غِراس الشر

البارت الخامس

بارت هدية لان تفاعلكم حلو البارحة ❤️

غِراس_الشر

البارت _5_

للـكـاتـبة: زينب طالب

لتنسون التصويت + التعليق بين الفقرات+
متابعة لحسابي حماماتي🕊️

حساب الانستا🤍

ins: z_z1999.z

~~~~~~~~~~~~~~~~~~~~~~~~~~~~

خليني اعلــة بالـك طيف لــو عــادت ايامـي يعــــود
او خليني اوية دمك شوگ من شوگي البلاية احدود

(عريان السيد خلف)
.
..
...

تنسيم: بعدني مامغيرة هدومي ودخلت علية غيدة تركض

غيدة: ولچ تنسيم الحگيي

_يمة اسم الله شكوو ولچ اخذتي گلبي
احچيي

غيدة: زيدد بالباب يريدچ ولچ تعالي طلعيلة خطية يبچي عليچ

_ انتِ مخبلة شنو اطلعلة وانتِ وين شفتي شعندچ بالباب مو عفتج تگمزين هسةة

غيدة: ومو أمي گالتي اصيح اخواني برة لأن دنيا ليل وطلعت وشفتة مقابيل الباب شافني وگام يتوسل بية يريد يشوفچ بس والله نقهرت علية عليچ الله تعالي شوفي

_شلون هسة اطيح حضها بابا انتِ متفهمين شلون اطلعلة ميصير غير بس يشوفني ابوي يذبحني بعدين اطلع شگلة ها اگلة لاتبچي راح اعوف تقي واجي وياك عوفيه هسة يمل ويروح هذا هم حضة حب وحدة مثلي أمرها موبيدها الله يبرد گلبة

غيدة: اوفف والله خطية كون يروح لاابوي يطلع صدفة ويشوفة

_اي بلكت بس انتِ لاتطلعين بعد گعدي وسكتي، صدگ راحن خالاتي لو يباتن

غيدة: لاوين جاي يلمن ملابسهن هسة يرحن
وسحر هم تروح

_شعدها رايحة متبات يعني؟

غيدة: تگول رجلي راح يطلگني عايشة عدكم اكثرر من عندة

_اي خطية تعبت وياي من المستشفى وانوب هسة الخطبة خليها تروح، عفتها ورحت للحمام سبحت ورتاحيت احس التعب كلة وگع وية الماي بس طلعت گبل لفراشي حتى مامشطت اسمع هوستهن وهنة يبدلن حتى مااگدر اگلهن اسكتن على صوتهن غمضت عيوني ونمت

_گعدت الصبح على صوت امي وهوسة اخواني ودواماتهم گمت لميت لفراش وغسلت وصليت وساعدت امي لأن خطية وين تلحگ
سويت الريوگ اني وهية تبدل لأخواني
اجتمعنة كُلنة على الريوگ وابوية ويانة
طلعوا البنات واخواني للمدارس وابوية يگول للشغل مااعرف لهسة هو مستمر بالتهريب لولا
ميقبل يحچي حتى امي من اسالها متجاوب
محمود نايم وامي صارت ب8وطلعت للسوگ
اني گمت نضفت البيت وحضرت الغدة أمي من تجي تطبخ لأن متقبل أني اسوي الغدة
كملت كلشي لزمت الدفتر وگعدت بالطرمة صحيح الجو بارد بس حلو حيل بداية شهر الواحد. گاعدة اشخبط بالدفتر مااعرف شكتب
وسمعت الباب أندگ، عفت الدفتر على صفحة وگمت اشوف منو عالباب، منو منو
ماكو محد يجاوب رجعت حچيت منو عالباب احچوو