علميني ي دنياي وش ذنبي

Part 14

بعد غيبوبة العيد المغرب..
فارس ولينا ماسكين خط حايل عشان لينا تعايد اهلها
فارس : ليني بنقعد يوم ونرجع بكرا بنفس الوقت ذا تمام
لينا بترجي : لييه بقعد مع اهلي شوين والله مشتاقتن لهم من زواجنا ماشفتهم الا مرتن وحده واقل من يوم ونهجنا يم الرياض تكفى ي فروسي يبعد حيي لاتردن
فارس : لعنبو من يردك يشيخه ابشري
لينا استغلت الفرصه : اسبوع؟
فارس : لاااا ويننن دوامي
لينا : يحيي انت وعدتن ماتردن
فارس : ودوامي؟
لينا : انهج باتسر انت يم الرياض واذا قضى"خلص" الاسبوع انكس"ارجع" خذن
فارس : يعني بعتيني؟
لينا : حشى لا وربي بس انت تقول ماتقوى تترتس "تترك" دوامك وانا ما بيدي حيله مشتاقتن لهلي
فارس : طيب تامرين امر
لينا انبسطت اول ماوافق وهي تحس بغربه بدون اهلها حتى لو فارس معها اهلها غيررر
،
حايل
بيت ابو عساف
عساف توجه لـ ابوه : يبه
ابو عساف : هلا؟
عساف : فكرت بهاك "ذاك" الموضوع
ابو عساف فهم انه يقصد موضوع كادي : ووش قررت بوه؟
عساف : موافق بس اسأل امي عن البنت اول يمكن ماتجوز لها "ماتعجبها"
ابو عساف بفرحه : الله يكتب الي بوه الخير يارب
عساف : امين .. لفو على ميلاف الي تركض يمهم ومعها سفره القهوه وسُلاف وراها تركض وهي شايله الصينيه وشوي وتطيح منها وام عساف تهاوشهم وهي معها حلاو العيد
ام عساف : يسُلاف الصينيه بتطيح طيح الله راس العدو
ميلاف وهي تضحك : اروجي"اسرعي" سبقتكك
وصلت ميلاف وهي تنزل السفره وتقول : اقول لتس مابوه حد يفوز علي ماتفهمين مشكلتتس
سُلاف : نصااابه معطتن هاذا اكبر من صماختس "راستس" وتسابقن شلون بفوز عليتس اجل؟؟؟
ميلاف : مالي شغل
ابو عساف : بس انتي وهي الجيران كلهم حفظو صوتتس
ميلاف وسُلاف : ابشر
ابو عساف : متى بتجي لينا؟
ام عساف : ماعلمتن للحين تقول باتسر او عقبوه
ابو عساف : يوه ماهي بجايتن اليوم يعني؟
ميلاف : خبله بنتك يبوي
ابو عساف بطرف عين : مثل اختها
نياف الي توه يقعد : اوووحح قوووويييه
ميلاف : افا يولد جدي تسذا "كذا" تزعلن وتخليّه يطقطق عليّ
ابو عساف : نيااف؟
نياف ارتكز : سم
ابو عساف : بيني وبين بنتس لاتتدخل الا ميلاف ها!؟
نياف خز ميلاف : ابشر
طق الباب وقال ابو عساف : واحد يقوم يفتح الباب يشوف منهو يطق
نياف : ميلاف قومي
عساف بحده: وشهو؟؟ اختك تقوم وانت منثبر هنا قدامي!؟
نياف : يووه ماصيدي"ماقصدت" تسذا
قام نياف يفتح الباب واعتلى صوت يرحب اول ماشاف ان الي يطق الباب لينا وفارس
لينا وهي تحضنه : سبرااايز
نياف حضنها : الله حيييهممم تو مانورت حايل
فارس : منوره بهلها
ابعدت لينا وهي تدخل وسلم نياف على فارس ودخله
نباف : حياك للديوانيه بس لاتلف خواتي بالحوش
فارس : ابشر .. دخل فارس وهو منزل راسه عشان مايشوف بنات عمه
اما لينا الي جت لقسم الحوش الي به اخوانها وابوها وامها وفزو كلهم
لينا حضنت امها وبدت تبكي وبعدها سلمت على ابوها وبعدين ميلاف وسُلاف ولما وصلت عند عساف حضنته وهي لاتزال تبكي من شوقها لهم
عساف : افا اخت عساف تبتسي؟ "تبكي" وش نوحتس مضايقتس احد؟
لينا من بين دموعها : لا يعيوني بس مشتاقتن لكم
عساف : تشتاق لتس العافيه
لفت على امها وهي ترجع تحضنها
ابو عساف وعساف راحو يسلمون على فارس
اما ام عساف ولينا بعد اعصااار بكي راحت ام عساف تسلم على فارس ولينا جلست مع خواتها وهن يسولفن ومن كثر شوقهم لبعض نسو حتى وش يسولفن بوه
عند فارس الي سلم على عمه وعياله وعلى ماجلس وشرب اول فنجال جت عمته ام عساف وقام يسلم عليها
ام عساف : وش وقعك "وش اخبارك" وانا عمتك؟
فارس : بخير يجعلك بخير
ابو عساف : تجهز وانا عمك شوين ويجون الجماعه العشاء عندنا اليوم
فارس : ابشر يعمي
،
عند سند الي كان يتجهز عشان يروح لعشاء واحد من اخوياه وطبعاً المعروف طول ايام العيد الناس تتعازم فطور وعشاء
جت امه تبخره : متى ترجع وانا امك؟
سند : على الساعه 10 كذا يغاليه
ام سند : حصن نفسك وانتبه على نفسك
سند ضحك : ابشري بس ليه اشوفك قلقانه؟
ام سند : مدري
سند : ريحي بالك يقلبي وانا ماراح اتأخر
ام سند : ابشر
سند : يجون البنات عندك صح؟
ام سند : اي ... خلص كلامه الا صوت الباب
فتح الباب الا سعد ووراه خواته طلع سند وابعد عن الباب عشان يدخلن وتوجه هو وسعد لصديقهم
،
وصلو سند وسعد والصدفه جمعتهم مع عايد صديق عواد ..
عايد : يهلا وش الاخبار
سعد : بخير
سند : الحمدلله انت اخبارك
عايد : بخير وش هالصدفه الحلوه؟
سعد بينه وبين بنفسه : صدفه الله لايعودها من صدفه
سند سمعه وكتم ضحكته وقال بصوت عالي : اي بالله يزينها من صدف جمعتنا بك
عايد : وش عرفكم بـ "اسم صديقهم"
سند : خوينا وانت تعرفه؟
عايد : اها .. لا ماعرفه بس يقرب لواحد من اصحابي
سعد : اجل حنا نستاذن بندخل نسلم على الرجاجيل
عايد : حياكم
دخلو سند وسعد يسلمون
=خلص العشاء بالرياض وبحايل كذالك وانتهى يومهم المتعب نوعاً ما=
،
ثاني يوم العيد
بيت سند الساعه 4 العصر
سند : ها يمه خلصتي؟
ام سند : اي يلا
سند جلس عند رجلينها يلبسها الجزمه "يكرم القارئ " وطلعو
بالسياره
سند : وين تبين نروح اول شي
ام سند : الي تبيه ماتفرق معي الاماكن انا
سند : تم اجل
،
عند سعد الي برضو ماخذ خواته يتمشون
ريم مشغله اغنيه لـ فنانتها المفضله "اصاله " وتغني معها
هيام : غيري عن اصاله تكفين اعتقيها لوجه الله
ريم : ماابييي احبها وش تبين
هيام : هاتي بحط انا
ريم : لا
هيام : اختك واكبر منك هاتي
ريم : مابي وانا القعده ودلوعتكم يعني مافيه
هيام : يووه ريييم
ريم : سعوديّ شوفهاا
سعد : هيام يعيوني عادي هالمرا عشاني ؟
هيام : اف طيب
ريم انبسطت انهم ماغيرو الاغنيه
سعد : وين تبون تروحون !؟
هيام : نبي نروح لكوفي اول
سعد : ابشري من عيوني
هيام : اي واحد تبون؟
سعد : الطلعه لكم اختارو انتم
هيام وريم بصوت واحد : كوفي ال**
سعد : تم
؛
اما حايل العصر بعد ماراح فارس متوجه للرياض
ميلاف توجهت لـ ابوها : نخيتك يتاج راسي انت
ابو عساف : وش تبين
ميلاف : ابي اخذ سيارتك او واحد من العيال ونطلع بهّ انا واخواتي تكفى يبه طلبتك من زمان عن ليني ونبي نتونس معهّ
ابو عساف بعد تفكير : روحو بس لاتبطون انكسو بدري
ميلاف فزت تبوس راسه : من عيونييييي يحيي انت
راحت لـ عساف ونياف : عسااف نيااف
عساف : وش نوحتس تلعلين "صوتك عالي"
ميلاف : تكفوون يعزوتي انتم
نياف : مصلحه من الاخر وش نوحتس وش تبين؟
ميلاف : سيارت واحد منكم
عساف : تخسين
نياف : وتعقبين
ميلاف : كش مالت عليكمم
عساف بحده: ميلاااف
ميلاف : شخوصي .. وراحت بسرعه واخذت مفتاح سيارة ابوها وقالت لخواتها يجهزن
وتوجهت سُلاف ل امها : يمه تنهجين معنا ؟
ام عساف : لا ييمه مالي حيل ابد
ضلو البنات يقنعونها لاكنها رافضه
بالسياره مع البنات
لينا : اخخ بناتيي اشتقتتتت لكممم
ميلاف : مو كثري يبنت مابوه احد ماحارشتوه بس الشكوى لله محد متحمل كثرتس
سُلاف ضربتها : خير وش شايفتن انا اكثر من يصبر عليتس
ميلاف ضحكت : اقول تلايصي"بمعنى اهجدي" يبو هالوجه وش متحملتن انتي طول وقتتس تدورين جامعتن تدخلينا
لينا ضحكت عليهم وقالت : صح شصار على جامعاتكم؟
سُلاف : انا قدمت عند جامعة ال** وميلافوه معندتن الا وماتدرس
لينا : ميلاف اليوم او بكرا لازم تحتسين مع ابوي وتقولين لوه انتس ماتبين يمتسن"يمكن" مايوافق ويصر انتي تكملين ووقتها تبلشين بالجامعات
ميلاف : ابشري بس قفلوا هالسيره طالعين نتونس
الكل : ابشري
سُلاف شغلت لهم اغنية واعتلى صوتها تغني اول مابدا البارت الي تحبه
"ضربني بخنجاره الشامي
وبصوابه دق دقلي عضامي
عذبني ودمرلي احوالي
وموتني بعيونه النعساانه "
لينا بضحكه : يويلي حالي على اوخيتي تغني من قلب
ميلاف وهي فهمت ان لينا تبي تطقطق على سُلاف : هيي اقول لايكون تحبين احد من ورانا؟؟
لينا وهي تحاول تكتم ضحكتها : اقول ماعندن هالحركات ترا اعلم ابوي والعيال وتعرفين وش يعملون لتس
ميلاف : اي عاد هم معطينك ثقه لاتخلينهم يخسرونا بتس
سُلاف انخرشت : يمه وش قلت انا ؟؟؟؟
لينا : تغنين من قلب وشوي وتبتسين "تبكين" مع الاغنيه
سُلاف الي بسرعهه تبكي بكت : والله ماقصد اغني عادي!؟
لينا ضحكت بقوه وهي ماسكه بطنها من قو الضحك
ميلاف ضحكت وضحكتها كانت فضيحهه : نمزح معتس على طول بتسيتي "بكيتي" ههههههه
سُلاف بغضب : اذلفي انتي وياها خسارة اني طاستن معتسن "معكن" الله ياخذكم
ميلاف من بين ضحكها القوي : اخخ تكفييينن خلاصصصص خلوني اسوق زين بموت ضحككك
سُلاف بنرفزه : من زين الضحكه عااااد تسنها "كنها" ضحكت رقاصه
لينا ماتتت ضحك : خيييير اسكتو فضيحه الضاهر ضحكنا طالع من السياره
،
عند عساف ونياف الي طالعين للاستراحه "زي الديوانيه يجتمع فيها الشباب ضحك وسوالف "
عساف : وش نوحك يخوي ضايقن اليوم ومبسط "ساكت"
نياف ابتسم : مابوه شين يحيي
عساف : علي ؟ واضح ان بوه شين ولا ماتتلايص "ماتهجد" تسذا من غير سبب او انك تعبان
نياف ضحك : ي فاهمني هههه لا والله مابوه شي زي ماقلت لك بس احس اني بتعب
عساف غير طريقه الي يودي للاستراحه متجه للمستشفى
نياف : لفت الاستراحه مناتس؟ "مناك"
عساف : بوديك للمستشفى
نياف : لا لا ارجع مابوه شي اقول لك احس احساس بس يرجال
عساف : حتى ولو اغديه " يمكن" حراره داخليه انت وسُلاف مامن مناعه الحين تحس وشوي تطيح علينا
نياف تنهد وسكت واهو عارف عناد اخوه
دخلو المستشفى وتوجه نياف للدكتور الي كشف عليه
عساف : وش وقعوه "وش حاله " يدكتور
الدكتور : مابه شي بس حراره داخليه من تغير الجو ودخول الشتاء وخفت الحمدلله الحين بس لايتعرض للبرد لين ترجع عافيته
عساف : الحمدلله . في علاج لوه ولا؟
الدكتور: هاذا وصفة علاج خذوها من الصيدلية تحت اذا ارتفعت حرارتوه ياخذه غيره مايحتاج ان شاءالله
عساف ونياف: يعطيك العافيه
الدكتور ببتسامه: الله يعافيكم
ركبو السياره
نياف : الحين انهج يم لاستراحه تاخرنا على الرجال
عساف : ما بوه استراحه يبعدي الحين للبيت
نياف شهق وهو يشوف سياره موقفه جنب الطريق : ذي مو سيارة الي بها البنات؟
عساف : اي والله
وقفو على السريع عند السياره ونزلو لهم
ميلاف تنفست براحه : اشوا انتم لي ساعه اتصل ماتردون وليه؟؟؟
عساف بحده : وش موقفكم على هالطريق!؟
لينا : راجعين يم البيت الا وترتفع حرارة السياره ونوقف على جنب
نياف وهو يبي ينهي السالفه لايعصب عساف : يلا يلا انزلو مع عساف وانهجو للبيت وانا اشوف وش نوحها السياره والحقكم
عساف رمى المفتاح لـ نياف : ودهم انا اشوفها ولا ناسي انك تعبان
نياف ؛ طيب
اخذهم وتوجهو للبيت وبقى عساف الي شاف السياره واول مافتحه طلع دخان وعرف ان حرارتها مرتفعه مراا
ربط ثوبه على خصره وصار يحاول بها ووقفه اتصال نياف
نياف : ها؟
عساف : مابوه فود "فايده" ماراح تشتغل بجيب لهّ صطحه تقلعا "توديها"
نياف : طيب اجل جاي يمك انا اخذك
عساف : زين
قفل وماهي دقايق الا وصل نياف لان البيت مو بعيد ولما دخلو للبيت وكان كل العايله متجمعه يتقهوون
تنحنحت ميلاف وقالت : يبه
ابو عساف : هلا
ميلاف : بقول لك شين بس لاتعصب
ابو عساف : اذا الموضوع بيعصب بي لاتهرجين "لاتسولفين"
ميلاف بهدوء: موضوع مهم
ابو عساف : احتسي "تكلمي " اخلصي
قالت له ميلاف انها ماتبي تقدم بالجامعه وحاولت توضح له بكلامها ان معها الحق وتقنعه
ابو عساف بحده : قايل لتس من زمان هالموضوع لااا
عساف لما شاف ابوه عصب قال : يبه يحيي انت اهدا اول شي وبعدين الدراسه انت اكثر انسان تدري زين انوه قرار شخصي واذا هي ماجاز له الدراسه مامنها فود "فايده" لان ماراح تنجح بوه ابد
نياف الي مو مقتنع ابد ب ان ميلاف تترك دراستها لاكن اهم شي عنده راحت اخته ومحد يضغط عليها : صح يبه وفكر به شوي بعد التدريب هي حابتوه يعني بتنجح بوه ونفسوه نفس الوضيفه بس الفرق ان ذا تبي تصيروه وحابتوه وذاتس "ذاك" مغصوبتن عليّه
الو عساف : انا قاايل من البدايه قبل الخيل الي جبتوه لها ذا لايبعده عن الدراسه بس شكل التحذير مافاد معتس يميلاف
ميلاف جلست جنب ابوها بسرعه وهي تتمسك بيده : يبه يقلبي ويبعد حيي وميتي انت اسمعن اول انت تعرفن زين من زمان من ايام اول ابتدائي وانا ماطيق الدراسه ابد وانتم تغصبوني عليّه ولما صرت بالثانوي شديت حيلي عشانك والله تكفى يبه لاتغصبن على الدراسه اكثر تكفى لاتحرمن من حلمي تكفى يعزوتي انت
ابو عساف بقلة حيله وهو يشوفها تترجاه وكلمتها الي تضيع علوم اهلها كلهم بها "تكفى يعزوتي" وتخليهم يوافقون على الي تبي
ابو عساف : طيب بس اذا مامشت معتس هالخرابيط والخيل ذا تكملين دراستتس
ميلاف فزت وهي تبوس راسه : ابشرر
عساف ناضر لـ ابوه يبيه يتكلم
ابو عساف فهم وتنحنح وقال : ي ام عساف
ام عساف: هلا
ابو عساف : وش رايتس ببنت ابو هاشم يقال اسمهاا كادي
ام عساف بستغراب : من ناحية وشهو
أبو عساف قال لهم السالفه وقالت ام عساف : والله ونعم وماعليهّ بنت اجاويد ونعرفه ونعرف اهله ونعم المنسب
ابو عساف : يعني موافقه؟
آم عساف : اذا عساف موافق مابوه مانع
عساف : وانا موافق دام البنت جايزتن لتس
ام عساف بفرحه : اجل على بركة الله بنخطبها لك والله يكتب الي فيه الخير
بعد فتره بسيطه قام ابو عساف وأم عساف ينامون وبعدها قامو عساف ونياف ينامون
لينا وقفت ترتب القعده وجلسن على شكل دائره والقهوه بينهم والحلا وجالسات يسولفن
سُلاف : ماشاءالله عليتس ميلافوه وانتي تسولفين واثقه لو انا بتسيت"بكيت" من قال اول مرا ابوي لا
ميلاف ضحكت : انتي مو انا انا انشب لين اخذ الي ابيه بدون دموع هههه
لينا : كفو كفو
ميلاف : كفوك الطيب
سُلاف : من اصب له قهوه
لينا مدت فنجالها : انا
كملو قعدتهم الحلوه المليئه بالضحك والسوالف لين ماغلبهم النوم وقامو ينامون
اما عند عساف ونياف
نياف : اخس بتعرس ههههه
عساف : طايح من عينك
نياف ضحك : لا والله ههههههه
عساف : اقول شرايك تنخمد
نياف : ولله ودي بس لازم اطقطق عليك اول
عساف عرف انه ماراح يتلايص "يهجد" فا قال : كمل حتسيك على الجدار الي جنبك انا بنام
نياف : يحلو الجدار يسمع مني ابرك منك ههههههه
لا رد من عساف
قام نياف بشويش وهو يحط المخده تحت بطانيته كنه نايم واخذ شرشف ابيض وحطه عليه وبعد مايقارب 5 دقايق صار يرضخ بالباب ويطلع اصوات اشباح
عساف رفع راسع بستغراب وشاف رجلين نياف من تحت الشرشف الابيض ومسك علبة المويا وقطها عليه : يعني شايفن مهبول علي قل صح يوم انك مسوي حالك شبح
نياف جلس على الارض يضحك "حمار يناهق"
عساف : ياليل اليل وبدا الحمار يناهق يرجال ارحمن بنام
لما شاف مافي فايده من نياف قام وسحبه وهو يسدحه على الفراش ويجلس قدامه : انخمد اشوف
نياف زاد ضحكه
عساف ضحك : يبزر خلاصصص
نياف : طيب هههه طيب قم عني ههههه
عساف قام وانسدح بفراشه : ان شفتك تكلمت ربطتك ولزقت فمك
وبعد معاناة نام نياف
......
بارتنا اليوم قصير اعذروني حبايبي 2200 كلمه💗💗