علميني ي دنياي وش ذنبي

Part 33

بيت اديب..
اديب دخل البيت وهو مهلوك تعب من الدوام دخل وهو يبعثر شعره وبيده كيس اغراض ولابس بدلته العسكريه
ابتسم بخفه وهو يشوف حنين حاطه يدها على خدها وتتأمل به : ماتوقعت اني حلو لدرجة التأمل !
حنين : شكلكك حلو كذا
اديب : منغث من الشمس وعايف حالي وشكلي مبهذل وتقولين حلو خليني ادخل ابدل واغسل واجبك
حنين : صبر صبر وين وين؟ تعال اقعد كذا البدله حلوه عليكك والله
اديب جلس جنبها : اوه اوه ثاني اعتراف اني حلو من قدي ههههه
حنين وهي تفرك يدها : ايوه ايش سويت اليوم؟
اديب : وش فيك متوتره؟
حنين ابتسمت وهي تلف عليه : امم عندي خبر لك
اديب : دام خبر منك اكيد حلو وشهو الخبر قولي
حنين بخجل : انا حامل
اديب فز بسرعه وهو يضحك بصدمه : صااادقهههه!!!
حنين : والله
اديب وهو يفرك راسه بصدمه  وفرح كبيررر : الحمدلله ياربب!
،
الشاليه
بالخارج امام المدخل الخارجي لـ قسم الحريم
دخل قسم الحريم بهدوء عشان ماحد يحس بدخوله ابداً ... انتبه لـ صوت سند الي توه طالع من القسم وقال بهمس حاقد : والله لاندمك ياولد عقاب واعلمك منهو انا ! واعرف اندمك بمنوا من غيرها بنت حسين!!
ابتسم بمكر وهو يتوجه لـ ميلاف الي شافت البنات واقفين ورجعت تطلع قبل يشوفونها ويرسلونها تسوي شي معهن وهي مالها خلق ابداً
مسك ميلاف مع يدها بسرعه وهو يسحبها ويقفل فمها : لاتتحركين لاذبحك!
ميلاف تحاول تفلت منه بعدم فائده عضت يده بقوه واول مابعد يده عن فمها صرخت بقوه وهي ترفس بالرجال الغريب ذا وتحاول تفلت منه بعدم جدوى واول ماجاء الرجال بيسحبها لخارج الشاليه وهو متوتر بسرعه
تجمد مكانه اول ماسمع صوت سند الغاضب وجته ام الركب من الرعب
سند كان جاي ياخذ اغراض ثاتيه من امه وانصدم وهو يشوف الرجال ذا يسحب ميلاف للخارج! سحب ميلاف بقوه وطاحت بحضنه من قوة السحبه سند وقفها وهو يتأكد انها بخير والتفت لما شاف الرجال بيهجم عليه وصرخ : ادخلييييي دااااخللللل
ركضت ميلاف وهي تبكي بخوف اما سند مسك الرجال وهو يلكمه بقوه جلس فوقه وهو يضربه من كل مكان يؤلم ويشتمه بكل انواع الشتم واردى انواع الشتم صرخ وهو يضرببه بقوه : منننن انتتتت هااااااا منننن تلكمممممم
سحب الشماغ عن وجه الرجل وجمد الدم بعروقه من الشخص! عواد ومن غيره خسيس لكمه بقوه وهو يصرخخ : خسيسسسسس اعتبرتككك اخووييييي لابااااركككك الله بكككك امنتك على نفسييييي قبلللل اهليييييييي ذااااا جزااااتيييييييييي!!!!!!!!! .وقف عتاب وهو يشتمه ويلكمه بقوه .
جو سعد وفارس من اصوات الصراخ وانصدموا من سند الي عروق وجهه بارزه بشكل يخوف ووجهه احمر غضب ويضرب الرجل ذا بكل قوته ويشتمه بشتم اول مره يقوله سند!
اقتربوا منهم ولكن صرخوا فجأه وهم يشوفون وجه سند يشحب والدم ينهمر من بطنه وكتفه بشكل يخوف : ســــنــــد سننننننندددددددددد
طاح سند على الارض دون حركه ركض له فارس وهو يحط يده عند انفاس سند وانصدم ...
،
حايل
بيت ابو عساف كانوا مجتمعين كا عادتهم المغرب وشابين النار لان الجو صاير بارد وكانوا يسولفون بهدوء
ام عساف : ومتى نخطب ريم؟
ابو عساف : ماضنتي يوافقون اختها الكبيره ماتزوجت
عساف التفت لـ نياف وثم لـ ابوه : من قال ؟ اختها تخطونها لـ نياف قبل تخطبون لي اصلاً
ابو عساف : وشهو؟ ليه؟ ووشلون!
عساف : ابد يايبه انا عساف حاتسي لي انوه يبي يناسب سعد وانوه ماهو بمتزوج لين انا اتزوج وهاذاني بخطب يعني اخوي يخطب معي صح ولا انا غلطان ؟
ابو عساف : صدز هالحتسي يا نياف
نياف ابتسم : اي يبه
ام عساف : وباتسر لاجاه عيال ذا وشلون يربيهم هو يحتاج من يربيه!
نياف هنا مات ضححك من سب امه له
ام عساف استغربت تسبه ويضحك! : وش يضحك؟
نياف ضحك اكثر وبدت ضحكت ✨حمار يناهق✨ والكل لاشعورياً ضحكوا من ضحكته وهم تو يستوعبون سبت امهم لـ نياف
عساف : ذا لاستحى ضحك لا زعل ضحك لا استانس ضحك لاتفشل ضحك حياتوه ضحك
نياف صار يطق رجله من شدت الضحك
ابو عساف بجديه : نيااف مابوه شين يضحك هالكثر!
نياف لما شاف جدية ابوه تنحنح ووقف ضحك : سم
ام عساف : زين البنات يتيمات ماعندهن ام احتسي معها عن الخطبه ؟
ابو عساف : انا احتسي مع اخوهن بعد صلاة العشاء واذا بوه موافقه مبدئيا ننهج للرياض الجمعه والسبت نخطبهن رسمي ونحدد الملكه وانتي تجين تشوفين البنات وعندهن ام سند زي امهن
ام عساف : على بركة الله اجل والله يوفقكم ياعيالي واشوف عيال عيالكم يارب
الكل : امين
،
الرياض
انصدم فارس آول ماشاف نبض سند خف وانفاسه تباطئت وهالشي مايبشر بالخير ابد جلس عنده وهو يحط يطع الي ترجف على يد سند : انت قوي ياخوك تحمل تكفى تحمل شوي
سعد التفت لعواد الي مسك السكين مره ثانيه وناويها على فارس! ركض لعواد وهو يوطا يده بقوه لين طاحت السكين و لكم برجله بطن عواد  بقوه وهو يضرب عواد على بعدها على راسه والشي ذا سبب لعواد اغماء
عند الحريم واقفات عند الشبكات والخوف داب بقلوبهم وميلاف دموعها ماوقفت من رعب الموقف
شهقوا كلهن اول ماشافوا الرجال يطعن سند وميلاف غطت وجهها وأجهشت بكي
ام سند صرخت برعب : يمههه ولدي ولدييي ريم وهي تبكي وتحاول تهدي ام سند : خاله خاله تكفين اهدي ياخاله
ام سند ابتعدت لما شافت عصبيت سعد وهو يضرب الرجل وهو شي خطر ببالها ولدها مات! طلعن للخارج وماهي قادره تمشي من خوفها عليه
التفتوا سعد وفارس لها وهم يشوفونها تجلس عند سند ويدينها ترجف وتمسك وجهه وتبكي
فارس جلس عندها : اذكري الله يخاله
ام سند وصوتها يرجف من بكيها : ولدي لايروح ي فارس لايروح مالي بدنياي غيره تكفون لايروح
لفت لسعد وشافته متلثم وعيونه حمر تدل على كبح الدموع والخوف  حطت راسها على صدر سندوهي تسمع النبض عشان تتأكد ان سند مامات وكان النبض خفيف بشكل ماسمح لها تسمعه زين : مااافيييه نبض ماااافيههه نبضض لا لا
سعد ماقدر يتحمل وهو يسند سند على ضهره : فارس خلك عند الخسيس ذا والحريم انا بوديه للمستشفى... ويركض به للخارج ولحقته ام سند وقبل يركبه السياره التفت لسيارة الاسعاف والشرطه
سعد وهو معصب : ماصااارررتت
الممرض مارد وهو عاذر خوفهم اخذ سند ويركبونه سيارة الاسعاف
الممرض وهو يشوف النبض خفيف وصاروا يسوون الاسعافات الاوليه كلها ويحاولون قد مايقدرون مايخف النبض اكثر لان لو خف راح يكون احتمال نجات سند 10٪ بس
ام سند الي  ركبت معهم وقالت وهي تبكي : سند ياولدي لاتخلي امك انت قلت ان مافيه اشي ياخذك مني
،
عند الحريم
البكي سيد المكان وكل وحده منهاره بمكان واكثر الانهيار ميلاف الي الموقف بحد ذاته رعب فما بالكم بتخيلاتها لو سند مالحق عليها الحين وش صار فيها؟ واول مافكرت بالفكره ذي توجه تفكيرها لـ سند والطعنه الي صارت له ماتدري ليه قاعده تبكي عليه وخايفه عليه بشكل كبير كذا
سمعوا فارس يتنحنح برا وتغطوا البنات
فارس دخل وتوجه لـ جوجو وهو يشوفها تبكي من الاصوات والبكي
فارس : نبي نروح للمستشفى يلا
لينا : نشيل الاغراض؟
فارس بستعجال : لا بسررعه يلا
طلعوا الكل وركبوا السياره
سُلاف بهدوء : فارس سعد وين؟
فارس وهو يخفي توتره وخوفه على سند : راح ورا سيارة الاسعاف
وصلوا ونزلوا وتوجهوا بسرعه لـ غرفة العمليات ولقوا ام سند جالسه تستغفر وتدعي من كل قلبها وسعد يفر بالسيب بقلق
تفرق الكل بمكان وهو يدعي لـ سند
فارس جاس على الارض وحط يدينه على راسه وينتضر الدكتور يطلع يقول لهم خبر يصدمهم.. كان خايف فعلاً ان سند يموت او يصيبه شي كبير مثل شلل وغيره بسبب السكين الي عواد كان يحركها بقوه ببطن سند ومن بعدها يده..
بعد نصف ساعه طلع الممرض مسرع : نحتاج نفس فصيلة دمه بسرع وقت! فيه متبرع!
فارس : انا انا اتبرع
اخذ الممرض فارس وهو يسحب منه دم ويرجع لـ غرفة العمليات
،
غرفة العمليات كانت العمليه سهله الحمدلله ولكن فجأه خف النبض بشكل كبير وخسر سند دم كثييير بسبب عمق الطعنتين
،
طلع الدكتور بعد ساعه ووقفوا الكل عنده : طمناا!!!
الدكتور ببتسامه : بخير مابه شي لكن راح يضل تحت المراقبه 24 ساعه بعدها تقدرون تشوفونه
ام سند بخوف: بشوف ولدي يدكتور تكفى!!!
سعد : دكتور شخصين يشوفونه بس؟
الدكتور : صعبه ي دكتور سعد!
سعد ؛ على مسؤليتي بس 5 دقايق
الدكتور : والله الشي مننوع واتحاسب عليه لكن لجل سند ولجلك انت وفارس معليه لكن لايطولون
راح الدكتور ونقلوا سند لغرفة الملاحظات عشان يكون تحت الملاحظة لو تدهورت حالته
سعد : خاله تدخلين عليه الحين بس 5 دقايق تمام؟
وافقت ام سند ودخلت عنده وانهارت بكي من شكله والاجهزه حوله كيف شكلها وبعد 5 دقايق طلعت
سعد بدون مايلتفت يناضر فيها : ميلاف ياخوك ادخلي عليه دورك
ميلاف انصدمت كان عبالها الشخص الثاني هو او فارس
دخلت ووقفت عند السرير وهو تشوف بطنه لافينه بالشاش ويده كذالك وشعره طايح على جبهته بشكل فوضوي تأملت لثواني وهي تحط يدها على يده وثم قالت وهي عارفه انه مايسمعها : اسفه انا سبب الي عملوه لك . سكتت لثواني وبدون شعور منها قالت : خفت عليك حيل والله
طلعت للخارج واجتمع الجميع امام باب المستشفى
فارس : يجماعه كلن ينهج بيتوه باتسر تسمح الزياره ونجي بهاه الحين مابوه فايده من قعدتنا ابد
لينا ابتسمت وهي تعرف فارس اذا عصب او توتر تطلع معه الهجه بالطريقه ذي
سعد : اي يلا وخاله انتِ ومرت سند تجون عندي اليوم!
ام سند : لا ياولدي انا بضل عند سند
سعد : يخاله ممنوع شفتي انتم مادخلتوا عنده الا بعد اقناع بالدكتور
ام سند سكتت لثواني  وقالت : طيب بس بنرجع لبيتنا عشان ناخذ لـ سند بكرا اغراض من البيت
سعد : بس..
فارس : سعد خلها على راحتها وترا الدنيا بأمان مابها شي لو قعدوا لحالهم
،
سيارة سعد الي معه زوجته وخواته وميلاف وام سند
ميلاف وصلها اتصال من ابوها وردت : لبيه
ابو عساف : ياحييي هالصوت الي شتقت لوه
ميلاف ببتسامه : وانا اشتقت لك ياامليي
ابو عساف : وش وقعتس وانا ابوتس ؟
ميلاف : على ماتحب انت وش اخبارك
ابو عساف : الحمدلله. وانا بخير مو ناقصن غير شوفتتس
ميلاف : ان شاءالله بجيكم قريب والله اشتقت لكم بالحيل
ابو عساف : وين رجالتس وانا ابوتس؟ اتصل عليه جوالوه مغلق!
ميلاف : بالمستشفى
ابو عساف عدل جلسته بقلق : ليه عسى ما شر
ميلاف بختصار : والله يابوي السالفه طويله بس انوه مطعون
ابو عساف : لاحول ولا قوة الا بالله مايشوف شر
ميلاف : الشر مايجيك
ابو عساف : اجل فمان الله احتسي معتس بعدين
ميلاف : بحفظه
قفلت والسياره هاديه جداً
سعد : هاذا جوال سند ياخاله مابه شحن اذا حطيتوه على الشاحن لحد يشغله راح تجيكم اتصالات واجد من اخويا وسند وغريهم
ام سند : ابشر يولدي بسألك
سعد : سمي
ام سند : منهو الي طعن سند وش سوا له سند مايذي احد والكل يشهد بالشي ذا؟
سعد  : مدري اذا قعد سند نسأله عنه ولاتخافون الرجال بسجن الحين
وصلوا الكل دخل بيته بعد خوف كبيرر جداً
ام سند مسكت سجادتها تصلي وتدعي لولدها
جت لعندها ميلاف وهي تجلس على السرير بهدوء
ام سند وهي تسلم من الصلاه : تعالي ي امي هنا
ميلاف جلست جنبها : كان بيأذين انا بس سند شافوه وتهاوشوا شلون مانتبهت للسكن..
ام سند قاطعتها وهي تقول : هاذا زوجك ي ميلاف واكيد بيسوي الي سواه واكثر بعد سند صح هادي وماله بالمشاكل الكثيره لكن لاصار الموضوع يمس الي يحبهم يصير شخص ثاني وانا ادري ان سند يموت فيك مو بس يحبك يبنتي
ميلاف سكتت والجمت تماماً كيف يحبها وهو صار كم موقف بينهم قبل الزواج بس ومن بعد الزواج وهي ماتنام الا بعد ماينام هو وتبعد عن المكان الي هو به مليون متر اصلاً
قامت ميلاف بعد ماباست راس امرسمد وهي تدخل الغرفه وتفكر لين غلبها النوم ونامت
،
مكان اخر تماماً
عند عايد الي وصله خبر ان عواد انسجن وجن جنونه خوف ان عواد اعترف بشي توجه لـ بيت ابو فارس وهو يطق الباب لين طلع له طارق
طارق : نعم
عايد برعب وتقطيع بالكلام : ء عواد ذبح سند عواد انسجننن الحين يعترف بكل شي الحين يعترف بكل شيي!!!
طارق طارت عيونه وهو يمسك عايد من ياقته ويلزقه بالجدار : ايشش!! وش سوااا؟؟؟ من سمح لكمممم!!
عايد  : ناخذ الثار!
طارق : ايي ثاررر ايي ثاررر طلبت منكممم شيي انااا !!
عايد اختنق وطق وجهه احمرر
طارق دفه بقوه وطيحه بالارض : اقسم بالله لو وصلني خبر ان سند صار له شي لاتلومون الا نفسكممم فااااهمم
عايد هز راسه بـ اي بخوف وهو يروح بسرعه ياخد جوازه من السياره متوجه للماطار
حجز لامريكا وطول الشخص الي بالجوازات ماسك جوازه ماعطاه : انت يلاا الطياره بتقلع! و..
قطع كلامه سحبت الشرطي له : بدري بالحبيب على النحشه
عايد بخوف : ماسويت شي مالي دخل بشي!
الشرطي وهو يلبسه الكلبشات : ولا حرف يلا قدامي
،
نرجع لـ طارق الي استند على الحدار وهو خايف على سند للان ماطلع من بيتهم مع انه من بعد زواج سند وهو رجع بعد غيبه الطويله ولكن للحين الندم يذبحه باليوم ١٠٠ مره
رجع بذاكرته ليوم زواج سند وتحديداً الظهر
(فلاش باك )
دخل عليه سند الغرفه المضلمه وهو يقول : ايه ي طارق وش اخبارك الحين؟
طارق مارد
سند جلس قدام طارق وهو يسحب وجهه له ويقول : بطلعك الحين وتذكر الكلام الي قلته لك زين ي طارق انا ماسويت الي سويته الا عشان اخوك ولا انت ماتستاهل ابد صدقني كنت اقدر اتصل على الشرطه وقتها ويجون ياخذنك واقل حكم يجيك 8 سنين لانك سكران ومعتدي على شخص لكن بوريك شغله . طلع سند جواله وهو يوري طارق فيديو لاخويا طارق وهم مجتمعين ورقص وضحك ومسخره واشياء كثيره . شف ذيلا ربعك الي شاد بهم الضهر ؟ ذيلاا الي تسوي معاصيييي عشان تكون زيهم؟
طارق لف وجهه بحده : مالـك شــغـل بـــي
سند بستهزاء : لحضه لحضه ماخلصت كلامي انا لو ابي اطلع شي عن احد اطلعه بدقيقه ولايكون ببالك اني ماعرف وش السبب الي طيحك بلبلاوي!
طارق لف على سند بصدمه وحده وخوف انه يعرف صدق
سند : عشان تنسى موت امك وانها ماتت وهي متضايقه منك! ادري انك كنت متعلق بها حيل وادري انك عشان تنساها طيحوك اخوياك بالاشياء ذي بس نسيت؟ تنسى بوقت شربك للبلاوي وترجع تتذكر تدرريي لو امك عايشهه وش سوت ! ابسط شي تبرت منك او جتها سكته قلبيه وهي تشوف احسن عيالهااا بالحاله ذي انت تحمد ربك ان عقلك للحين ماطار كله ي طارق
وقف سند وهو يسحب طارق ويوقفه : قم الحين ورح عندك الطريقين تبي بلاويك وخلك امك لاهي راضيه عنك ولا فلحت بشي واخرتها بالسجن ولاحدن داري عنك او الطريق الثاني انك تعتدل وتصير رجال وماسك دينك وامك تبقى راضيه عنك وانت حر بالطريق الي تبيه
طلع سند وهو تارك الباب مفتوح وطلع خلفه طارق
( انتهى الفلاش باك )
من يومها وطارق الندم ذابحه وده بس يشوف سند ويشكره انه سوا الي سواه معه ورجعه للطريق الصح
طارق مايدري ليه سند بذات كلامه اثر به وغيره مع ان غيره كثير نصحوه يمكن او الاكيد ان سند جاه من طريق امه وذكره بالسبب الي طيحه بالاشياء ذي وذكره ان السبب ذا بيخلي امه غاضبه عليه!
،
اليوم الثاني
الظهر ببيت سند
طق الباب وطلعت ميلاف تشوف مين : من؟
ابو عساف : انا
فتحت الباب وهي مصدومه : يبه!
ابو عساف حضنها : سلمي
حضنته بقوه : تووووو تنورر الرياضضض اشتقتت لككك ياحيي
ام عساف : مالنا من الشوق نصيب؟
ميلاف ابتعدت عن حضن ابوها وهي وتحضن امها : لتس منوه الكثيرر انشهددد
سلمت من بعدها على عساف ونياف
ابو عساف : شوفي لنا الدرب يلا
ركضت ميلاف للداخل
ام سند : منو يطق!
ميلاف بفرحه : ابوي وامي واخواني
ام سند وهي توقف : حيااهم الله
ميلاف : الله يحييك يخاله
ام سند : يلا ي بنتي دخليهم عيب واقفين بالحوش!
دخلتهم ميلاف وحطت عند ابوها واخوانها القهوه ودخلت امها للصاله عند ام سند
بعد 5 دقايق
ميلاف وهي توقف : بشوف ابوي
راحت عندهم وهي تقعد
ابو عساف : وشلون انطعن رجالتس!
ميلاف قالت السالفه كلها
عساف بغضب : وشلوننن سوااا لتسس شينن!!
ميلاف بتهدئه : ماصار شي والله هاذاني قدامك مير انوه جاء سند وضربوه ضرب خوفن من قوته والله
نياف : ومنهو ذا ووش يبي بتس!
ميلاف : مدري بس واضح انوه مايبي بي شين انا احسوه بينتقم من سند!
ابو عساف : لاجينا عند سند اليوم نعرف منوه السالفه!
،
العصر اتجه الكل للمستشفى عند سند وانصدموا من وجود ابو عساف واهله وفرحوا فيهم
دخلوا الجميع عند سند وكانن الحريم بعيد بأخر الغرفه بسبب وجود الرجال
سند وهو يرفع راسه لـ امه وابتسم من شاف خوفها عليه واشر لها تجي
ابتد عساف ونياف عن الجهه الي بتجي فيها وجت له وهي تمسح على راسها وعيونها امتلت دموع
سند : ماله داعي الدموع ييمه!
هزت راسها ب ايه وهي تمسح دموعها
عساف بجديه : الا سند منهو الشخص ذا ووش يبي بك ووش دخل اختي بكل ذا!!!
سند ماكان يدري عواد ليه سوا كذا لكن بعد ماجاء المحقق اليوم وحقق مع سند قال لـ سند عواد ليه سوا كل الي سواه : ذا كان خويي وعرفت من الشرطه بعد التحقيق وش مقصده من الي صار وانه متفق مع عايد آل **
سكت الجميع وهم يسمعون وش يقول سند
سند : طلع خوي طارق بعد وعبالهم اني ناسبتكم بالاجبار واني مأذي طارق ومهدده والي فهمته من المحقق ان مقصدهم الاساسي تشويه سمعه والحقد عمى عينهم
فارس بغضب : جعلها عينهم للعمى صدز
عساف عصب وفارس عرف من تعابير وجه عساف انه مو ناوي خير على عايد وعواد وطارق
فارس وهو يوقف قدام عساف : اصبر اصبر
سند بصوت عالي عشان يهدأ عساف : عســاف
التفت عساف له
سند : اثنينهم بالسجن ولو هم مو بالسجن كان ذبحتهم قبل اقول لكم السالفه اصلاً! وطارق ماله شغل بالسالفه كلها وحتى المحقق قال ان الزفوت معترفين ان طارق ماله يد بالسالفه!!!
ابو عساف : عساف تعال
عساف عصب فعلاً ووده بس يمسك عايد وعواد ويكفر بهم!!
،
بيت اديب
اديب بفرحه وهو يفكر : اذا بنت نسميها حنان واذا ولد انتِ تختارين!
حنين بشبه غيره : ليه اخترت البنت بذات!
اديب : لان الاسم مقارب من اسمك وكلهن معناه الحنيه وش ابي اكثر من كذا!
حنين ابتسمت : ايه عبالي بعد
اديب : يلا اذا ولد وش تبين اسمه!
حنين : هيثم
اديب : نعم السمي ونعم من تسمى عليه والله!
وكملوا سوالفهم عن مولدهم الجديد وهم مبسوطين فيه
،
نرجع للمستشفى
سند ببتسامه وهو يأشر لـ الجوهره : هات حبيبة قلبي بس
فارس وهو يوقف الجوهره : اصبر شف صايره تمشي كم خطوه
ابو عساف رفع عصاته وهو يضرب رجل فارس بخفه : امسك الوغد لاتطيحح!
نياف ضحك : يبه اضربوه قوه تكفى هههه
ابو عساف خز نياف : اسكت بس
نساف بصدمه : افاا ليهه
الكل ضحك على تعابير وجه نياف المصدومه
الجوهره بزعل : اممااا "ماما"
سند ضحك من طريقتها بالكلام وهويمدها لـ فارس : خذ بنتك تبي امها
....
يتبع
بارتنا 3000 كلمه عطوه حقه🤍