غموض جارنا

بارت 25

باوعت على زليخة شفتها حاطة ايدها على وجهة وتبجي بصمت خطية كلش كسرت خاطري كلش تعذبت بهالحب كلش صعب الحب من طرف واحد مالة اي نهاية بس راح يهلك صاحبة اذا ما گدر يغير من تفكيرة ويطلع من قوقعة هالحب المهلك

ماما تعاركت ويا بابا وأمجد من رجع من انصدم بالصار وكلش تعصب شكد اتصل على آسر وما يرد حتى على زهراء وماما ما يرد عليهن وحتى أمجد راح على محلة ما لگاه كانة فص ملح وذاب

مرت الايام والبيت كلش كئيب ومتوتر وآسر لحد هسة ما نعرف اخبارة ووين راح أمجد شكد دور عليه وما لگاه وحتى كلف جماعتة يساعدونة بس للاسف نفس النتيجة ما لگوه وماما كلش تعبت وتلفت اعصابها وكل يوم ما يمر اذا ما تتعارك ويا بابا علمود يروح يخطب غزل لآسر علمود يرجع

ماما مو كلش تهتم بالطبقات المجتمعية بس بابا اهم شي صورتة ما تتخرب ويبقى محافظ على مكانتة خطية كلش راح يتعذب آسر وياه

رجعت من اخر امتحان من نصف السنة جنت امشي واتنهد حياتي كلها انگلبت

قبل ما جنت افكر باي شي جان كل همي انتظر مسلسلات الانمي والكورية شوكت تنزل الحلقات واللبس والطلعات هسة احس دماغي راح ينفجر من الاشياء الجاي اواجهة من جهة آسر وغيابة  ومن جهة زهراء الي يوم بعد يوم جاي اشوفها تذبل بسبب زوجها الي ما كلف نفسة ويرجع من سفرة علمود يشوفها وكل يوم يثترب من ولادتها احنا توترنا يزيد بسبب المرض البقلبها والدكتورة گالت يمكن يصير مضاعفات وياها وقت الولادة

مريت من يم محل ما انتبهت عاللافتة بس فجأة رجعت بخطواتي ليورة قريت الاسم واسترجعت بذكرياتي لقبل سنتين من شفت وليد گدام هالمحل ومن صيحت عالولد وطلعو الولد من المحلات وهم راسا انهزمو

ابتسمت بحزن واني اتذكر احلى ايام عشتها بوقت الدراسة جانت ايام ما تتعوض واحلى ايام ويا اصدقائي غزل ووليد صح جان كلامي ويا وليد غلط وحرام بس اني جنت وكاني استغفل هالشي ونسيت الحرام والحلال اتمنى ربي يغفرلي الجنت اسويه لان قطعت وعد على نفسي بعد ما اصادق زلا احجي ويا اي ولد اريد وليد يبقى هو الذكرى والصديق الوحيد بحياتي

وصلت لبيتنا وراسا بس صعدت لغرفتي رحت اتفقد موبايلي

ومثل ما اتوقعت ابو نقطة هم راسلي لازم يومية يرسلها وبنفس التوقيت صار اكثر من سنتين يدز ولا يوم نسى

شكد جي على بالي احظرة بس باخر لحظة اتراجع واگول لا خل يبقى موزين اكو واحد يفتقدني وبعيدن اتفاخر يم البنات واگول عندي معجب سري
__________________________

غزل

_غزل ولججج غزل سؤال االثاني بسرعة بسرعة

_ولجج صوتج فضحتينا بسرعة كتبي a b  a b d بس ترا ما متاكدة من الاجوبة تمام