نسل القبائل "تتمة"

الفصل 91

[ #رواية_نَـسْـلُ_الـقَـبَـائِـل ]

الكاتبة : FATIMA Z-F

الجزء التاني: خطايا شمس نرجس.

الفصل 185:

قمر عوجات راسها من لمسها فعنقها جاب ليها تبوريشة وقالت ..

- حنا عكسكم كبرنا كاملين مع بعض واحد راد لبال لتاني بحال لخوت ..

ضياء : هادشي علاش عجباتني عائلتكم ما كتحسدوش ومكتقلقلوش من بعضكم وطالقينها تسرح وعايشين لحياة كيف لولاد كيف لوالدين تبارك الله ونعمة التربية ..

قمر عضات شفايفها فرحانة كيعجبها لي يشكر عائلتها وبصوت ضعيف فيه نغمة انوثية خلاتو يتنهد بلا خاطرو ..

- وداك لوشام  مغاديش تحيدو ..

ضياء تنهد بجهد : ونااري على صوت عندك كيجيب ليا تبوريشة ..

قمر حشمات: وراني كنهضر معاك مغاديش تحيدو ..

ضياء: راني قلت لك لو ما بغيتيهش نحيدو ما عندي تا مشكل ..

قمر : اوكي غير حيدو اصلا ما زوينش ..

ضياء: وخا ألالة نحيدوه ولكن خاص لمقابل اري شي بوسة ..

شافتو ايبوسها وهي تبعد منو غير بالفن خلاتو غير كيضحك وهي قالت ..

قمر: جاني نعاس ..

ضياء شدها من يديها : مزال لحال خليك سهرانة معايا شوي ..

قمر: انا فقت بكري ماشي بحالك صبحتي ناعس..

ضياء: ماشي لخاطري من نهار عرفتك ما دقت نعمة نعاس تا جبتك بين يدي عاد حلا عندي نعاس ..

قمر : اودابا بغيت نعس..

ضياء تنهد بلا خاطرو : اجي الالة نعسو نشوفو تا هاد نعاس مالو معايا ..

دخلو لفراش وهي بقات فجنبها بعيدة منو ونعسات على ضهرها وهو متكي على جنبو كيشوف فيها ..

ضياء: واقربي لهنا مالنا اناكلوك ..

قمر: غير خلينا اصلا مولفة نعس بوحدي ..

ضياء هز راسو كيضحك حمقوه تصرفاتها ..

-وغير اجي والله ما ندير ليك شي حاجة راكي مقصحة اصلا وايكون داكشي منفوخ ما عندي منين ندوز ..

رجع وجها حمر وهو مد يدو جرها عندو لصق ليها  ضهرها مع صدرو ودور يدو حطها على كرشها وباسها بجهد فعنقها ..

ضياء: بلاصتك هنا القمرة ..

بقات ساكتة وهو كيلعب ليها فشعرها يهزو وبجمعو كامل ويرجع يرميه فوق كتافها ويرجع يسرحو بصبعاونو وهو كيف لحرير بين يدو ولونو كحل غامق وطويل خلاه مفتون بيه  ،طل عليها لقاها نعسات من كان كيلعب فشعرها غطاها مزذان وغمض عينو تا هو نعس وهي فحضنو مزير عليها  بين يدو ..