' အင်း ... ငါတို့ လာတာ နွေရာသီ ဖြစ်နေတာကိုး ...။'
ထိုစဉ် ခုန ကား ပေါ်က အမြန်ဆင်းသွားတဲ့ ရှောင်းကျန့် သူတို့ အနား ပြန်ရောက်လာသည်။
' ယွီ့ကျင်း ... မြန်မြန် လာပြီး ငါ့ကို ဒီ ဝင်ပေါက်မှာ ဓာတ်ပုံ ရိုက်ပေးစမ်းပါ။'
' နင်က ဒီရှေ့မှာတင် ရိုက်တော့မလို့လား။ အထဲမှာ ပိုလှတာတွေ အများကြီး ရှိသေးတယ်။'
' ဒီမှာလည်း ရိုက်၊ အထဲ ရောက်တော့လည်း ထပ်ရိုက်မှာပေါ့။'
ရှဲန့်မု သူကပဲ ရှောင်း ကမ်းပေးတဲ့ ကင်မရာ ကို လှမ်းယူလိုက်ပြီး ...
' ပေး ... ငါ ရိုက်ပေးမယ်။'
ရှောင်းကျန့် မင်းသမီး ကို ရယ်ပြရင်း အားနာနာ နဲ့ပဲ လက်ခံလိုက်သည်။
' အဟီး ... အဲ့လို လုပ်မလား ...။'
~~~~~~~
ရိပေါ် သူလည်း ကား ပေါ်က ဆင်းပြီး ဦးထုပ်ကို အောက်ကို နည်းနည်း ပိုငိုက်အောင် ဆွဲလိုက်ပြီး မတ်စ် ကိုလည်း ပိုလုံအောင် နှာခေါင်း အထက်နားကို နည်းနည်း ဆွဲလိုက်သည်။
သူ အထဲ ကို အရင် ဖြတ်လျှောက်ပြီး ကျော်သွားမယ် လုပ်တော့ ...
' ဟယ်လို ... တစ်ခုလောက် ကူညီပေးပါ ...။'
ရိပေါ် သူ့ရှေ့ ရောက်လာပြီး ပြင်သစ် လို ပြောလာတဲ့ ရှောင်း ဆိုတဲ့ နာမည်နဲ့ တစ်ယောက်ကြောင့် တစ်ချက်ကြည့်ပြီး မျက်နှာလွှဲရင်း ပြင်သစ် လိုပဲ ပြန်ပြောလိုက်သည်။
' ဘာကူညီပေးရမလဲ ...။'
ရှောင်းကျန့် သူ့လက်ထဲက ကင်မရာ ကို ထိုးပေးလိုက်ပြီး ...
' ကျနော်တို့ ၃ ယောက်ကို ပုံရိုက်ပေးလို့ ရမလား ...။'
' အိုခေ ...။'
' အိုခေ ...။ ကျေးဇူးတင်ပါတယ်။'
ရှောင်းကျန့် ကျေးဇူးတင်ပါတယ်လို့ ပြောရင်း ကင်မရာကိုလည်း ဟိုလူကို ပေးပြီး သူကတော့ ယွီ့ကျင်း နဲ့ မင်းသမီး နား အရင် ပြန်လာလိုက်သည်။
ရိပေါ် အနောက် က လိုက်သွားရင်း သူ့ လက်ထဲ ရောက်လာတဲ့ ကင်မရာ ကို နှိပ်ကြည့်လိုက်တော့ ပိုစ့် မျိုးစုံ၊ အဝတ်အစား မျိုးစုံနဲ့ ရှောင်း ရဲ့ ပုံ ကို တွေ့လိုက်ရသည်။
YOU ARE READING
What's wrong? ( Completed )
Fantasyမှားတာက မင်းရဲ့ ဖြစ်တည်မှု က စ မှားတာ ... မွားတာက မင္းရဲ႕ ျဖစ္တည္မႈ က စ မွားတာ ... Story no.18 Crd cv photo
Ep - 18
Start from the beginning