استمتعوا يحلوين
تجاهلوا الاخطاء الاملائية
............
فيني بكى لكن دموعي قليله
............
بعد العشاء الساعه 8:44 مساء
دخل سعود ومعه نواف القى السلام وجلس جنب ذياب وهمس له وهو يشوف ابو ذياب يسولف مع البدر ويضحك :- شفيهم جامعينا عشان نتكلم عن المشكله وجالسين يضحكون
ابتسم ذياب وناظر سعود وانتبه لنظرات الحقد من عيون نواف اللي يحترق وراه :- يالحبيب انت ماعليك منهم شوف اللي وراك شوي وينفجر وجهه
التفت سعود لنواف وابتسم له ورجع يقرب من ذياب ويهمس :- خله شوي يحب يتدلع
همهم ذياب وناظر البدر اللي كان متحمس يسولف ويحرك يدينه يشرح بذمه وضمير وابوه مركز مره بشرحه ورجع يناظر سعود :- مدلع حبيبك
توتر سعود ماعرف اذا قالها كذا او يعرف شي ويمكن بدر قاله شي ، ضحك ذياب وطبطب على فخذ سعود :- واضح عيونك لو بيدها طلعت وباسته ورجعت لمكانها
ابتسم سعود وناظروا ابو ذياب اللي تنحنح ويده على كتف البدر :- يلا قولوا لي السالفه كامله و وش صار بقبيلتكم لما راح "بدرنا "
ابتسم البدر لكلمه ابو ذياب لانها من اسماء الدلع اللي يقولها عمه فزاع ، تنحنح وعدل جلسته وبدا يتكلم مع ابو ذياب ويشرح السالفه وسعود يقولهم اللي صار لما ترك القبيله وكيف قلبوا عليه هو و نواف لما عرفوا انهم مهربينه
ومن بين السوالف ناظرهم ابو ذياب وابتسم بفخر :- عز الله الاصحاب اللي ما بتضيم معهم بس كيف هروبك ؟
ضحك نواف فجاه وهو يتذكر الموقف وسعود ابتسم لضحكته والبدر يناظرهم بفرح ، تنحنح سعود ورجع يناظر ابو ذياب :- نواف اللي صرفهم عنا وهربنا احنا وتقابلنا بنص الطريق وبعدها تركنا البدر بمكان مضمون محد بيجيه ولما رجعنا له ما لقيناه
ابتسم نواف وهو يناظر ابو ذياب اللي طلب منه يشرح كيف صرفهم ، تربع وناظر سعود بعده بدر :- سويت نفسي متصاوب
ابو ذياب عقد حواجبه باستغراب :- كيف سويت نفسك متصاوب؟
كتم نواف ضحكته كل ماتذكر الموقف وزفر :- شقيت يدي وحطيتها على بطني والدم صار كله ينزل من ثوب ودخلت عليهم اصارخ ما توقعت انهم بيصدقون تمثيلي حلو
ضحك سعود بقوه ويحس نفسه انكتم وبدا يتكلم :- والله يا عم لما شفناه داخل عليهم يصيح حسبنا غدر فينا ويعلمهم عنا بس طلع كفو وصدقوه خصوصا
كمل ضحك مو قادر يشرح ، ابتسم البدر وناظر ابو ذياب :- خصوصا لما طاح بينهم على اساس مات وكلهم صاروا يبكون ويصيحون لو تشوفهم يا يبه بتصدق معهم ان نواف مات
ابتسم ابو ذياب على كلمه يبه ومسح على كتفه وهو يضحك على سالفتهم وضحكهم ويسرق نظرات لذياب اللي يضحك مع سعود اللي يشرح له ونواف اللي وقف وحط يده على بطنه بطريقه تضحك وصار يمثل انه بيموت ويطلع اصوات غريبه
