
"فاكر يارشاد ، لما كنت ترجع تلجينى محضرالك كل الوكل اللى بتحبه ، كنت بجعد طول اليوم من أول ما افتح عينى الصبحية لحد معاد ماتيجى وانا بحضرلك الوكلة ، كنت ببجا ،مبسوطة وفرحانه وانا شيفا فى عنيك علامة الرضا وفرحك بالوكل " مسحت دموعها وهى تتذكر مدحه لطعامها
امسك يدها وقبل باطنه بإبتسامة عازبة
" تسلم يدك ، يا أحلى زينة حياتى ، و أحلى واحدة تعمل بامية " نطقت بسرعة
" هى البامية بس اللى عجبتك ، طب الوكل التانى والله حلو المشحى أنا عملاه زين والله "
.ضحك عليها وقبل يدها مرة أخرى
" ياحبيبة جلبى ، البامية والمحشى ، وطاحن اللسان عصفور ، والرز والفراخ المحشية والحمام ، كله زي زبدة ، زى أيد صحبتهم كده " احمرت وجنتيها وتحدث
" تسلميلى ياسيد الرجالة " أمسكت قطعة حمام أمامها تناولها له
" طب خدى دى من أيدى ، وجولى رأيك " رفض أخذها بسبب انتفاخ معدته من كثرة الطعام
" لا أبوس يدك. ، دا انا على اخرى ، دا أنا لو باكول فى اخر زادى ماكنتش أكلت الكمية دى " تحدثت بدلع
" تعدمنى لو ما اكلتش منها حتة صغيرة "
" بعد الشر عنك " قالها وهو يقطع منها قطعة صغيرة وبعدها قام بسرعة ، حتى لا تتمسك به وترغمه على الطعام أكثر ، لم يعد فى معدته مكان آخر لقد أمتلأت لأسبوع قادم
أنت تقرأ
مسك الليل _ رواية صعيديه
General Fictionدى لو الواحد نقعها فى شوية ميه بس ولله هنكسب من وراها دهب لدرجة أن مصر هتبقا الأوله على العالم فى صنع عطر المسك وهتبقا ريحة ثابته ثبات محصلش " _ وانت بقا اتثبت من الريحه دى " قالها مصلحى بمكر عندما لمح عينيه التى لا تزال على مسك رد بتوهان قائلا " د...
