မင်းအွန်လိုင်းဖြစ်မယ့်အချိန်ကို စောင့်နေတယ်(ဘာသာပြန်)

014:ဘယ်သူက ဘယ်သူ့ကို တိုက်ခိုက်တာလဲ

သူ့နှလုံးသားထဲတွင် မီးတောက်လေးတစ်ခု ထွန်းလင်းနေပြီး လျစ်လျူရှုရန် မဖြစ်နိုင်ပေ။ ၎င်း၏ နွေးထွေးမှုသည် သူ့ရင်တွင်း၌ ဖြစ်ပေါ်နေသော ဤယုတ္တိမရှိသည့် ချစ်ခြင်းမေတ္တာကို စူးစမ်းရန် ဖိတ်ခေါ်နေလေသည်။

သို့သော်လည်း သူရဲ့လိင်အမျိုးအစား အစစ်မှန်ကို တစ်ဖက်လူစီ မဖော်ထုတ်ရသေးဘူးဆိုတဲ့ မလွယ်ကူခြင်းဟာ သူ့ကို ချုပ်နှောင်ထားခဲ့သည်။

"အေးနေလား?"

မီး၏အသံကို သူနှင့် နီးကပ်စွာကြားလိုက်ရသည့်အခါ ဟဲကျင့် သည် သူ့ရဲ့နေ့ခင်းအိပ်မက်ထဲက နေ ပြန်လည်ရောက်ရှိလာတော့သည် ။

သူကြည့်လိုက်သည့်အချိန်မှာ သူနဲ့စကားပြောနေတဲ့သူဟာ တကယ်တော့ ချင်ယွီဖြစ်ပြီး သူ့ဆံပင်နက်နက်အောက်ကနေ သူ့ကို စိုက်ကြည့်နေတာကို တွေ့လိုက်ရလေသည်။

သူ့အကြည့်များသည် ဟဲကျင့် ၏ စိတ်ထဲရှိ ချစ်ခြင်းမေတ္တာရဲ့ ပုံရိပ်ယောင် ကို ထင်ယောင်ထင်မှားဖြစ်စေခဲ့သည်။

"အာ...?" ဟဲကျင့် က စကားပြောဖို့ ကြိုးစားပေမယ့် သူ့အသံက တုန်နေကာ ရှက်ရွံ့ မူကြောင့် သူ့နားရွက်တွေနီရဲလာတော့သည်။

အမှန်အတိုင်းဆိုလျှင် ချင်ယွီသည် လမ်းကို ဒီတိုင်း ငေးနေခြင်းဖြစ်ပြီး ဟဲကျင့် ၏ သူ့လည်ပင်းကိုကျုံ့လိုက်သည်ကို မြင်လိုက်သောကြောင့် သူ ထိုမေးခွန်းကို အလိုလို မေးမိလိုက်သည်။

ဟဲကျင့် က သူ့ကိုယ်သူ ခပ်မြန်မြန် ပြန်မတ်လိုက်ပြီး ဖြေလာသည်။

"အင်း နည်းနည်း ဒီမနက် အပြင်ထွက်တုန်းက ဒီနေ့ ရာသီဥတုက ကောင်းတယ်လို့ ထင်လို ပေါ့ပေါ့ပါးပါး အဝတ်အစားပဲ ဝတ်လာတာ ရေကန်မှာ ဒီလောက်အေးမယ်လို့ မထင်ထားဘူး"

ချင်ယွီ သည် "အာ" ဆိုသည့် အသံကို ညင်သာစွာ ထုတ်လိုက်ပြီး ဟဲကျင့် ၏ ခေါင်းပေါ်က ကျော်ကြည့်လိုက်သည်။ ဆောင်းဦးနှောင်းပိုင်း၏ ရာသီဥတုသည် ဆောင်းရာသီထက် ပိုကောင်းနေသေးသော်လည်း ဤရေကန်၏ တောက်ပြောင်နေသောရေများသည် အေးစိမ့်သောခံစားမှုကို ပေးစွမ်းသည်။