23:57

18th Incident: Aura 霊気

Wala pa kami sa station ay nakita ko na agad si Ayako na naka crimson red coat. May dala-dala siyang paperbag ng mga pinamili niya at kasama niya ang nanay ko.

"Anak! Tumakbo ka ba? Hingal na hingal ka a?" puna ng nanay ko sa akin na medyo nandilat ang mata dahil halos mapaluhod na ako sa sobrang pagod.

At nang mapaluhod ako sa harapan ng nanay ko ay nakita ko ulit ang batang babaeng nakakapit sa damit ng nanay ko. Nagulat ako dahil halos matanggal na ang kuko niya sa pagkakakapit sa damit ng nanay ko. Nakikita ko na ang basag nitong kuko at ang dugong tumutulo mula rito.

Napahiyaw ako at napaatras. Agad akong pinagtinginan ng mga tao sa paligid. Pero katulad ng Japanese custom, hindi sila dapat nakikialam sa iba pwera na lang kung may aksidente. Kaya naman matapos akong pagtinginan ay patuloy na ulit sila sa paglalakad.

Nilapitan ako ng nanay ko at ni Ayako dahil nagulat rin sila sa akin. Pero mas ikinagulat ko na nakangiti ng kakaiba si Ayako sa akin. Alam ko naman na si Ayame ito pero hindi ko pa rin maiwasan ang matakot. Well, matatakot kahit sino sa nakikita ko ngayon. Napaurong ulit ako at nabunggo ko si Rio na nasa likuran ko.

I have to compose myself. Inhale. Exhale.

At bumalik na ako sa dati. Not really but I think mas okay na ako ngayon.

"Ma! What are you doing here?! " Tanong ko dahil nagtataka pa rin ako kung bakit silang dalawa ay magkasama.

"Magkasama kami ni Ayako kanina pa pero hindi ko pinasabi sa kanya kasi gusto kong sorpresahin ka. At nasorpresa ka nga. At kani-kanina, nalaman namin ni Ayako ang tungkol sa nangyari. Pinaguusapan kanina sa train pero naguguluhan pa rin ako. Anong nangyari?"

"Sa apartment ko po. May namatay."

"Ha?!" sabay si Ayako at si mama. Medyo iba na rin ang tingin nila sa akin.

"Wait wait. It's not what you're thinking. I did not kill this person. Pagdating ko patay na siya. Investigator Yamamura informed me when he saw the dead body too."

"Who is this dead person?" Ayako asked.

"Siya si Oliver Figueroa."

Napatakip ng bibig si Ayako nang marinig niya ang sinabi ko at agad ko siyang yinakap. At hinagod naman ng nanay ko ang likod ni Ayako. Wala naman idea ang nanay ko kung sino ang tinutukoy ko.

"I have to tell you something, Yuya." Ani ni Ayako sa akin habang shocked pa rin siya sa mga nangyari. "There is something about Oliver that you need to know."

"EHEM!" pa-epal ni Rio para makuha ang attention naming lahat. Ang galing talaga ng timing ng taong 'to e.

Napahawak ang nanay ko sa dibdib niya sa gulat dahil sa mababa pero malakas na boses na iyon galing kay Rio.

Rio bowed to my mom and to Ayako.

"I am Rio Sakurada. I am Yuuya-sempai's kouhai(junior) in RevelAcademy. Nice to meet you." Sambit ni Rio-kun na nasa harapan ko na.

Tumango naman ang girlfriend ko at ang nanay ko kay Rio bilang sagot at nagpakilala rin sila.

Pinuri ni Rio na maganda raw ang mata ni Ayako. At may kakaiba rin itong aura. Matapos na sabihin ito ay sumulyap si Rio sa akin.

Nakuha ko ang tingin na iyon. Gustong iparating sa akin ni Rio na may black aura na nakapaligid kay Ayako. Oo, dahil nasa sumpa rin siya. Hindi ko man nakikita ito, ito naman ang ipinahihiwatig ng tingin ni Rio sa akin.

Awkward na ngumiti si Ayako at ang nanay ko na patuloy naman ang pagkausap sa akin sa pamamagitan ng mga tingin niya. Sinagot ko rin na kibit balikat.