غِراس الشر

البارت العاشر

غِراس_الشر

البارت _10_

للـكـاتـبة: زينب طالب

لتنسون التصويت + التعليق بين الفقرات+
متابعة لحسابي حماماتي🕊️

حساب الانستا🤍

ins: z_z1999.z ~~~~~~~~~~~~~~~~~~~~~~~~~~~~

‏شماتة وليل غربـة وچلمة الياحيف
يلتمــن دمــــع ويطيحــن بخـــدي

لـ عريان السيد خلف

....
......
.........

تنسيم: أطرافي بردت جسمي رجف گلبي گام يدگ سريع من المنظر لگدام عيوني أول مرة بحياتي أشوف هيچ شي شنو يسوون ذولي
شنو هالخرافاتت؟!
بعدني بحالة الصدمة وأني أباوعلهم ويدخل تقي من الباب الخارجي هو شافهم هيچ وهو
تسودن شال المسجل وكسرة وأخذ الدڤ من أيد صالح وكسره تخبل گام يدگ على راسة
ويصيح

تقي: انتو شگاعددد تسووون تخبلتوا شنووو هالأعمال ولمعتقداتت الشيطانية صالحح خبلت أهليي اطلعع برةة أطلعع ماأريدد. أشوف وجهككك هناا شيطان زنديقق اطللعع

_يصيح ويدفع بي وهوماحچة ولاكلمة نزلت شاها تركض من شافت الوضع أخذت جهالهة ولحگتة عمي وعمتي بس يباوعون بالوجوه عبالك متبنجين دخل تقي عليهم بعد ما طرد صالح شگدد صيح وحچة وحتى تجاوز وهم بس صافنين بوجه عافهم وطلع من الصالة شافني بوجه أخذ أيدي ودخلني للغرفة من شاف حالتي هيچ ووجهي أصفر حاول يهدي نفسة أخذ وجهي بين أديه ويحجي بهدوء

تقي: تنسيم حبيبتي شو باوعيلي ليش ترجفين هيچ لاتخافين أني يمچ يروحي

_حچيت برجفة، شنوو صار شچانوا يسوون!

تقي: ماكو شي صالح هاي سوالفة من زمان شگد نبهتة بس مايسمع يحاول ينسب روحة للدراويش

_بس الدراويش مو هيچ بعدين إبووك يضرب نفسة وميطلع دممم شفتةة بعيوني

تقي: تنسيممم لاتخلين ابالچ أنسيي وأني أعرف اتصرف حبيبتي أهتمي بنفسج وبالبطنچ لايصير بيچ شيء ماشي؟

_هزيت راسي وماجاوبت عافني وطلع وأني المنظر شكل براسي أستغفر الله شنو هالعائلة
ماشفت بيهم واحد يصلي من دخلت لليوم غير تقي وعلي ونفوذ لاقرآن يشتغل ولاأذان يأذن بيتهم أستغفرت ربِ وگمت أريد أصلي المغرب صار طلعت توضيت ورجعت هنة بالمطبخ يحضرن العشة وأني دخلت أصلي

تقي أسبوع مر وهو ضايج من هاي السالفة ومايحچي وية أهلة مثل لنصدم بيهم وتفشل كدامي لأن أني شفتهم، بس الفرحنة وكسر الهوسة الصارت بالبيت هو ترقية تقي من النقيب وصار رائد حيل فرحت بيومها علة فرحتة والبيت كُلة فرحان ألة سوة عزيمة وعزم خواتة وأخوانة بهالمناسبة اجني خوات تقي كلهن ومن ضمنهم حسناء اول مرة أشوفها مرتبة وثگيلة سلمت عليها وعليهم كلهم للأمانة خوات تقي كلهن بهالترتيب
يعني كلهن خوانم ترتيبهن ولبسهن وثقافتهن
مبينة بسس مينحبن بس مريم وشاها هناء هاي حقيرة حيل ماتجي أذا ماتسويلي مشكلة
وحسناء أي حديث مصار بيناتنة صالح أستغل الموقف أجة وجاب هدية لتقي وأعتذر من عندة وهو مارداه لخاطر إختة نطاه علاگة ماعرفت شنو بيها أخذتها وخليتها بالكتنور بعد ماأنطاها ألية تقي