الهوى يبقى هواك واغلى منك مالقيت

6

سبحان الله وبحمده سبحان الله العظيّم ..
الحمدلله دائمًا وأبدا ..

-
جلسّو بالدكه أم عناد و ورد وفاطمه والبنات ,
فاطمه : الجو اليوم والله أنه يجنن
ام عناد : هذا من فضل ربي
ورد : الحمدلله على فضّله
ام عناد : ودكم نعزم هيفاء
غرام ب أنفعال : يعّ
لفو كلهم عليها وصار يطالعونها بمعنى " خيّر ؟ شدخلك انتي ؟
لكن تدراكت الوضع العنود : ههههه شربت الشاهي وما اعجبها
فاطمه : طول عمرها تشرب شاهي شصار الحين؟
العنود: لا لا انا مسويه فيها مقلب حطيت شوي ملح
ام عناد : نعنبو بليستس من بنت استحي على وجهتس من بنت عمتس
العنود: ابشري ، يلا غرومي قومي نتمشى وأنتي ي وجد بعد اذا تبين
وجد : لا لا بتجي عمتي وبنتها نوره وابغى اقعد معهم
العنود : براحتك
مشّو العنود ووغرام إلين م أبعدو من الموجودين
العنود: أمشي نروح للابل
غرام  : لا لا عنودي سوري ! م أقدر بتاكلني
العنود: يبنتي اتركي الدلع والله تجنن
غرام : لا لا تكفين مابي
العنود سحبتها من يدها وتوجهو للأبل ،
غرام وهي تشوف الابل كثيره ومتوزعه بالشبك رقصَ قلبها من الخوف
العنود : تعالي والله تجنن تراها حنونه
غرام : لا لا روحي وبطالعك
تقدمت العنود دخلت شبك الابل وطبعًا صارت قريبه منهم وتحضنهم وتلمهم
غرام بقرف: العنود يبغى لك الحين ثلاث مليون لتر ماء عشان تبعد ريحة الابل منك
العنود : هههههههههه شدعوه ! ، تعالي تعالي شوفي تجنن م تاذيك
غرام : وإذا أذتني؟
العنود: معليك تعالي
تقدمت العنود وهي تمشي بخفيف مترددهَ
غرام  : لا لا خلاص مابي
العنود:تعالي يبنت
دخلت غرام وسرعان م صارت تصارخ من تجمعت الابل عليها
غرام : اللللعنودد بعدييهم عنيي
طبًعا العنود بحالة ضحك هستريه !
العنود وهي تدمع من الضحك : آهخخ هههههههه بطنييي غراامم شوفي كيف شكلك هههههههههه
غرام بصراخ: بعديييهمم العنود بعدييهمممم
وطبعًا تسرعت غرام بقرارها ورفست رجلَ الناقه وطبعًا م احكي لكم من الخوف الي صار لها فتحت باب الشبك وصارت تركض والابل وراها
والعنود حسست على نفسها وسكتت وصارت تشوف غرام بتموت خوف من الابل وراها
العنود: تعالييني م بتجيك
لكنَ قاطع كلامهم سيَاره " سيارة سعود وعناد"
-
بالسياره
سعود: رح رح أبعد الابل عنها
عناد : وش وداها لها خل تتسنع شوي ههههههه
سعود: يولد رح لها لاترفسها وتكسر عظامها
نزل عناد من السياره وصار يركض ورا الابل لين م صار يردد ب أسم ناقته المُفضله وتجاهلت الابل غرام وتقدمت لعناد وغرام ايدها على قلبها وتحس بنبضات قلبها سريعه ،
سعود الي بالسياره و عيَنه على العنود الي واقفه وتضحك بجانب الشبك وميته ضحك ،
-
عناد ب أنفعال : وش سويتو لها وش جابكم اصلا هنا !
تجاهلت غرام وصارت تمشي لعنود
العنود : بس نتمشى هنا
عناد : أدخللو أشوف !
العنود: طيبَ 
عناد ب أنفعال وماقدر يضبط نفسه : وأنتي ي الستاره !  تسمين ذي عبايه ؟
غرام : م يخصك أتوقع ؟
عناد بسخريه: يعني  لاذوق ! ولاستر
غرام ب أستفزازيه لعنّاد : ليه ليكون خاطرك بعبايَه نفصلها لك بالشكل والذوق الي يعجبك أستاذ عناد
وسعت العنود عيونها ودقت كتف غرام وهمست لها :أقصري الشر عشان عمرك م ينقصّر
تجاهلتها غرام وهي تبتسم أبتسامه سخريه لعناد
عناد حسّ بالنقص على ذاته من كلامه ونطقَ : لا والله بس بنشوف إذا عمي درا بهيّاتتس هذي ولا كلشي بالدس بالدس
غرام بهدوء : أعلى م بخيلك أركبه ، والي م تطولَه إيدك كمله برجولك ، وأبوي يدري اني كذا ولا أنت ولا سبعه من أمثالك وأشكالك الخايسه هذي تهددني سامع؟
عناد برفعة حاجب : أنا اقول أقصري الشّر عشان م أقصر لتس عمرتس
غرام بتمثيّل للخوف : يمامي ! وش بتسوي ؟
عناد ضحك بسخريَه عليها : والله م كذب من قال ناقص العقل م ينعطى وجه ، وشكلي عطيتس اكبر من حجمتس تقلعي
غرام  : والله م أدري مين الي فينا معطي الثاني وجه ؟
سحبت العنود غرام وتوجهو للدكه وما تكذب غرام أنه قهرّها لكن حست بإرتياح لما عرفت أنها قهرته ولو شويّ
عناد م أخذ الموضوع بقهر بالعكس بنظره إنسانه ناقصه عقل لكن م أتوقع إنه ممكُن يسكت عن الي حصل ..
-
مشت غرام بجنب العنود ،
العنود: يملعونه واللسان الطويل عيب استحي على وجهتس تراددين الرجال
لفت غرام عليّها : نعم؟ إي رجال م أشوف الا الهواء
ضربت العنود كتفها بخفه : امشي امشي الله يخلف
-
عند الحريم | بالدكه
تقدمت العنود ثمً غرام يسلمون على هيفاء وبنتها نوره سلمت غرام سللام أشد من البارد تسلم ب أطراف أصابعّها
هيفاء وسعت عيونها : الا يالي م تستحين تتتقرفين من عمتس
غرام ب استفزاز : سوري ! بس انا كذا
هيفاء : هذا وأنا باقيي بعز شبابي تحاولين تدوسيني صدق ان امتس م ربتس !
غرام ب انفعال: ربط المواضيع عندك حده عجيب ! بعدين الصراحه عبالي من شكلك جدتيَ ! لان شكلك جدا يوحي لوحده بسّن الهّرم  ، " اشرت ب أصبعها السبابه على عمتها هيفاء " : أنتي أخرر وحده تتكلمين عن التربيه كلن يشوف الناس بالي ناقصه ! انا امي مربتيني احسن تربيه لكن شكلك تدورين لهوشه

ورد بتهدئه: استهدو بالله م حصل الا الخير
ام عناد : هاو علامتس ي ام نوره حاطه عقلتس بعقل هالجاهل
غرام : ماني جاهل !
فاطمه: لا انتي طلتي وشمختي علينا ولسانتس ذا طوله محد بيربيتس الا ابوتس
هيفاء : ايوالله هو العلاج لها لمرضها ذا ! يربيها لين م تتعدل
غرام : حابه أقولك انتي وهي الي م تطولونه ب إيديكم كملوه ب رجولكم
العنود: خلاص يجماعه حصل خير
هيفاء : ويينن الخير وينه وهذي بتنزل روس القببيله وينه؟
غرام ب استفزاز : آوه سوري طلعتُ حاطيّن لي حسبه وجدًا كبيره بالقبيله ؟  م دريت والله ولا كان سوت أسوا من كذا
هيفاء : الا يالي م تستحين ؟ تردين على الكلمه بعشر
غرام : ماما أبطلع أتمشى تبين ترجعين معاي او تجلسين
ام عناد: هاو وين تغدين ليكون بتسوقين انتي
غرام بهدوء : اي
هيفاء : يفضحيي فضضضحاه عند العرب
تجاهلتها غرام ، ورفعت نظرها ل أمها لكن تكلمت ام عناد : امتس هنا في بيتها الثاني تبين تروحين أنتي روحي الله يستر عليتس خلي امتس تسمّر معنا
ورد : انتبهي لك
العنود بهمس:تكفين اقعدي لاتخليني مع نوره و وجد
غرام: م اتحملهم بطلع أخذ لي ولك اكل من البقاله  وأرجع
العنود : تكفين الا البقاله عيال الديره كلهم هناك
غرام: روحيّ عنود اروح منهم اطيح فيك!
العنود: افف منك عنيده ،
تجاهلتها غرام وهي ترسل لها بوسه من بعيّد وركبت سيارتها متوجه للبقاله ،
دقت على نجلا وهي تسوق  ،
نجلا: هلا هلا يالقاطعه زين ذكرتيني
غرام: يالكذابه توي امس سارده لك احداث يومي كلها
نجلا اشتقت لوجهك أفتحي كام فتحت غرام الكام ،
نجلا: على وين
غرام: بروح البقاله
نجلا: شفيك طيب ؟ صوتك احس فيه شي مو كويس
غرام : سردت لها الي حصل ..
نجلا: شدعوه عليهم !
غرام: معلينا من ذا وصلت البقاله
نجلا : خذيني معك تكفين
غرام  : ههههههه عشان تشوفيت عيال الديره
نجلا: م تدرين لعل قلبّي يغُرم ب أحدهم
غرام: بقرف ويع ويع نجلا ويع صدق
نزلت غرام وبإذنها سماعه وبايدها الجوال بعبايتها ولبسها الي لبستها للعزيمّه ،
كل أنظار عيال الديره عليها وكانت تسمع بعض الهمس " هذي من؟ هذي كيف خلوها اهلها تطلع كذا ، شكلها جايه سياحه "
تجاهلتهم وتوجهت لقسم التشوكليت أخذت لها اثنين  سنيكرز  وأثنين شبس حار نار  واثنين ببسي
تقدمت تحاسب وطاحت أنظارها على شكل واحد م تدري كيف توصف لكن أبتسمت ابتسامه خفيهّ ،
-
رفع نظره للبنت الي لابسه عبايه بيج وشعرها طالح ووجهها طالع تحاسب عند الكاشير ابتسمت غصبًا عنه ، م يكذب على نفسه ! ويقول انها مو حلوه بالعكس تعدت مراحل الجمال تجاهل الي بعقله والي يدور براسه وجاه الفضول يعرف هذي البنت من؟ لكن صحى على صوت صديقه : مشينا ي سعيد ،
-
ركبت سيارتها وانظاره باقي ناشبه بعقلها
نجلا: الوه غرام تسمعين
غرام وهي تشغل سيارتها وبضحكه: ببكيي
نجلا: ليه
غرام: شفت واحد يطالع فيني واطالع فيه شكله مره مرتب وواضح أنه طيّب مره حرفيًا تو استوعب معنى سيماهمُ في وجوههُم ،
نجلا: حب من اول نظره
غرام: ههههههههه م عرفته يحظي عشان أحبه
نجلا: اقول انطقي مردك لولد عمك ههههههههههه
غرام: يععع نجلا تحبين تنكدين علي صح؟
نجلا: لا لا امزح الله يزوجك اياه
غرام: لا حبيبتي م اتفقنا كذا هو مجرد نظره وخلاص ومين قال اني ابي اتزوج؟
نجلا: اتركي عنك سوالف الكبار
غرم تجاهلت ونطقت: جوجو تكفين تعالي الديره
نجلا: بجي بجي بس الاسبوع الجاي ان شاء الله
غرام: لازم تقولين الصدق عشان أجهز لك سرير جنبي
نجلا: والله بحاول الاسبوع الجاي أجي
جلستّ غرام تسولف مع نجلا وهي تضحك ومو منتبه للطريق أبدًا كلن نظرها على التشوكليت الي بيد والببسي بجنبها ويدَ تسوق فيها وتضحك ،
صحت على صوت البوُاري من كل صوب وما حست الا أمام نظرها تريّله كبيره وقريبه من سيارتها وجدًا ولكن ّ ..
انستا iiwahum_