علميني ي دنياي وش ذنبي

Part 24

في المزرعه وصلوا ابو عساف وام عساف وابو فارس وطارق ولينا وفارس وعساف وكادي
مع نياف الي كان ماخذ سيارة ابوه الددسن وكان معه خوله وميلاف
خوله بقرف : ويع وش هالسياره مهرقله ماتمشي زين ولها صوت !
نياف بستهزاء : وش تبين نجيب لتس ان شاءالله تركبين لكزس ولا حددي النوع بس!
خوله بدلع : ليه لا؟ مو افضل من سيارتكم ذي سياره عليها ديون مقامي مايسمح اركب ذي السيارات اصلاً من قام يركب ددسن! ويع جد
ميلاف : اقول هيه اكرمين بسكوتتس طرار ويتشرط انتي احمدي ربتس ماخذينتس معن حلات من قطتس مع اخوتس الرقله طارق خلين ساكته عنتس تران مالي خلقتس اليوم
خوله : ههاي ع الاقل اخوي الي مو عاجبتس حبيبتي عنده سياره افضل مليون مرا من سيارتكم ذي هههههه
نياف تنرفز من طريقة كلام خوله لاكن كتم ضحكته اول ماقالت ميلاف بصوت مستهزء ويمووت ضحك : ياربيي صبرنييي من بقى يحارش بالسوالف ذي! حتى الوغدان مايحتسون تسذاا تفشليننن . ولفت على نياف وهي تقول . نياف وقف بركب بالحوض بعلمّه البداوه زين هههه
ضحك نياف وقالت بتعزيز لـ اخته : حي اخت نياف ابشري . وكان نياف وميلاف مايتعاونون الا بالمحارش مع احد
نرلت ميلاف وقالت : انتي هيه انهجي معي يلا!
خوله : نعم! انا اركب بالحوض ليه حبيبتي وش شايفتني ؟
ميلاف : شايفتتس تيس بنحطوه بالحوض ولا وصلن المزرعه نذبحوه بس ماناكلوه لان لحموه خايس
خوله انقهرت وقالت : ماني راكبه ويلا مناك
نياف : ميلاف خليّه تولي اركبي انتي وانا اخوتس نبي نوصل
سكتت ميلاف وركبت بالحوض وقالت لنياف يسرعه وفكت طرحتها ونقابهت وفلت شعرها الي صار يتطاير مع الهواء
خوله قالت مع الشباك الي ورا بصوت يوضح لـ ميلاف : عود الاسنان بتطير مع الهواء هههه
ميلاف سمعتها لاكن طنشت وهي عارفه ان خوله مقهوره منها انها نحيفه
واول ماقربوا وقف نياف وقال : انكسي يلا وتغطي لاحدن يشوفتس"انكسي بمعني ارجعي"
نزلوا وركضت ميلاف لـ سهم والمرا ذي مانادته من برا وجاها لانها عرفت عن كلام طارق لاخوانها المرا الي فاتت ولا تبي تسبب مشاكل لاخوانها وتغث ابوها
وبعد نص ساعه بالتمام وصلوا سعد ومعه خواته ومرته سُلاف وبعدهم بشوي وصل سند وامه وقام الكل يرحب فيهم ويهلي
وجلسوا بالدكه
نياف : اسمعوا انتم طيحت ميانتي معكم من الحين اقول مامن غرب يعني ماقهويكم قهوو حالكم
ابو عساف الي كان قريب من نياف قط عليه العصا بقووه : استح على وجهك وتقوم تقهوين انا والباقي وانت حمار يلا
نياف استوعب انه المفروض يقاصيهم وكان وجهه كذا (😧) وقال : يبه امزح
العيال هنا ماتوو ضحك لين عطاهم ابو عساف نظره قتاله وسكتوا وهم كاتمين الضحكه
وقام نياف يقهوي ولما قرب للعيال وشافهم ميتين ضحك ومن كثر ماهم كاتمين الضحكه وجهم احمر قال : مردودتن هين يالرقله انت وياه
فارس بهمس : لقط جبهتك يلا
نياف : على بعر
سعد : ههههههههههه نياف يرحم والديك ماني قادر اكتم الضحك اهجد
عساف : تبي نياف ينثبر مستحيل ههههه
سند : ماعليك منهم تعال تعال جنبي خلهم يولون بس يروح عمي صفقهم
نياف نقز جنب سند : ذا الي فاهمننن خلاصص صرت خويي
سعد وفارس بصوت واحد مصدوم : خوينااا ابعدد
وماتو ضحك نياف وسند وعساف
عساف بضحكه : حريمك زعلن ههههههههههههه
نياف بضحكه : هههههههه جتهم جاره ثالثه
سعد وفارس : هيهههه
سند ضحك : وش بلاكم نفس الكلام من اليوم ههههه
ابو عساف وابو فارس كملوا سوالف ومتجاهلين ضحك الشباب وسوالفهم
ابو عساف : الا يخوي انا ملاحظ شيين
ابو فارس : وشو الاحمر
ابو عساف : ماتلاحظ ان سند بوه شبه من فارس بالحيل؟
ابو فارس : ء لا لا وش جاب بس انه من خوتهم تحس كذا
ابو عساف : يمكن . وقعد يبحر بـ سند وفارس ويطلع الشبه الكبير
اما طارق كان قاعد بعيد عنهم وغايص بالتفكير وكات تفكيره بالانتقام وقرر الخطه وبيتم تنفيذها !
فارس : بجيب لكم بنيتي
الكل : جبههاا
راح فارس ووقف عند الباب وهو ينادي
لينا طلعت له وهي تهز بنتها عشان تسكت : لبيه
فارس : جيت اخذ بنتي
لينا عطته اياها بسرعه : اخخ تعبتت منهّه
فارس الي من شالها سكتت وقال : حرام ظالمتن بنتي اكيد مزعلينها تراها ماكملت حتى الاربعين عشان تتعبين منها بسرعه
لينا انصدمت انها سكتت مع فارس بسرعهه : خيرر وانا اسكت بهّ من اليوم ولا بوه فايده!
فارس : بنت ابوها ههههههه
احذ فارس بنته ووداها لهم ومن بعيد بدت الاصوات تعتلي ترحيب بها
فارس عطاها عمه : شف حفيدتك تضحك لك
ابو عساف : يالله انها ضحكتن ماتغيببب ياااااحيييي شوفوا الضحك
وكانت الجوهرة تضحك لجدها وتراهش له
نياف ضحك وهو يهمس للعيال : ابوي عيونوه قلوووببب
،
نروح للبنات بعد السلام والسوالف
قامن البنات وراحوا للخيمه الي بعيده عن الكبار شوي وقعدوا يسولفون
ريم : ميلاف نحفااانه مراا انتي
قبل تتكلم ميلاف قالت خوله بغيره : هي متى سمنت عشان تنحف من عرفتها وهي معصقله
ميلاف : ليه ياحيي تبيني تريله مثلتس وانا امشي تهز القاع من ثقلي!
خوله انقهرت وانحرجت ان الكل بحر فيها وقالت : ء على الاقل ماني تقل عود اسنان من احد دفني انكسرت
ميلاف : مقهوره مني حبيبتي جسمي وش حلاتوه موتي بحرتتس يالتريله
لينا عشان تقفل السالفه : بنات شنوحكن خلاص انهجن معي يلا نحط بساط ونلجس برا
الكل : يلا
كادي الي جت عند خوله : وش توحتس؟
خوله : بذبحهااا
كادي : مالومتس تغثثث
اما البنات بكت الجوهره وراحت سُلاف تسوي لها رضاعه ولينا تهشها عشان تسكت وريم وهيام وخوله وكادي طلعوا برا ينتضرون الباقي
ميلاف لـ هيام وريم : تنهجن معي؟
ريم وهيام : وين
ميلاف : بشوف سهم ويمكن افر بوه شوي
ريم : انا لا
هيام: وانا لا بعد مالي خلق امشي
ميلاف : عحزتن بساع . يلا اجل بروح اشوف سهم
وصلت عند سهم واول ماشافته ماقدرت ماتتمشى به ولبست لبس الفروسيه الواسع عشان اذا احد شافها تكون محتشمه وتركت نقابها عليها وطلعت بـ سهم
،
نروح عند لينا الي سمعت صوت فارس وعطته بنته (القطه من البارت الي قبل شوي )
سُلاف جت بالرضاعه : وين ولت بنتتس ذي!
لينا : ولت مع ابوها الحيوانه
سُلاف : هههه مو كانت جوعانه
لينا : لا من بحرت ب ابوها وهي تسكت وتضحك لوه
سُلاف : معوضه هههه
وراحن لباقي البنات وكملوا قعدتهم بضحك وسوالف
،
عند العيال الي قعدوا يلعبون ببنت فارس
فارس سحب بنته : هيه هيهه خير تراها انسان ماهي لعبه تقلبونها كذا
نياف ضحك : بنته كنها عاجه وغاثن بّه ههههههههههه (عاجه يعني لعبة العروسه )
فارس : عمييي تسمع نياف وش يحتسي
ابو عساف : وش يحتسي بوه
نياف كان بعطي فارس نضرات بمعنى اسكت
فارس: يضحك على حفيدتك يقول كنها عاجه
ابو فارس : يعني مبحر بحالك بالمرايا انت ووجهك ذا؟
نياف بهمس : الله يقلع عدوك ي فارس خليت ابوي يقصف جبهتي
وكانوا العيال كاتمين ضحكتهم
ابو عساف: وش تحتسي انت!
نياف ضحك بورطه : ء هههه اقول جعلك تسلم انا داري ان وجهي خايس الشكوى لله
وهنا العيال تلطموا بالشمغ وماتوا ضحك
سند الي شاف ميلاف من بعيد وهي داخله الاسطبل وفز قلبه وحارل مايبين شي . لاكن للاسف مو بس سند الي شاف حتى طارق شافها ودب الفرح قلبه وهو متأكد ان عمه بيزوجه بنته اكيد عشان لايخسر علاقته مع اخوه وقام وراها و انتضر لين ابعدت ميلاف بـ سهم بحيث محد يشوفه ولحقها بسيارته بسرعه
سند نغزه قلبه من قومة طارق وراها ووجه طارق مايبين خير ابد وقام يلحقه
عساف : وين ؟
سند : يروح اتمشى للاسطبل امشوا
سعد الي حس ان سند به شي وانه مايبي احد يروح معه قال : لا لا يعيال خلونا نقعد سند رح انت تمشى وتعال
الكل : اي
راح سند بسرعه ورا طارق
،
اما ميلاف الي كانت راكبه سهم وتتمشى به وهي مستانسه بالمطر الخفيف الي بدا ينزل انتبهت لـ سياره جايه ومسرعه وكانت سيارة ولد عمها طارق وقالت بنفسها : لحول الله ذا وش نوحووه جاي بهاه بعد افتك من اختوه يجي هو!؟
طارق نزل من سيارته وقال : انزلي بسولف معك
ميلاف لفت بالخيل مبعده عنه : مابينا حتسي
طارق وقف قدام الخيل وقال بستهزاء : ليكون خايفه مني ههههه؟
ميلاف نزلت : لا انت ولا عشره من اشكالك يخوفن . اخلص علي وش نوحك وش الحتسي الي بتقولوه!
طارق بغضب : سولفي زين لا كف يطير وجهك
ميلاف ضحكت بستهزاء : اتحداك تمد يدك علي اصلاً
طارق ضحك : لو اني جاي امد يدي عليك كان صفقتك من البدايه بس جاي اقول لك انتضري اليوم او بكرا بالكثير ويقول لك ابوك ان الملكه الاسبوع الجاي ومافيه عرس وباخذك على طول لـ امريكا وهناك اوريك الدلع على اصوله اوه صح اسمه تصفيق مو دلع هههه
ميلاف انصدمت لاكن قالت وهي واثقه من الي قالته : مسكين وعبالك اني بوافق على واحد رقله مثلك؟ اذا حتسى ابوي انك خاطبن بقول لوه ماخذ واحد رخمه ورقله مثل ولد عمي اما مدة اليد عبالك لو وافقت ونهجنا امريكا بسمح لك تضربن علشان مابوه قانون ياخذ حقي ولا اخواني وابوي وراي هناك؟ اليد الي تنمد علي تنكسر وماخلي احد يكسرها لك انا بنفسي اقوم بالخدمه واكسر راسك لو تبي
طارق رفع يده بيضربها بس صرخت ميلاف : اضربن يلااا اضربن اشووف!!! والله حتى لو انك ولد عمي لجرجرك بالمحاكم واوريك القانون الي تنحاش منوه على اصولوه وعبالك أخواني بيصفقون لك لا يبعد حيي بيخلونك تخاف حتى من ضلك من كثر التلفيع الي بيجيك .. لفت وهي تركب سهم لاكن وقفها سحبت طارق ليدها والي تنرفز حيل من كلامها وقوتها لاكن الي ماحسب حسابه الشخص الي سحب يده بقوه ودف طارق على الارض وقال : كسرر يكسر هاليد . وانطلق على طارق يضربه وهو مايشوف من الغضب وطارق ماكان بقوة سند لان سند بنيته اقوى ومعضل بعكس طارق
اما ميلاف فا كانت بصدمه من الي حصل ولما ابعد سند عن طارق خزت طارق وقالت بنفسها : طلع مراجلك ان كانك قادر ولا مهايط بس عباله بنخرع يعني هههه
طارق قام وهو يتوعد ويشتم : والله لاوريك والله لاوريك وانتي اكيدد جايز لك الوضع وتعرفينه ولا مالحقك هنا ودافع عنك
ميلاف صدمها بكلامه وتنرفزت وقالت : كلن يرا الناس بعين طبعه انت رقله وطول عمرك رقله ماختلف هالحين
سند ابتسم على قوتها وانها ماكستت لما تكلم طارق بشرفها
سند سحب طارق ولوى يده وهو يقول : شفت هالمزرعه الي هناك؟ انا ابيك تروح تعلم يلا! عبالك ماعرف لنوعيتك وانك بتروح تنقل علوم وبتسوي نفسك تقلب الطارله علي ترا كل شي مصوره انا من بدايته فا يلا تقلع علمهم وخل ابوك يتفل بوجهك يلاا
طارق انصدم كيف سند عرف انه كان بيسوي كذا وكيف انه صور كل ذا ومافيه احد يصور ! لاكن لغبائه ماستوعب ان سند يكذب وماصور شي
طارق : هييين ي سند الايام بيننا وتشوف وش بسوي بك
سند بصراخ : اعلى مابخيلك اركبه ماقول الا خسارة الشنب الي على وجهك يارخمه
راح طارق وهو معصب ناضر لميلاف : اما انتي ذا وجهي ان ماتزوجتك وكسرت عينك وعين اهلك وعين الي مدافع عنك ذا
سند : تقلععع مناااكك يلا يهدد بعد
وركب سيارته طارق وطلع للمزرعه
ميلاف لفت بتمشي لاكن وقفت اول ماقال سند وهو مبعد ناضره عنها : مد يده عليك؟
ميلاف : يخسي
سند هز راسه بـ طيب
ميلاف حست انه لازم تشكره فا قالت : شكراً
سند : ماسويت شي انشكر عليه . سكت لثانيه وبعدين قال . ممكن اسألك واذا ماتبين تجاوبين براحتك
ميلاف قالت بنفسها "مايعطي نياف من احترامه شوي؟" : وشهو؟
سند وهو يدعي ان الي قاله طارق كذب : ذا الخبل بيخطبك!
ميلاف ماكانت بتجاوب بس جاوبت : على حتسيوه بيخطبن
سند انصعق وخاف انها بتروح من يدينه وهنا ايقن انه فعلاً طاح ومحد سما عليه : موافقه؟
ميلاف : لا اكيد
سند التفت لما حس انها تحركت بسرعه تخبت وراه وهي تصارخ
بحركه لاشعوريه مد يدينه يبعدها ويحميها من الحيه الي كانت جايتها وميلاف كانت تصارخ وتبكي وتبعد عنها
سند ثبت ميلاف وراه وقال : اهدي اهدييي والله مايجيك شي اهدي عشان اقدر امسكها
ميلاف ثبتت وراه ودموعها ماوقفت . سند دنق بسرعه وهو يمسك الحيع من راسها ويثبتها وكانت صغيره ماهي كبيره الحيه
سند رفعها قدام ميلاف : افا والله ذي تبكيك؟ مسكناها لك
ميلاف مسحت دموعها وهي قويه بكل شي الا الحيه والعقارب والي زي ذول تموتتت من الخوف منهم
ميلاف : ماخفت منوه
سند ضحك : اي ماخفتي ماعليه
ميلاف ابتسمت وراحت
ورجع هو بعد واول مادخل المزرعه شاف سعد وفارس
سعد : وين كنت تأخرت
فارس : دورناك بالاسطبل منت موجود
سند : تعالوا ابيكم بموضوع بعيد عن الي هنا
راحوا معه وقال سند بذون مقدمات لـ فارس : فارس طالبك
فارس فز : ابشر بالي تبي
سعد : والله اني حاس ان بك شي من اليوم
سند : اول شي ابي اعرف هو يدري بسالفتي؟
فارس : اي سالفه
سند : اهلي!
فارس : لا مايعرفها
سند : ابيك تقول له السالفه بس بطرقه غير مباشره ومو قدامي حنا بنقعد يومين زياده بحايل على ماتقول له
فارس : ابشر بس ليه؟ وش له يعرف اصلا!
سند سكت ثواني وناضر بـ سعد وبعدين قال : بخطب منه وابيه يعرف عشان يفكر زين يوافق او لا
فارس انصدم ماتوقع سند الي شايل فكرة الزواج يقرر فجأة ومن دون طاري
فارس : خلاص ابشر بقول له بكرا
سعد : يلا يلا ياعيال ماهي بزينه قعدتنا لحال كذا
وقاموا مع الكل
،
طارق الي من جا بسرعه لـ ابوه وناداه وقال : يبه ابي تخطب لي
ابو فارس : ايش!
طارق : ابي اتزوح بنت عميي ميلاف
ابو فارس : صاحي انت؟ ميلاف الي من مسابقه لـ مسابقه!
طارق : اي
ابو فارس : واخوي بيزوجك يعني؟
طارق : يبه! انا ولدك وانت مجبور تخطب لي الي ابيها تحسن صورتي قدام الكل اما عمي فا اذا جبتها بمسأله جديه وانها ممكن تقطع علاقتك به راح يوافق اكيد
ابو فارس : اقطع علاقتي ب اخوي انسى
طارق : من قال اطقعها! بس كلام هدد يعني بدون فعل
سكت ابو فارس شوي وبعدين قال : طيب بكرا اقول له
طارق : لا الحين
ابو فارس : اللهم طولك ياروح! خلاص طيب طيب
وراح وفارس قعد يردد بنفسه : والله لاوريكمم ان ماربيتكممم
،
ميلاف دخلت اول غرفه بالمزرعه وقفلت ع نفسها الباب تهدي حالها
سُلاف الي كانت بالغرفه : وش نوحتس!
ميلاف قالت كل شي لها
سُِلاف : ههههه هيه يخفيفه اثقلي
ميلاف تداركت الوضع : انا ثقيله بس هو موقفه بطولي زي المسلسلات
سُلاف ضحكت وبعدين كشرت وقالت : ولد عمتس ذا وش نوحوه مهبول مابوه عقل ؟
ميلاف : متى كان بوه عقل اصلاً الله يخلف على فارس الوحيد الصاحي بعايلتهم المصديه
سُلاف : هههههه تكفيننن انصرعت من بنت عنك ذي تخيلي وش تحتسي بوه من اليوم
ميلاف : وش
بدت تقول لها سُلاف كل شي
"نرجع بالوقت شوي "
خوله كانت قاعده هي وكادي ويخططن
كادي : ببنت خايفتن انكشف
خوله : وش تنكشفين ترا السالفه سهله لاتصعبينها بعدين انتي بديتي كمليها
كادي : طيب طيب
خوله لـ ريم ومن دون مقدمات : انتي شعرك كذا طبيعي كثير!
ريم استغربت : اي
خوله : المرا الي فاتت كان كيرلي كل مرا شكل انتي!
ريم : مستشورته ولا ماتعرفين الاستشوار؟
وكان شعر ريم طويلل لاكن مع الكيرلي يبان العكس وكان طبيعته كثيرر فا لما استشورته انصدمت خوله وغارت منها طبعاً لان خوله اي شي تشوفه مو عندها تغار
خوله : واضح انه اكستنشن
كادي مكمله مع خوله : اي واضح اصلاً
هنا ريم والبنات ماتوا ضحك على خوله وكادي الي واضح مقهورااات
وبعد دقايق جا نياف الي تنحنح وبعد ماتغطوا البنات دخل وعطى لينا بنتها ولما رفع راسه طاحت عيونه بـ عيون هيام وقال : اوه المؤدبه هنا؟ كنت بحتسي ذاك اليوم لتس ان تعطين خواتي شوي منوه مفتقدات الادب
لينا وسُلاف شهقوا : حنا مفتقداتوه يالتسلبب "يالكلب"
نياف لـ هيام : شفتي قلت لتس وبعدين رسمتس خايس ايي صح قلت لتس ذاك اليوم
سُلاف صفقته بالمخده : اذلففففف مناتس
انحاش نياف وهو يضحك والبنات ضحكوا على هباله
نرجع لميلاف وسُلاف"
ميلاف : يعع ومرت اخوتس ذي وش نوحه تعاني من انفصام وبعدين ماسمعتي وش تتساسر بوه هي والخبله خوله
سُلاف : لا عحزت احاول اسمع مامن صوت واضح
ميلاف : يوهه
وراحن البنات يقعدن مع الكل
وماهي شويات الا ناداهم ابو عساف يقعدون بالدكه الي قريبه منهم عشان يتدفون من البرد بالحطب
سُلاف كانت بردانه وتعطس من البرد قام سعد ونزل فروته وحطها على كتوفها وهمس : تدفي
سُلاف انحرجت والي احرجها اكثر ان الموقف قدام عمها وابوها واخوانها وباقي العيال
هيام قامت تبي تشرب مويا وراحت تجيب علبه من المطبخ الصغير الي بالمزرعه وشافت نياف موجود وتراجعت
نياف الي شافها : لحضه لحضه
هيام بتوتر : وش
نياف : ليكون زعلتي عن الي حتسيت بوه؟ تران متعود ع خواتي ومن معتس اعذريني
هيام تذكرت رسمتها للحمار له : لا مازعلت . طلعت الرسمه وحطتها ع الطارله وقالت : اذا رحت خذ الورقه وشف رسمتك
نياف استانس ومن راحت فتح الورقه وكشر وهو يشوف حمار وقال : هييينن اصلاً قايل انا رسمتس خايس
..
نوقف هنا
تتوقعون طارق بيتزوج ميلاف ويحقق تهديده؟
..
عرفتوا جواب توقعاتكم بستوري الانستا😭 كلكم خطا توقعكم طلع🏃🏻‍♀️
(اذا فيه اخطاء بالبارت اعذروني بعدل عليها بكرا نعسانه حالياً😭)