الهوى يبقى هواك واغلى منك مالقيت

16

#الهوى يبقى هواك واغلى منك
لا اله الا الله ، سبحان الله وبحمدة

بالفندق |
كانت جالسه وهو بجانبها يضغط ف الريموت
وصلتها رساله جاها فضول وهي تدخل وكانت بعنوان
" من ذاك اليوم وانتِ مو قادره تطلعين من بالي انا احبك ولا ابيك لغيري عطيني فرصه تكفين " رفعت نظرها لعناد
المندمج على التلفزيون وناظرت لجوالها استغربت من هاذا وكتبت له : مين انت؟ .....

ناظرت لجوالها استغربت من هاذا وكتبت له : مين انت؟
رد عليها : شخص يبيك على سنه الله
ردت : انا متزوجه وانت شكلك غلطان ياخوي وان شاء الله تتزوج الي تبيها
وقبل لايرسل رسالته اتجهت للقائمه وهي تعطيه حظر
ووقفت من ناظرها : بروح انام
عناد : طيب
-
سعيد
انقهر من ردها تبليكها له
جلس وهو يتصل على جابر
جابر : ارحب
سعيد بجنون : تخيلل بلكتني
جابر باستغراب : منهي
سعيد : غراام
جابر : طيب؟
سعيد : مرسله انا متزوجه وشكلك غلطان ياخوي اخخ ياقهر قلبيي ياجابر
جابر بتنهيده : قلت لك ياسعيد كف عنها متزوجه البنت
سعيد بجنون : لاتقول كذا هيي لي وبتصير لي
جابر بعصبيه : انت مريض!! بنت متزوجهه متزوجهه تبيها لك شلون الدنيا على كيفك اضبط نفسك ياسعيد وانساها وبتجيك الي احسن منها ..
-
اليوم الثاني
فتحت عيونها للسقف بروقان التفتت وهي تناظره نايم بجنبها تنهدت بقهر من عدم تصديق ابوها لها وزواجها من الانسان النايم بجنبها لفت وهي تدعي لنفسها ووقفت وهي تدخل دورات المياة تاخذ شاور مع استخدامها لمنتجات الخاصّة للجسمّ خرجَت وهي لاَبسه روبها ناظرته نايم للان طنشت وهي تجَلس على الكرسي
وتحط سماعاتها تستمع لاغنيتها المفضله وتدهن بكريماتها اليوميه وتمشط شعرها وتضع من عطورها
تذكرت صاحب الرسالة الي ارسل لها ليلة امس وتعَمقت بسرحانها تحت اصوات سماعاتها وكيف جاب رقمها وهو غلطان ولا ايش تحاول تفهم
فتَح عيونة وهو يمسك جواله يشوف الساعة الي كانت تُشير لـ 8 الفجر ! ناظرها بروبها جالسه نطَق : لية ماقومتيني اصلي بالمسجد !
ماسمع لها صوت تنرفز من عدم ردها عليه وقف وهو يتجهه لناحيتها ضرب كتفها بخفَه التفتت عليه وهي تنزع سماعاتها : هلاَ
عناد بعصبيه : اكلمتس من اليوم ماتسمعين انتِ!
غرام : لابسه سماعات شلون اسمعك بالله!!
نزلت نظرها لروبهَا ورفعتَ نظرها له تتوّرد ملامحَها من منظرها امامه وقفت تطلع
عناد مسكها بحده : ماخلصت كلامي معتس
ناظرت باحراج : قلت لابسه سماعات ماقدر اسمعك طبيعي شفيك تدور هواش من الصباح
عناد حس بنفسه : جهزي نفستس عشان نسافر اليوم
غرام ناظرته بطرف عين : قلت لك سافر لحالك مو جايه
عناد بحده : مو على كيفتس
غرام لفت عليه : مو على كيفك انت انا بروح بيت ابوي وانت سافر لحالك
عناد ضحَك : نشوف يابنت عقاب
تأملت ملامحه وهو يضحك سُرعان ما ستوعبت على نفسها وهي تخزه : طيب
-
الظهر
بيت نايف|
سعود دخل الصالة وهو يسلم على ابوه وامه
ام سعود : قومي ياعهود صبي لاخوتس قهوة
عهود : ليه عهود مو روان ورزان
روان برفعه حاجب : لانتس اصغر وحدة
عهود تاففت وهي تصب لاخوها سعود اشر لها بجانبه
عهود استغربت : شتبي
سعود : ابي اختي تجلس بجنبي عادي ؟
عهود ابتسمت : عاديين
جلست وهي تمد القهوة له ضمها سعود من جنب
سعود : احلا اختت
رزان : احمم ترا حتى احنا خواتك يعني
سعود ضحك : كلكم احلا خوات بس العنقود غيير
روان خزته : على الاقل احترم وجودنا ومشاعرنا
عهود باستهبال : وش حارقكم اخوي يحبني اكثر منكم شي طبيعي
الجميع قعد يضحك على استهبال عهود ، قاطعهم سؤال ابو سعود
ابو سعود : امك امس كلمتني تبي تخطب بنت ابو فهاد
سعود استعدل بجلسته : ايه يابوي
ابو سعود برضا : زيين ماخترت ياولدي الله يكتب الي فيه الخير
سعود ابتسم : اللهم امين
ابو سعود : ام سعود دقيتي عليهم
ام سعود : لا قلت بعد الظهر وذكرتوني قومي ياعهود جيبي جوالي شوفيه فالمطبخ
عهود تاففت : كل شي علي شدعوا
سعود ضحك : عشاني يالعنقود
عهود : عشانك يالعضيد
واتجهت وهي تاخذ جوال امها وترجع تعطيه امها وتجلس بجانب اخوها
ام سعود فتحت جوالها متجهه لقسم الاتصالات تدور رقم ام فهاد دقت وهي تنتظر ردها وتوتر مسيطر على الجميع : الو السلام عليكم ام فهاد اخبارتس واخبار العيال
ام عناد : وعليكم السلام هلا وغلا الحمدلله يارب لك الحمد كلنا بخير كيفتس انتِ وكيف الاهل
ام سعود : الحمدلله لك الحمد كلهم بخير ، ودنا نزورتس نخطب بنتكم العنود لولدي سعود
ام عناد : ياهلا ومرحبا الله يحييكم بس بستشير ابوها واخوانها يام سعود
ام سعود : خذي راحتس ياخيتي رديلنا خبر
قفَلت
سعود بتوتر : شقالت يمه
ام سعود : قالت بتكلم ابوها واخوانها
سعود بثقل وقف : عن اذنكم بطلع للشغل
عهود ضحكت : مسوي ثقيلل
سعود لف لها بمزح : تبين افرشتس هنا
لفت على ابوها ببراءه : يبه يبي يضربني ترضاها؟
ابو سعود : سعود اعقل عن اختك
سعود ضحك : ابشر يبه ، تبون شي؟
ام سعود : سلامتك ياولدي الله يحفظك...
( تعريف بسيط )
ام سعود " سمية "
تركي بعد سعود بسنه ٢٦ واخواته مره طيب وحنون ومايرفض لهم اي طلب صديق عبدالرحمن ويشتغلون سوا
رزان الاخت الكبيره عمرها ٢٤ طيبه جداً وهاديه ماعندها صحبات متعلقه جداً ف اهلها
روان عمرها ٢١ تحب الاستهبال والرقص وتكرهه الاشخاص الي ياثرون عليها بشكل سلبي صديقة للعنود وغرام من صغرهم مع بعض وغرام تشاركهم اذا كانت فالديره
واخيراً عهود : نفس شخصيه اختها روان تحب المزح ولانها اخر فرد ف هي اكثر دلع فالبيت عمرها ٢٠
-
عند نجلاَ
جالسة في غرفتها تفكر قاطعّ تفكيرها اتصال
رفعت عيونها لجوالها وهي تناظر الاسم وترد بسرعه
: وحشتينيي
غرام ضحكت : ياروحيي نوني اكثر
نجلاَ ضحكت : من بعد ماتزوجتي معاد تدقين
غرام بتنهيده : خليني القى وقت ادق مو قادره كيفك
نجلاَ : بخيير كيفك انتِ وش مسوية
غرام : الحمدلله تمام ، ابد اتجهز بروح لاهله واهلي قبل اسافر احترت بين فستانين بفتح لك كام جوجو
نجلاَ بضحكه : مو قلتي مارح تسافرين معه
غرام بنرفزه وهي تقلده : يقول نشوف يابنت عقاب
نجلاَ : عادي معليك
غرام : بوريك وش الي احترت فيهم
نجلاَ : ماتستغنين عني يلا افتحي
غرام ضحكت وهي تفتح
نجلاَ بحيرة : امم احس الموڤ احلا
غرام : صدق؟
نجلاَ : ايه ايه البسي الموڤ
غرام : تم
نجلاَ : شعرك وش سويتيه
غرام : ويفي شوفي اكسسواراتي ضابطه ولا ؟
نجلاَ : ايه يجنن
غرام جلست وهي تتجهز وتسولف مع نجلاَ للساعه 3 العصر وقفت وهي توري صديقتها : شرايك
نجلاَ : تهبلييين
قاطعها دخوله للغرفه ناظرها يتاملها ملامحها المرسومة وكيف المكياج برز ملامحها اكثر ، تنحنح لفت عليه مسكت جوالها : جوجو اكلمك بعدين
عناد : خلصتي ؟
غرام بدون لا تلف له : ايه
عناد : طلعي لي ثوبي واغراضي بتروش ونطلع
غرام بنظره : شدخلني اطلع ملابسك
عناد بحده : وش الي شدخلتس زوجتي
غرام : بالاجبار زوجتك وبعدين ماعندك يد يعني
عناد : لاحول ولا قوة الا بالله
غرام طنشته وهي تكمل مكياجها
عناد الي تنرفز من تجاهلها له وجلس

العذر والسموحة على التاخير 💗💗..