غِراس الشر

البارت العشرون

اعرف تأخرت عليكم بس شرحت ألكم السبب وان شاء اعوضكم ❤️
البارت القبل هذا نصة  مادققتة كنت مستعجلة بعدين شفت هواي سحگات بي اسفة🤭

غِراس_الشر

البارت _20_

للـكـاتـبة: زينب طالب

لتنسون التصويت + التعليق بين الفقرات+
متابعة لحسابي حماماتي🕊️

حساب الانستا🤍

                           
   ins:  z_z1999.z ~~~~~~~~~~~~~~~~~~~~~~~~~~~~

ندامـة اعلة الشرف ينداس
والـداس الشـرف يسلم

عريان السيد خلف

....
......
.........

آيلول: أمي بس سمعت كلام خالد لبست شالها وطلعت تركض لحگتهاا اني وخواتي نباوع عليهاا من الباب چان واگف ماقبل يفوت 
اسمع أمي تحچي وياه بحرگةة گلب

تنسيم: هم الكك عين وجاي علينةة باي وجه جاي بعدد السويتةة بينةة هااا؟

عبداالله:ليش شسويت أني؟

تنسيم: صدگ تحچي؟ بعد دگتك هاي وعفتنةة بنص صحراء وشردت ماگلت شيصير بينةة ميصير وأحنةة عرضك وامانةة أخوك الك شجاوبة من يطلع اذا مالگيتنةة هاا تگلةة تيهتهن بالصحراء وشردت؟!

عبداالله: لزمي حدج تنسيم اني ماتيهتكم انتو شردتوأ اصلاً السيارة عطلت ورحت اريد احدد يصلحها اليةة ومن رجعت مالگيتكم شكد دورت عليكم أيست ورجعت

تنسيم: والله ماأصدگ بيك والله شنو عطلت وهيةة واگفةة شوفلك غير حجة اذا إنتَ متريدنةة وياك شكوو طلعتنة وليش عفتنةة هناك وشعندك هسةة جاي علينةة؟

عبدالله: حتى ترجعون للبيت شنو گعدتچ هناا؟

تنسيم: شنو بكيفك اني ترجعني وتطلعني من بيتي شوكت ميعجبك لامأرجع شعندي راجعةة ها مو طلعت عائلتك

عبدالله: ماطلعتهم رجعوا لان اصلاً ماكو شي

تنسيم: رجعوا!ً  شلون ماكو شي متشوف الناس الطلعت والاحكام الفارضيهنة عليةة
اني ماامن بيهم

عبداالله:  ترة هنا هم موجودين متشوفين أخوتچ شاردين منهم وبيت أهلچ مو امان لان عدهم منتسبين رجعي بيتج وقفلي بابچ ومحد الةة علاقة بيچ يلة لاتعطليني عندي شغل

تنسيم: رجعة وياك ماارجع اني أخذ ابني واخوية وأرجع روح انتَ

عبدالله: بكيفچ بس مااعرف شنو يصير بالطريق تضحين بأخوچ وابنچ اني أگدر ادبر نفسيي

_صفنت امي تفكر بعدهاا رفعت راسهاا وردت علية بيأس

تنسيم: انتضرنةة نجهز نفسنة ونجي وياك

عبدالله: منتضركم بالسيارة لاتتأخرون

_عافهة وطلع وهية اجتي شافتنة وگالت