Embracing the Troublemaker

Chapter One

Jael's Point of View

Hindi ko mapigilan mapa-tingin sa lalaking katabi ko. Grabe, sobrang lakas ng loob. Paano nya kaya nakakayang matulog ng mahimbing sa kalagitnaan nang discussion. Matatapos nalang yung oras na nakalaan para sa Oral Communication hindi pa rin sya nagigising.

"Matutunaw si Ross n'yan," ngising ani ng katabi kong si Ivy.

"Anong matutunaw, mukha ba s'yang ice cream?"

Binigyan nya lang ako ng nakaka lokong tingin at ngiti bago ibinaling ang atensyon sa guro na nasa harapan.

Muling napa baling ang tingin ko kay Ross. Naka tagilid ang ulo nya papunta sa gawi ko kaya kitang-kita ko ang ka-gandahan ng kanyang mukha. Mukha naman palang anghel 'to habang natutulog. Huwag nga lang magising.

"Okay class, dismissed. You may take your break."

Umiwas na ko ng tingin kay Ross nang makita kong palapit na sakanya yung mga barkada nyang nag hihintay sa labas ng room.

Pinasok ko lahat yung mga gamit kong naka labas sa bag habang tinitingnan sa peripheral vision ko ang pag gising ng tatlong lalaki kay Ross. Isang kalabit lang nung isa ay agad itong nagising at saka kinuha ang bag nya bago dere-deretsong lumabas ng silid.

Naka sunod lang ang tingin ko sakanya habang palabas sila ng room. Hindi ko pa rin mapigilan mamangha sakanya. He's really tall and well-built.

Nag g-gym kaya sya?

"Huli sa akto, pinag nanasaan si Ross!"

"Yuck! Paki-filter nga bibig mo, Theodora! Anong pinag nanasaan, kilabutan ka nga,"

"Mas yuck ka. Cypress nga, Jael. Cypress. Pucha, napaka bantot ng Theodora, di mo alam kung gaano nanginginig kalamnan ko sa tuwing naririnig ko yang pangalan na yan."

Tinawanan ko ang naging reaksyon nya, "Maganda naman ah? Ikaw lang na babantutan sa sarili mong pangalan." Ani ko.

"Pinag sasabi mo d'yan? Ew, yuck." Anas nya. "Tara na kase, naguguton na ako." Aya nya bago ako hilain papuntang canteen.

"Aray ko. Dahan-dahan naman," pag rereklamo ko nang muntik na ko madulas sa hallway.

Tanaw mula rito sa building namin ang isang napaka laking gymnasium kung saan natatanaw ko rin na doon papunta sila Ross kasama yung tatlo pang lalaki.

"Alam mo, sayang talaga 'yan si Ross. Complete package na sana. Mabait, gwapo, matalino kaso lang malapit sa gulo! Bully pa." Saad ni Cypress na nakapag bigay taka saakin.

I don't know Ross Alaric that much but I heard about him alot. Balita ko nga, grade 12 na sana sya this school year kaso bumalik aral lang dahil bumagsak sya kasama ang mga barkada na kasama nya kanina. Ang sabi, halos sa isang linggo isang beses lang daw pumasok si Ross. Pana'y ang cutting class, barkada at kung minsan pa ay laman ng away sa loob at labas ng school.

Matalino naman daw si Ross. In fact, he's an academic achiever since kinder garten, 'yon ang sabi saakin ni Cypress. Pride daw s'ya ng school dati kaya nakakapag taka kung bakit umabot sa ganitong sitwasyon si Ross. He's been my seatmate for almost a month na since the school started. Okay naman sya, maliban na nga lang sa palagi syang tulog sa klase.

"Ano sayo, Jael? Ano ba yan, pa ulit-ulit nalang yung pagkain dito sa canteen. Nag sasawa na ko."

Hindi ko napansin na nakarating na kami ng Canteen. Napa hawak ako sa sikmura ko nang bigla kong maalala na halos wala pa kong kain simula kagabi. Tanging kape at isang piraso ng pandesal ang nakakain ko.

"Ah, Wala. Busog pa ako. Kumain ako bago pumasok."

Tiningnan nya ako ng may pag tataka at mukhang hindi pa naniniwala sa sinabi ko. Nginitian ko si Cypress ng malapad na naging dahilan ng pag kibit balikat nito.