မင်ဂီက ဂျုံဟျွန်းအပေါ် ချစ်တဲ့အတ္တစိတ်တစ်ခုတည်းကိုသာ ကြည့်ခဲ့မိသည်။သူ့အနာဂတ်မိသားစုမှာ ဂျုံဟျွန်းတစ်ယောက်တည်းသာပါဝင်သည်။တခြားအရာတွေကို သူမမြင်ခဲ့ပေ။
အိမ်ခန်းထဲရှိကုတင်ပေါ်အရောက်ပို့ပေးလိုက်သည်။မင်ဂီက ဂျုံဟျွန်းမျက်နှာကို ဆွဲထားရင်း အနီးကပ် တစိမ့်စိမ့်ကြည့်နေသည်။ဂျုံဟျွန်းကမျက်ရည်ရွှဲနေသည့်အကြည့်တို့အား စိတ်မကောင်းဖြစ်ရသည်။အံကြိတ်ထားသော်လည်း မျက်ရည်တို့ကြောင့်တုန်ယင်နေဆဲ။သူ့ကိုနမ်းပါဟူသောအမူအရာဖြင့် နီရဲနေသော နှုတ်ခမ်းလှလှကိုထိုးပေးလာသည်။
'အကယ်လို့ ဒီမျက်ရည်တွေက ငါ့ကြောင့်သာဆိုရင် ငါဘယ်လိုလုပ်ရမလဲ မင်ဂီ။မင်းမျက်ရည်ကျတာမျိုးလည်း မမြင်ချင်ဘူး။ငယ်ငယ်တုန်းကတော့ မင်းငိုတိုင်း ငါက ပါးလေးတွေကိုမွှေးမွှေးပေးရင် မင်းကရယ်သွားတယ်။အခုက မဖြစ်နိုင်တော့ဘူးလေ '
မင်ဂီက မိမိနှုတ်ခမ်းအား ကလေးငယ်ရေခဲမုန့်လျက်သလို နမ်းနေသဖြင့် လန့်သွားသည်။နူးညံ့သည့် နှုတ်ခမ်းပါးငယ်ကို ရုန်းဖယ်ဖို့ကြိုးစားသော်လည်း မင်ဂီက ခြေထောက်နှစ်ဖက်ကိုခွထားပြီးသားပေ။
သူအတင်းဖယ်ပါက မင်ဂီတစ်နေရာရာ၌ပုံလဲသွားလိမ့်မည်။သေးငယ်ပြီး နုနယ်လှသည့် မင်ဂီကို အနာတရဖြစ်မှာစိုးသဖြင့် ပြန်မတုံ့ပြန်ဘဲ ငြိမ်နေပေးလိုက်သည်။ငယ်စဥ်ကလည်း ပါးတွေနားတွေကိုနမ်းဖူးပေမယ့် ယခုတော့မတူဟု ဂျုံဟျွန်းသိသည်။
'ဒါက အိမ်မက်တစ်ခုပဲဖြစ်လိုက်ရင်ကောင်းမယ်။ငါခေါင်းကြီးပေါက်ထွက်ပြီး ရူးတော့မယ်လို့ခံစားရတယ်'
ထိုနေ့က ကင်မရာတစ်စုံဟာ အခန်းထောင့်ကနေ တစ်ဖြတ်ဖြတ်နဲ့မှတ်တမ်းတင်နေပြီးနောက် ပုံတွေဟာ မိဘတွေဆီအလိုလိုရောက်သွားသည်။ဘယ်သူ့လက်ချက်လဲတော့ မေးရန်မလိုပေ။ရလဒ်အနေဖြင့် နှစ်ယောက်ကို အားရဝမ်းသာစွာ လက်ထပ်ပေးလိုက်သည်။မီရယ်က လုံးဝမကျေနပ်သော်လည်း ဂျုံဟျွန်းက မီရယ်ကိုဆက်တွေ့နေခဲ့သည်။
![](https://img.wattpad.com/cover/358101602-288-k413199.jpg)
YOU ARE READING
Potato Beast ( Mini Fan Fiction)
FanfictionYou are not here but you are in my heart