စန်းရန် ; [ ကိုယ် အခုတလော အားတဲ့အချိန်မရှိဘူး ]
ဝိန်းရိဖန်က စိတ်ရှည်လက်ရှည် စာပြန်ပို့လိုက်၏ ; [ ဒါဆို ခန့်မှန်းချေ ဘယ်အချိန်လောက်အားနိုင်မလဲ ]
နောက်တစ်စက္ကန့်တွင်။
စန်းရန်က အသံမက်ဆေ့တစ်ခုကို ပို့လာခဲ့၏။ သူ့အသံမှာ ပျင်းတိပျင်းရွဲဖြင့်
"စနေနေ့ည"
စနေနေ့ည...
ဝိန်းရိဖန်က တွေးကြည့်လိုက်ပြီးနောက်တွင်..
တနင်္ဂနွေနေ့သည်ကား သူမ၏ပိတ်ရက်ပင်။
စနေနေ့ည၌ စန်းရန်ထံမှ သော့ပြန်ယူပြီး တနင်္ဂနွေနေ့တွင် အရင်အိမ်ခန်းပိုင်ရှင်အား သွားပြန်ပေးလိုက်ခြင်း - အစီအစဥ်က မဆိုးပေ။ အိမ်ခန်းပိုင်ရှင်ထံသို့ ရက်အနည်းငယ်နောက်ကျမည့်အကြောင်း ပြောပြလိုက်ရုံသာရှိပြီး အခြားပြဿနာမရှိ။
ဝိန်းရိဖန် ; [ အိုကေ ]
ဝိန်းရိဖန် ; [ ဒါဆို 'Overtime' ဘားကို လာခဲ့ရမလား နင့်အိမ်နားကို လာခဲ့ရမလား ]
ဝိန်းရိဖန် ; [ နင့်ကို ငါရှိတဲ့နေရာထိ တကူးတက လာပေးခိုင်းရမှာ အားနာလို့ပါ ]
မိနစ်ဝက်ခန့်မျှကြာသွားပြီးနောက်တွင် စန်းရန်က အသံမက်ဆေ့နှစ်ခုကို ထပ်ပြီးပို့လာခဲ့၏။
ဝိန်းရိဖန် ဖွင့်နားထောင်ကြည့်လိုက်၏။
စန်းရန်က တမျိုးတမည်မြည်သောအဓိပ္ပါယ်မျိုးဖြင့် ရယ်နေရင်း စကားလုံးနှစ်လုံးကို ပြောထွက်လာပါတော့၏။
"ကိုယ့်အိမ်?"
"...."
ဝိန်းရိဖန်၏မျက်ခွံများ လှုပ်လှုပ်ခတ်ခတ်ဖြစ်သွားခဲ့ရသည်။
ပထမအသံမက်ဆေ့ အဆုံးတွင် ဒုတိယအသံမက်ဆေ့က အလိုအလျောက် ပွင့်သွားခဲ့၏။
စန်းရန်၏ စကား ၊ လေသံအသိမ်းအယူအရ သူ့စကားလုံးများကြားတွင် ' မင်းရဲ့ဦးတည်ချက်ကြီးက အရမ်းသိသာလွန်းနေပြီ ' ဟူသောဆိုလိုရင်းသဘောက ကပ်ပါနေမှန်း ဝိန်းရိဖန် ရှင်းရှင်းလင်းလင်းခံစားနေမိကာ ထိုသူက ဤသို့တိုက်ရိုက်မပြောရုံတမယ်ဖြင့်
![](https://img.wattpad.com/cover/354800938-288-k108778.jpg)
YOU ARE READING
နှင်းဦးဝေဝေ [ ဘာသာပြန် ]
Romanceဒီလောက်နှစ်တွေအကြာကြီးကြာခဲ့တာတောင် ကိုယ် အခုချိန်ထိ မင်းတစ်ယောက်တည်းကိုပဲ သဘောကျနေခဲ့တာပါ -စန်းရန်-
Chapter 12
Start from the beginning