غِراس الشر

البارت الثالث والعشرون

أسفة على أحداث هذا البارت لكن هذهِ الحقيقة العاشاتها آيلول 💔
الاحداث حقيقية100%

غِراس_الشر

البارت _23_

للـكـاتـبة: زينب طالب

لتنسون التصويت + التعليق بين الفقرات+
متابعة لحسابي حماماتي🕊️

حساب الانستا🤍

ins: z_z1999.z ~~~~~~~~~~~~~~~~~~~~~~~~~~~~

آيلول: مناظر أول مرة اشوفها بحياتي، صرخت بصوت بعد ماقطعوا راس المرة
حسيت أحد سد حلگي رفعت راسي شفت
مرية طالعة بس عيونها تقربت وهمست بأذني

أششش لاتصرخين وتلفتين الانظار عليچ غمضي عيونچ لحدما يخلصون

_سمعت كلامها غمضت عيوني لأن ميصير اطلع من التجمع بعد ألا يخلصون ليسوه
جسمي يرجف كلة منظر المرة مايروح من راسي سمعت اصوات وضجة يمي غريبة فتحت عيوني شفت واحد يجلدون بي بالسوط وهو يصرخ للسماء ومرة ثانية مچتفيها ويرمون عليهاا حجار يگولون هذه زانية ماأعرف شنو يعني وأمرو الناس الواگفة ترميها بالحجار حد الموت الناس من الخوف منهم صاروا يضربون المرية ودمها يجري منها والله من كثر الضرب شفت المخ مالتها طفر يم الرجلين ماگدرت أقاوم اكثر اريد اطلع ماگدرت هسة غير اغمض عيوني لحدما ينتهون لاا شفت واحد رجال جابوه گالو هذا سارق گدام عيوني جابوا آلة ماأعرف شسمها وگطعوا ايدةة من شفت المنظر وگعت بالگاع شالتني المرية وطلعتني منهم وأني احس رجلية ماتشيلني حچت

يلة روحي خلصوا. بس بعد لاتطلعين. وحدچ
أنتِ صغيرة وتشوفين الوضع

_هزيت راسي ورحت أمشي ودموعي تنزل الطريق كلة أتقيء من المناظر لشفتها اليوم شي أشبه بالخيال شنو هاي وين عايشين هيچ
بكيفهم يقتلون بالعالم من غير رحمة وشفقة
دموعي ماوگفت ونفسي تلعب وصلت للبيت
دخلت لبيبي شافتني وصاحت

تسواهن: هم رجعتِ فارغة شبيج شصار وياچ

_بچيت وگلت بيبي شفتهم شلون يقتلون الناس ولچ بيبي يگطعون روس وأدين بيبي
المرية مخها اطشرر گداميي أحچي وارجف وابچي، تقدمت علية. وحضنتني

تسواهن: اوف يمةة شوداج يمهم اني صوچي خليتگ تطلعين بس شسوي يبيبي مابية حيل اروح اتسوگ اني وامچ طولت گومي غسلي ونامي شوفي حالچ شصار الله لايوفقهم عيشونة برعب

_عفتها وگمت دخلت للحمام رجلية كلها دم لأن مخ المرة اجة قريب يمي أغسل بالدم وأبچي بشهگة تاخرت حيل دگت بيبي الباب تستعجلني اطلع بدلت وطلعت لگيتها لابسة تريد تروح سالتها وين بيبي؟

تسواهن: رايحة لاخوية أجيب من عندة فلوس محتاجة لخالچ مااتأخر قفلن الباب وگعدن بلكت امچن تجي من وقت

_راحت بيبي وأني دخلت للغرفة فلة نايمة
والبنات برة لفيت راسي ونمت يمهاا أريد اشرد من هذا الواقع الاني بي وأنسى هذا اليوم ماأگدر شمرت الغطة وگمت لان تعبت طلعت يم خواتي أريد شي الهي بي نفسي ماكو