استمتعوا يحلوين
تجاهلوا الاخطاء الاملائية
..............
غريب الدار ومناي التسلي
أسلي خاطري عن حب خلي .
...............
بأحد الاماكن
وقف بتعب وناظر حوله يتمنى احد يمر ويستنجد فيه ، ناظر قدمه اللي بدت تزرق وصعب المشي عليها
نزل نفسه واخذ له عصا واستند عليها وكمل مشي مقرب لخيام قبيلته
انتبه لانوار بعيده بوحده من الخيام وتذكر الزواج اللي مفروض يتم اليوم
لعن حظه الزفت وكم مشي وبداخله يدعي احد منهم يطلع و يشوفه لان الالم اللي يحس فيه الان ما يوصف
***
هداج جالس بينهم ويبتسم ويسولف مع المعرس ويضحكون مع بعض ، وقفوا بعض الشباب ومعهم بنادقهم وخرجوا برا الخيمه وبدوا يطلقون بالسماء
والرجال يتفاخرون باولادهم و وقف هداج معهم وبيده مسدسه واطلق في الهوا
انتشرت بالمكان ريحه البارود القويه ، هداج نقل نظره بين الواقفين وركز نظره لما لمح شخص يشبه عناد مقبل عليهم
حاول يركز بس الشباب اللي قدامهم يلعبون سامري ومبسوطين
دخل بينهم وسحب مسدسه واطلق بالهوا وصرخ عليهم بالسكوت
وقفوا الطبل وناظروا بعض باستغراب بينما هداج بدا يركض وهو يناظر حبيبه اللي ابتسم له وجلس بالارض من التعب
وقف امامه وناظر قدمه اللي انتفخت وقدر يسمع اصواتهم وهم يطلبون الطبيب يجي وبدوا يركضون لعناد
طاح بالارض قدام عناده حاول يتكلم بس مو قادر الكلام اختفى من باله وحتى النفس
ضحك عناد من شكل هداج وترك عصاه مستند على يده واخرج السلسله اللي لابسها تحت ثوبه وناظره :- تذكر لما عطيتني خاتم لاني رجعت لك صقرك ؟ كان عمري 10 سنين للحين معي
نزل انظار هداج للخاتم الصغير المعلق بسلسله وابتسم ورجع يناظر عناد اللي كمل :- من ذاك اليوم وانا عرفت اني احبك بس تعرفني عنيد ماكنت ابي احبك وانت مو مهتم فيني ومن يومها وانا احاول معك ومدري اذا نجحت هداج بس انا احبك ولو يرجع الزمن وانا ادري انه بيصير كذا تدري وش بسوي ؟
هز راسه هداج ومسك السلسله لما تركها عناد بيده وناظر عيونه ، عناد مد يده ولمس خد هداج ولحيته وابتسم :- كنت بحبك اكثر
نزلت دموع هداج لما عرف ان هذا الوداع وان السم صار بدمه
قرب عناد وباس عيونه وضمه بقوه ولحد الان مبتسم :- قلتها ياويلك تقولي اني عفتك انا ما اعوفك انا اشتريك وابيك
شد عليه هداج وحس الان بالناس اللي متجمعين حولهم وصمتهم ، رفع عيونه وناظر ابو عناد اللي جلس جنبهم وساكت والطبيب مثله
