Uljhe Dor

8. Kunal ka Roka

---☆---

  "Kaisa lag raha hai, bhaiya? Finally aapka roka ho gaya."

  "Veer, mujhe nahi lagta Kunal ko realise bhi hua ki uska roka ho gaya. Pure function Kunal Bela ko dhoondhte raha."

  "Aur jab mil gayi to usse nazar nahi hati bhaiya ki."

  "Exactly."

  "Chup ho jao, tum dono. Kya bakwas kar rahe ho? Main bas yeh dekh raha tha ki wo ladki koi gadbad na karde, hamesha girti padti rehti hai."

  "Seedhe- seedhe bolo na ki aapko uski fikar hai.

  "Mujhe uski nahi fikar nahi hai. I'm just worried wo kuchh bigad na de."

  "Aapko nahi manna hai to ham kya kar sakte hain."

  "Kya nahi manna?"

  Ansh smirk karta hai. "Yahi ki kuchh to hai. Bela is so different, and the only one jo tujhe takkar de sakti hai."

  "More like takrate rehti hai."

  "Kuchh kaha tune, Kunal?" Ansh Kunal ko chidhata hai.

  "Maine suna," Veer kehta hai. "Bhaiya ne kaha, 'More like takrate rehti hai'. Bilkul sahi kaha aapne, Bhaiya. Bela di hamesha aapse takrate rehti hai aur aapke aankh usse takrate rehte hain. Yeh to bhagwan ka ishara hai."

  "Bhagwan ka ishara? What are you saying, Veer? Bohot tv dekhne laga hai kya? Main nahi believe karta in sab cheezon mein."

  "Kunal, bhale hi bhagwan ka ishara nahi, lekin kuchh to hai na jo tum dono ko hamesha milate rehti hai?"

  "Ansh, tum kab se itne poetic ban gaye? Please, mujhe tang karna band karo, tum dono. Let me sleep."

  "Haw, Bhaiya, ab ham dono aapko tang kar rahe hain? Yahi hota hai, jab ladki ka chakkar lag jaye, bhai pareshan karne lagte hain. Aur maine notice kiya ki Maan ke rehte aisa kuchh nahi hua, lekin Bela ke aane se aapki sari disha badli hui hai."

  "Chal, Veer. Akela chhod de Kunal ko. Aur bezatti sehne ki himmat nahi hai ham mein." Ansh dramatic way mein, Kunal ko chidhane ke liye Bela ki tarah 'ham' bolta hai.

  "Haan Ansh, chalo."

  "I know what you guys are doing. Mujhpe iska koi asar nahi padega."

  "Kyunki aap pe to sirf Bela ka asar padta hai. Is liye aap sirf uski baat karte ho din- raat."

  "What din- raat. I don't talk about her. Main uski baat karke apna mood kyun kharab karoon, ek wedding planner ke wajah se."

  "Karte ho, Kunal. Jab se wo aayi hai tu uski hi baat karta hai. Bela ne yeh kaha, Bela ne wo kiya."

  "Because she's crazy and she drives me crazy. Wo ladki pagal hai."

---☆---

  Pool wala raasta lete hain, agar kisi ne hamein Kunal ke kamre ke bahar itni raat ko dekh liya to bawal mach jayega. Khas kar ki wo Maan. Aise to hamesha Kunal se chipki rahegi, lekin ratti bhar ka bharosa nahi hai usko Kunal pe.

---☆---

  "Ansh, aaj pool side se chalte hain na, bahar se door padega."

  "Itna bhi door nahi, pagal. Do extra step mein kya zyada farak pad jayega."

  "Aur do step kam chalne se aapki deal nahi chhut jayegi." Veer darwaza kholta hai aur dusri taraf Bela ko dheere dheere chalte aate dekhta hai.

  "Kunal, tere liye koi aaya hai."