«អូនក៏គិតដូចបងដែរ! អូនថាពេលណាដែលជីមីនជាសះ យើងនឹងរៀបការនៅថ្ងៃតែមួយតែម្តងល្អទេ?»
«បងតាមអូនគ្រប់យ៉ាង» នាយញញឹមនិងអង្អែលក្បាលនាយតីចស្រាលៗ
. . . . .
មន្ទីរពេទ្យ
«ប៉ាប្រាប់កូននូវអាថ៍កំបាំងមួយចុះ! តាមពិតរឿងលោកយាយវ៉ាងមានតាំងពីយូរណាស់មកហើយ ប៉ុន្តែប៉ាមិនដែលមានឱកាសបកស្រាយឲ្យអ្នកណាស្តាប់ឡើយប៉ាគិតថាកាលដែលបានគ្រប់គ្រងសៀវភៅមួយនោះអ្វីក៏ប៉ាអាចសម្រេចបានដែរ! ប៉ុន្តែដល់ថ្ងៃមួយប៉ាធ្វេសប្រហែសដល់ថ្នាក់ធ្វើឲ្យកូនៗទាំងពីរប្តូរវិញ្ញាណទើបប៉ាដឹងថាគ្រប់យ៉ាងដែលប៉ាគិតគឺខុសស្រឡះទាំងស្រុងតែម្តង! ប៉ាសោកស្តាយដែលជីមីនជាមនុស្សដែលមានឈាមជ័ររបស់លោកតា ប៉ាស្តាយដែលម្នាក់នៅមិនមែនជាប៉ា...ប៉ាពិតជាចង់សុំទោសគេណាស់» លោកគីមរៀបរាប់ដំណើរដើមទងទាំងអម្បាលម៉ានឲ្យជុងហ្គុកស្តាប់ឥតចន្លោះ
«បន្ទាប់ពីនេះតើគាត់នឹងធ្វើបាបនរណាទៀតទេ?»
«អត់ទេគាត់បានរលាយហើយ ទីបំផុតបណ្តាសាបានដោះហើយ ប៉ុន្តែជីមីននៅតែត្រូវរងទុក្ខ» លោកគីមពោលដោយក្តីឈឺចាប់
«កូនថាយប់ជ្រៅណាស់ហើយចាំស្អែកសឹមយើងនិយាយគ្នាទៀតពេលនេះលោកប៉ានាំអ្នកម៉ាក់ទៅសម្រាកចុះ ខ្ញុំនៅមើលជីមីន»
លោកគីមមិនមាត់តែគាត់ងក់ក្បាលជំនួសហើយនាំប្រពន្ធចាកចេញពីមន្ទីរពេទ្យដោយទុកឲ្យជុងហ្គុកនៅមើលជីមីនតែម្នាក់ឯង។ បន្ទាប់ពីលោកគីមចាកចេញផុតនាយអស់េជំហររលីងទម្លាក់ខ្លួនលើកៅអីមួយទំហឹងហើយយំចេញមកយ៉ាងគួរឲ្យអាណិត។ ដំណាក់កាលនៃការបាត់បង់គ្មានមនុស្សប្រុសឯណានៅរក្សាកិត្តិយស ឬខ្លាចក្នុងការខ្មាសអ្នកណាទៀតទេ។ សំខាន់បើសិនជាពេលនេះមិនយំទេតទៅមុខទៀតគ្មានសិទ្ធិយំឡើយ តែកាលណាបាត់បង់អ្វីមួយហើយបើមិនយំទេគឺគ្រាស្លាប់តែប៉ុណ្ណឹង។
«ជីមីនហ៎ា! បងសុំទោសផងណាដែលបងស្រឡាញ់អូនយឺតពេលពេក សុំទោសផងដែលធ្លាប់ធ្វើទង្វើកំហុសឆ្គងកន្លងមកដាក់អូន បងគ្មានឱកាសលុបលាងទេតែបងគ្រាន់តែចង់ឲ្យអូនដឹងពីជម្រៅចិត្តរបស់បងប៉ុណ្ណោះថាបងស្រឡាញ់អូនណាស់ហើយមិនធ្លាប់ប្រែប្រួលទេ! បើអាចបងចង់ធ្វើជាអ្នកគេងនៅលើគ្រែជំនួសអូន បងចង់ធ្វើជាមនុស្សដែលគេងរហូតលែងក្រោកដើម្បីឲ្យអូនរស់នៅឲ្យមានក្តីសុខតាមចិត្តអូនប្រាថ្នាតែបងធ្វើមិនបាន»
នាយនិយាយពេញដោយតំណក់ទឹកភ្នែកហូរប្រណាំងគ្នាដាបពេញលើផែនថ្ពាល់។ ដៃទាំងគូលើកទៅចាប់អង្អែលកាន់ដៃតូចៗដែលធ្លាប់តែបណ្តើរត្រសង ហើយជ្រប់មុខចុះយំយ៉ាងខ្លាំងថាទន់ជ្រាយក៏បានតែខណៈនេះវាពិបាកទទួលយកពេកហើយ។ ជីមីនវិញនៅពេលនេះប្រហែលជាអាចស្តាប់ឮព្រោះថាទឹកភ្នែកប៉ុន្មានតំណក់បានកំពុងហូរកាត់ផែនថ្ពាល់ទៅហើយ ប៉ុន្តែមិនអាចក្រោកមកឱបលួងលោមបាន។
សេចក្តីស្រឡាញ់ពុំមែនជាថ្នាំពិសេសអ្វីទេតែអាចព្យាបាលចិត្តមនុស្សបានឲ្យជាសះពីទុក្ខសោក។ ចុះបើមនុស្សដែលយើងស្រឡាញ់កំពុងតែហៀបចាកចេញគួរតែធ្វើបែបណាទៅ? សំណួរនេះគ្មានចម្លើយណាសមប្រកបទេអាស្រ័យលើស្ថានភាពសិនទើបវិនិច្ឆ័យបាន។ ព្យាយាមធ្វើល្អឲ្យបានច្រើន ស្រឡាញ់មនុស្សគ្រប់គ្នាដែលនៅជុំវិញខ្លួនព្រោះមិនច្បាស់ថាថ្ងៃស្អែកយើងនៅតែអាចក្រោកមើលព្រះអាទិត្យរះបានទេ។
ចប់!
Writer: Naomi 🥢🌷
YOU ARE READING
I'll Change For You (ចប់)
Romanceកើតក្នុងត្រកូលអ្នកក្រប៉ុន្តែទេវតាចាត់ទុកថាមិនអាក្រក់ចំពោះគេទៅចុះធ្វើឲ្យគេប្តូរទៅជាកូនអ្នកមានមួយរំពេច ប៉ុន្តែវាជាអភូតហេតុប្តូរវិញ្ញាណទៅវិញ។ រស់នៅជាមួយរាងកាយអ្នកដទៃអស់ពេលទៅដល់6ខែដែលជាបណ្តាសាតើអាចទៅជាយ៉ាងណា? Jungkook Top & Jimin btt Taehyung Top & Hobi...
ភាគបញ្ចប់: សងគេវិញមក
Start from the beginning
