love like the galaxy { myanmar translation } (Unicode & Zawgyi

အခန်း 42-2

အခန်း ( ၄၂ ) အပိုင်း ၂

''ဒါ့ကြောင့်မို့လို့ ဒီရက်တွေမှာ လူကြီးမင်းက ဓားပြတွေကို လိုက်ဖမ်းဖို့ အလုပ်ရှုပ်နေပြီး ကုသဖို့ကိုတောင် နှောင့်နှေးနေတာလား´´

ရှောက်ရှန်းက ဒီတစ်ခေါက်မှာ နားလည်သွားသည်။ လင်ပုယီက ပြုံးကာပြောသည်။

''ရက်စက်ကြမ်းကြုတ်တဲ့ ကျားကို နှိမ်နှင်းဖို့က လွယ်တယ်။ ဒါပေမဲ့ ပုရွက်ဆိတ်တွေကိုတော့ သတ်ဖို့ ခဲယဥ်းတယ်။ အဲ့အပြင် နွေဦးက နီးကပ်လာပြီ´´

''မျိုးစေ့ချဖို့ လွဲချော်သွားရင် တစ်နှစ်လုံး လွဲမှားသွားလိမ့်မယ်။ ပြည်သူတွေအတွက် အေးအေးချမ်းချမ်းနဲ့ စားသောက်နေထိုင်နိုင်ဖို့က မလွယ်ကူဘူး။ အမှားဖြစ်လို့ မရဘူး´´

ရှောက်ရှန်းက သူ့ရှေ့ကလူဟာ ပိုပြီးကြီးမားလာသလို ခံစားရသည်။ ရှေးဟောင်းစာအုပ်တွေထဲမှာ ဖော်ပြထားတဲ့ သစ္စာရှိအမတ်နဲ့ စစ်သူကြီးတွေဆိုတာက ဒီလိုမျိုးပဲ ဖြစ်ရမယ်။ သူမက ချိုမြိန်တဲ့ အပြုံးလေးဖြင့် ပြန်ဖြေလိုက်သည်။

''ရှင်ပြောတာလည်း အရမ်းမှန်တယ်လို့ ကျွန်မထင်တယ်´´

လင်ပုယီက ဘာမှမပြောပဲ ပြုံးပြီး ကောင်မလေးရဲ့ မျက်လုံးကို ကြည့်လိုက်သည်။ တကယ့်ကို ကြယ်စင်လို တောက်ပပြီး အသက်ဝင်နေသည်။ လီဝူလန်က အသံမထွက်ပဲ သူ့အဖေကို လှည့်ကြည့်လိုက်သည် : အဖေ သူတို့ကြည့်ရတာ ကျီစယ်နေကြသလိုပဲ။

လီထိုက်ကုန်း : မင်းပါးစပ်ကို ဆက်ပြီးပိတ်ထားစမ်း။ နောက်ဆုံးတော့ လူအိုကြီးက မြေပုံပေါ်က နေရာနှစ်ခုကို ညွှန်ပြကာ ပြောသည်။

''တကယ်လို့ ထွက်ပြေးဖို့အတွက် ဆိုရင်တော့ ဒီလမ်းနှစ်ခုကို ရွေးလောက်တယ်´´

လင်ပုယီက ခေါင်းငြိမ့်ကာ ကျေးဇူးတင်လိုက်ပြီး စစ်သည်နှစ်ယောက်ကို ပေလိပ်အား ပြန်ယူသွားရန် အမိန့်ပေးလိုက်သည်။ ရှောက်ရှန်းက အလျင်အမြန် ဝက်ဦးနှောက် ဦးလေးရဲ့ လုံခြုံမှုအကြောင်းကို မေးလိုက်ပြီး လင်ပုယီက ပြန်ပြောသည်။

''ချင်စီရင်စု တရားသူကြီးက သစ္စာရှိရဲရင့်ပြီး သတင်းကြားတာနဲ့ ချင်ဝမ်ဆီကို အပြင်းနှင်သွားတယ်။ ကိုယ်ထွက်လာတဲ့ အချိန်တုန်းက တရားသူကြီးကုန်းစွန်းက အရှင်မင်းကြီးရဲ့ တဲမှာ အကြောင်းပြန်နေတယ်။ မင်းဦးလေးက တကယ်လို့ ချင်စီရင်စုထဲကို ဝင်သွားရင် အဲ့နေရာက မြို့ရိုးတွေက မြင့်မားပြီး အန္တာရာယ်မရှိလောက်ဘူး´´