Weird& horror

قاتل متسلسل بيننا " خناق بوسطن"

سلام عليكم عاملين ايه إن شاء الله تكونوا بخير 💜✨ومرحبًا بكم جميعًا My sugars .🍭🍭

_♥️🇵🇸
_متنسوش الدعاء لأهلنا في فلسطين اللهم أنصرهم وأعزهم على القوم الظالمين اللهم أذل الأعداء وأجعل كيدهم في نحورهم اللهم آمين .

_ متنسوش كما الدعاء لأهلنا في السودان الشقيق عسى الله أن يفرج كربكم ، ويفرق شمل كل من عادى المسلمين والإسلام اللهم آمين ♥️🇸🇩

_فعلوا وضع ال Dark وأنتم بتقرأو أما لو كنتم عاملينه اصلا زي ف أنتم كفوا واقفلوا النور عشان تدخلوا في الاجواء .

_موضوعنا أنهارده زي ماهو مكتوب بالعنوان
عن قاتل أسمه خناق بوسطن بس السؤال هنا هل هو فعلًا مرتكب الجرائم دي ولا هو بيدعي انه الفاعل؟ وايه السبب اللي يخلي شخص يعترف بجرائم هو مرتكبهاش ؟
علشان تعرفوا قصة خناق بوسطن اقرأوا الفصل للنهايه ، وتقديرًا لتعبي كومنت لأنه رأيكم يهمني ، وڤوت بين الفقرات حلو زيك يلي تقرأ .

_🚫 تحذير قصة اليوم تحتوي تفاصيل مزعجة ودمويه فإذا كنتم تتحسسوا من المواضيع دي (الأغتصاب ، الشنق الممارسات الجنسية الغريبة ) ف البارت ده مش ليكم تقدروا تاخدوا نظره عن باقي محتوى كتاب هتلاقوا قصص متأكدة هتعجبكم.🤍

_ قصة النهارده طويلة ، وفيها تفاصيل كتير فيكم تعتبروا أن ده بارت عودتي في النشر وبكمل سلسلة ( قاتل متسلسل بيننا ) ، فحضروا مشروبكم المفضل ☕🧃ويلا نبدأ رحلتنا النهارده لولاية بوسطن في الولايات المتحدة الأمريكية.

_ اللي متابعني عارف أن في أي قضية بحب أعرفكم الأول بماضي وطفولة القاتل بس المره دي هعكس بحكيلكم الجرابم الحديثه اللي نفذها بعدين بعرفكم عليه وعلى الجرايم اللي عملها بطفولته ومراهقته أيوا زي ماشفتم كدا حياته حافله بالجرايم من صغره فخلونا نبدأ .

🔪🔪______⛓️⛓️________🔪____________⛓️

في مدينة بوسطن بين عامي 1962 ،و 1964 كابوس مرعب قضى على حياة 13 إمرأة تراوحت أعمارهم بين 19 و 85 عام ، و بسبب الجرايم دي حصلت صدمة كبيرة للسكان في مدينة تعتبر من أكتر المدن تدينًا بالعقيدة الكاثولكية ، و إتباع لتعاليم الكنيسة
في يوم 14 يونيو من عام 1962 تم العثور على جثة إمرأة في نصف عقدها الخامس ، مطلقة وحيدة ، وعايشه في شقة صغيرة أسم الست دي هي "آنا سليسرز" لقوها نايمه على ضهرها على أرضية المطبخ ، و لابسه روب الحمام بس كان مقطوع ، و تم الإعتداء عليها جنسيًا بوحشية بإستعمال أداة ، ولكن في متمش ذكر نوع الأداة في التحقيق ، القاتل مكتفاش بس بالأعتداء عليها بعد الأعتداء خنقها بروب الأستحمام اللي كانت لبساه لحد ما ماتت .
كشف الطب الشرعي للشرطة ، بأن الضحية تعرضت للضرب على راسها سبب ليها جرح عميق و لكن السبب الرئيسي للوفاة كان الخنق ، لأن رقبتها كانت عليها آثار خدوش بسبب حزام الروي ، مش بس كدا كانت فيه آثار كدمات بسبب حزام الروب اللي عقده القاتل حوالين رقبتها بطريقة مميزه ، و قدام قلة الأدلة ،و غياب الشهود على الواقعة ، و بدائية وسائل التحليل الجنائي في الوقت ده رجحت الشرطة أن القتل بدافع السرقة.