لو تطلب الكايد ما إخيب ظنونك

- الأول -

« الـمركـزّ - مُـنتـصـفّ اليِّـل »
.
رفع يده يركزّ بَـ إنظاره على ساعته تطول تنهِيدته من شديد إنزعاجه من يومه الطويل ، وقفّ يمشي بخطاه وهو يدعي ربّه مايلقى إحد من العساكر ويعطيه ملفّ أو مهمه حاليّا لأنه بَأشد حالات قسوة مزاجه ، طلعّ مفتاحه من بدّلة دوامه يضغطّ على أحد الأزرار ينتشر نور السيّاره بظلام المواقفّ الدامس وهو يركبّ سيّارته ويحركّها صوبّ قصورهم ..
—
نزل عن سيّارته يسوق خطاه للمدخل وهو بالكاد يشوف طرِيقه من الإرهاق ، يرقى للدور العلويّ يفك أزرار بدلته تتسلل يده لقبّعته العسكريه ينزّلها عن راسه ينكشف شعره الكثيفّ الداكن ، فتح باب غرفته يشغل التكييف يترك اللمبّات طافيه ويكتفي بالأبجوره كونه بينام إساساً ، من بدّل ملابسه يعلقّ بدلته العسكريّة يلّي أمتلت بالنجوم و يزيّنها الإسم المُهيبّ « عبدالعزيز بن سلطان آل سعود » يحطّ قبعته بجانبه ، إرتخى جسده على السرير يدعي ربّه إنه ينام شوي قبل صلاة الفجر .
—
تعالت إصوات المساجد مُعلنه إقامة صلاة " الفجر " فزّت عِيونه قليلة النومّ وسجيّنة الأرق على صوت جنّته يوم قالت " قوم الصلاة يا يمه " ، تمدد على ظهره يوسّع يدينه بَـ إرهاق شديد وما أخذ من ليلته الا ٤٠ دقيقه من النوم ، وقفّ يسوق خِطاه للحمّام ويطلع منه وهو متوضّي و فجأه بدات خطواته تتسارع يلبسّ بدلته الي للتوّ حطها عشان يلحقّ على صلاة الجماعه ، وقفّ أمام المرايه يعدّل ياقة بدلته ويميّل أسمه يختمّ طلّته بالقبّعه ، طلع من غرفته يشوف أمه يلّي واقفه بالمطبخ تسوي مشغوله بالفطور ، تبسمّت من سمعت خُطاه يلّي تقدر تفرقها بين مليون خطوه لتميّزها ، باس راسها تمِيل إبتسامته بخفّة شديده يقول ؛ وش تسويّن ؟
نطقت أمه تقول ؛ أسوي فطور الشايب .
ياخذ الكوبّ من الدرج ويقول ؛ الشايب مابعد قام ؟
ضحكت إمه تقول ؛ الا والله قام ، ومن يوم قام وهو ماغير يهرّ علي - يهاوشني - .
عقد حواجبه بسخرِيه يرفع الكوبّ لثغره ويطلع من المطبّخ متوجهة لغرفة إبوه بعد ما جامل أمه لأنه عارف أن ابوه مايهاوش أمه الا فيه موضوع مشغل باله ، دقّ الباب على ابوه بخفّة حتى سمح له بالدخول يفتح الباب يحصّلها يرتدي شرّابه ( اكرمكم الله) ، من شافه سلطان هز راسه بقلّ حِيله كونه عارف من نظرات عبدالعزيز أنه عارف بضيقّ خاطره ، يحتدّ صوته بجديّة يقول : وش صار ؟
تجاهله أبوه لوهله ينشغل بنفسه ، بعد دقايق الصمت و السكون المُريب يلّي أنتشر با انحاء المكان جلس ابوه على الكرسي يمسك بعصاه ؛ رحّ صل و انا ابوك .

أكتفى سلطان بَـ هالكلمات مايبي عبدالعزيز يشيل من الحمل أكثر من يلي عليه ، ردّ عبدالعزيز يقول ؛ سمّ ، إن كان لك طاري ولا شي فترا جوالي عام .
هز سلطان راسه بالايجاب عارف مقصد عبدالعزيز وهو " اذا بغيت تقولي ، دقّ علي " ، صد عبدالعزيز يرفع يده لقبّعته يرصّها على راسه بقوّه تتابع خطاه للإسفل ، ركب سيّارته إلى وجهته - المسجد - ألي عرفوه أهل الحيّ فيه من حفاظه على صلاة الجماعه وحسنّ إخلاقه يلّي يضربون فيه المثل ، نزل عن سيّارته يناظر المصليّن يجتمعون بالمسجد منهم يلّي توه داخل ومنهم من طالع متوضي من الحمامات و الي جالس ينتظر الإقامه ويقرا ورده ، لمحت عينه كبير السنّ يلّي خذلته قوّته يحاول يرفع فقط رجله لجل يركب الدرج مع مسانده عصاه ، تقدم له عبدالعزيز يمسك بَـ يده وعضدّه وبدون لا يطالعه لجل مايحرجه ينطق ؛ السلام عليكم ، تبسمّ كبير السن من وصل للمرتفّع ينسحبّ منه عبدالعزيز ينزّل حذائه ( اكرمكم الله ) ويدخل لجل يصير من الصفوف الأوليه كعادته ضربّ الصدى بنواحي الحيّ ينطق الإمام - الله أكبر - يبدا صلاته .
—
« المـركـزّ - الثامِنـة صبـاحـاً »
مقرن ؛ إدخل انت بعدها بمشي وراك .
حامد ؛ والله ما ادخل تبيني أجي بوجه المدفع ! ، مقرن ؛ تستهبل إنت ! أثرك طلعت رخمه . ، حامد ؛ لا تدخل الرجوله في ذا الموضوع ، أنت عارف الفريق وش بيسوي فينا لو درا .
مقرن ؛ طيب اص لا تبكي بندخل مع بعض . ، إخذ العسكري حامد نفس يهدّي فيه توتره و المغص يلّي يثبت ربكته وخوفه وخويّه مقرن يلّي ماكان أقل منه ، تراعدّت أجسامهم يوم نطقّ - ماخلصتو ؟ - رجفّت اجسادهم بس من تسلل صوته الثقيل لمسامعهم يهزّ كل شعره بَـ بدن كل واحد منهم يمد حامد يده لمقبض الباب يدخل و يليه مقرن وكلهم مخفضين راسهم بخوفّ ينتابهم تضربّ رجولهم على الإرض يدقون التحيّة له ، حتى مايملكون القوّه يحطون عيونهم بَـ عينه ! ، منشغل بَـ أوراق بين يدينه وسامع كل حرف نُطق من خلف الباب و بَـ إنتظارهم يحكون مصيبتهم يلّي جابتهم لَـ حدّ مكتبه ، و ياكبرها هذي المُصيبه مدامها جابتهم لَـ عبدالعزيز ومو إي ضابط أخر ! ، ضرب حامد يد مقرن بَـ إشارة منه يبدا الحديث بلع مقرن ريقه يمد يده لبدلته العسكريه ويحرر عنقه لعل يتنفس شوي ! ، مقرن ؛ سيّدي إرسلنا الضابط محسن .
راوده إنزعاج شديد من عرف إن محسن مرسلهم لأنه عارف الضابط محسن مايرسل العسكر الا كونه يتحاشى موضوع ويبي يوكلّه له..