استمتعوا يحلوين
تجاهلوا الاخطاء الاملائية
...................
لاشفت وجهك قلت ياحيي وحياني .
..................
........
الساعه 11:20 مساء
تقلب بفراشه وعيونه مو راضيه تغفى ، عدل سدحته وناظر ظهر فزاع اللي ما كلمه من بعد لعبتهم ولا حتى حاول يساله وش فيه
تنهد و وقف خارج من الخيمه وناظر عناد اللي يمشي لخيمه ابوه المقابله لخيمه الشله
قرب منه وتنحنح يجذب انتباهه ونجح ، قرب عناد من سلاف وهو يناظر كل شي الا وجهه :- هيي سلاف ترا كله من هداج ولا انا ما احب فزاع ولا فزاع يحبني
ابتسم سلاف وناظره ثواني ومشى من جنبه :- اذا مافيك نوم تعال معي نتمشى ونسولف
لحقه عناد وانتبه ان سلاف لابس جاكيت نواف وكبير عليه ، ابتسم وهو يضم يدينه يحس بالبرد بيدخله بس ما لبس شي غير ثوبه الخفيف :- ما قلت لي سلاف من متى تعرفهم!
همهم سلاف بتفكير وناظره بضحكه :- مدري بس فزاع عرفته قبلهم من مده مو طويله
هز راسه عناد وناظر التله الصغيره اللي بكل مره يروح له وناظر سلاف :- تعال بوريك منظر حلو
لحقه سلاف ومنتبه لخطوات عناد الغريبه كان رجله تعوره
بعد وقت قصير وقف عناد وفتح يدينه يحس بالهوا البارد يدخل بجوفه ، ناظر سلاف اللي وقف جنبه وناظر المكان والسماء وابتسم :- ظلم ليش محد قال لي عن هالمكان الا الحين لما بنروح
ضحك عناد وجلس ويدينه تلعب بالتراب :- محد يجيه غيري اصلا وانت الحين
جلس جنبه سلاف وهمهم :- وش علاقتك بهداج؟
ناظره عناد وضحك بسخريه :- مدري هو يحبني
عقد حواجبه سلاف وعدل جلسته يناظر عيون عناد الحاده :- طيب وانت تحبه ؟
ناظره عناد ثواني وابعد عيونه يحس ان سلاف عارف وخالص :- مدري وانت وش علاقتك بفزاع
ابتسم سلاف ورجع يناظر السماء :- نقول ان شاء الله مع بعض
ابتسم عناد وناظره :- اقدر اقول اني احسدك فزاع مافيه مثله صح ينرفزني بس طيب و واضح يحبك حتى ابوه فاهمه بس هداج خواف وجبان ما يتكلم معي اصلا الا لما نكون لوحدنا
ناظره سلاف بحزن وطبطب على كتفه :- يمكن مايبي احد يشك فيكم ؟
ضحك عناد ونزل راسه ويناظر يدينه المحتضنه الرمل :- وش بيقولون ورع يتكلم مع شيخه يعني بالله عليك سلاف بيفهمون وهو اصلا قريب من الكل الا انا ! الحين بيفهمون منجد ولا مره تكلم معي قدامهم ويتجاهلني والحين يجي يتهاوش معي وهو الغلطان بالله عليك هذا حكي ؟
