سكتت غرام وهي تناظر نجلاَ الي رافعه حواجبها همست لها : ماعليك منها جدتي كذا
ضحكت نجلاَ بهمس : شكلك تعودتي
غرام بابتسامه: على أسلوبهم معي أيه
ضحكت نجلاَ وتقدمت العنود وهي تصب قهوة
ناظرتها نجلاَ بتحذير همست : تكفين لا
العنود بابتسامه: ليه
نجلاَ : ماشرب عربي
غرام ضحكت : بتشب عليك العجوز تخليك تشربينها
الجده نوره باستغراب: يابنت المُدن وراتس ماتشربين قهوة
نجلاَ ناظرتها بابتسامه: ماشرب قهوة عربيه ياجدة ،
الجده نوره بتعقيده : اشربي اشربي طعمها زوين
نجلاَ ابتسمت باحراج وهي تناظر العنود بتهديد وهي ،تشرب
ابتسمت الجده نوره : بالعافيه يابنتي
ابتسمت نجلاَ بتسليك وناظرت غرام: شلون يشربونها
غرام ضحكت : اشربي اشربي خلي النادي عنك ،
نجلاَ بضيق ناظرتها : راحح نظامي من قهوتكم ،
ضحكت العنود : شرايتس نقوم نتمشى على التراب
ناظرتها نجلاَ برجاء همست : خذيني من هنا ماشالت عينها عني
ضحكو عليها البنات التفتو من دخلت ام سعود وبناتها
وهم يسلمون عليهم تقدمت روان وهي تضمم غرام : اشتقت لتس وينتس
غرام بابتسامه: ياروحيي انا اكثر ولله
ابتسمت غرام جلسو وهم يسولفون مع بعضهم
عهود باستغراب : انتِ من الرياض؟
نجلاَ بابتسامه: ايه
عهود بابتسامه: انتِ زيي غرام تجين بالاجازات
ضحكت نجلاَ : لا انا من الرياض جايه بس عشان غرام والعنود
روان بابتسامه: ماشاءالله عليتس
ابتسمت لهم نجلاَ
على اذان المغرب روان نطقت : بنات نطلع بعد مانصلي للجبل؟
العنود ابتسمت : ايه حنا مخططين من قبل
ووقفت العنود : يلا تبون نطلع نمشي على الجبال؟
غرام ناظرت شوزها : لاخاف ينقطع
روان بضحكه : يالله من بنات المُدن امشنًنجلاَ ضحكت : مغامره مره وحده عادي غراميي ،
غرام ابتسمت : يلا اجل ،
وقفو وهم يطلعون ،
العنود بابتسامه: الاجواء تجننن،
روان ببتسامه : ايه ولله ،
عهود وهي تنزل نقابها : انكتمتت تكفون ،
العنود : محد لمنا كلهم ف الخيام اكشفو ،
غرام : بنات نصعد للجبل؟ ابي ابراج عشان انزل ستوري،
نجلاَ : نزلي لارجعنا البيت،
غرام : لا وديّ الحين!،
العنود بابتسامه: وش ورانا امشو ،
نجلاَ : بنات خلاص خلونا ننزل يخوف ،
خلود ضحكت : عندك فوبيا من المرتفعات ؟،
نجلاَ بتصنع ابتسمت : لا بس ظلام يخوف،
-
كان طالع فوق الجبل مع سعود وخالد وسليمان ،
جلسوّ وهمّ يسولفون فوق الجبلّ
سليمان : الا ياسعود ماحددت زواجك؟
سعود ابتسم : لا باقي مع ذي الاوضاع الي صايره ،
عناد ابتسم: قريب ان شاء الله
خالد : بتزيّن الامور ماعليك يارجال وتتزوج ،
سعود ابتسم: ان شاء الله عقبالك
خالد بهبال : لا مالي خلق عوار الراس ،
سعود ضحك ، تنهد عناد يطالع القمر ويتذكر طلتهاّ ،بالملكه ماطلعت من باله! يحبها ووده فيها بس هي! ،تنهد بعُمق يناظر السماء يتذكر مواقفها معاه وغيرته عليها قاطع سرحانه ضربه سعود : شفيك يارجالّ ،
عناد ناظره : لو مره بس خلني اهوجس مع نفسي
سعود حضنه من جنب : ولله ماتهوجس بشي الا وانا ،معك
عناد ابتسم: جعلني ماخلا
سعود بهبال باس خدة وقف عناد بعصبيه : تعقبب وانا ولد ذياب ،
ضحك سليمان : اجلس اجلس ،
جلس عناد بجانب سليمان سعود ابتسم: ماتبيني يالخويّ
عناد بانزعاج : حركاتك مالها داعي ،
سليمان : وش صار على نياقك ياعناد
عناد ابتسم: الحمدلله بس لي كم يوم ماروح العزبه لها،
سليمان: معليك عادي
عناد ابتسم وهو يناظر السماء يتأملها وعمّ الهدوء عليهم
YOU ARE READING
الهوى يبقى هواك واغلى منك مالقيت
General Fictionعقاب اللي ينتقل للديره مع زوجاته الثنتين وردّ وفاطمه بعد سنين من العيشه في المدينة ، ويلزم عياله بالتأقلم مع عيشة الديرة وعدم معارضة عاداتها وتقاليدها ، كيف بيكون الوضع بالنسبه لبناته؟ بعد سنين من العيشه في المدينه ، والاختلاف الكبير بين بيئتهم اللي...