الهوى يبقى هواك واغلى منك مالقيت

17

عناد : لاحول ولاقوة الا بالله
غرام طنشته وهي تكمل مكياجها
عناد الي تنرفز من تجاهلها له وجلس وهو يقول : لاتنسين نفستس يابنت عقاب
غرام استغربت من كلامه وتحاول تستنتجه في راسها وقفت وهي تاخذ عبايتها وشنطتها وتطلَع
وقف وهو يدخل لدورات المياة ويفتَح الدش وكل تفكيره فاللي جالسه برا وكيف يتصرف معها وهو بدويّ وهي من مدينة كبيره وثقَفاتهم تُختلف عن بعضها البعض انتهى وهو يخَرج لبَس ثوبة وطلَع يناظرها جالسة تحترية بعبايتها الملونة باللوُن الابيض ، فتح الباب وهو يخرج استغربت منه وهي تخَرج وراه
-
بيت عقاب |
ورد : ياهلا ياهلا
غرام ببتسامه ضمتها : وحشتيّني ماما
ورد ناظرت للي خلف بنتَها : ياهلا بعناد
تقدمّ وهو يسلم على ام غراَم : يامرحبا كيفتس ياعمه
ورد بابتسامة : بخير مدامك بخير ياولدي
ناظرت لـ العنود : عنوديي متى جيتي!
العنود بضحكه : امتس قالت لي انك بتجين وقلت لازم اجي تسافرون ولا تودعوني؟ مستحييل
ضمتها غرام بقوه ابعدت عنها وسلمت على اخوها
نُطق : بعد مانطلع من بيت عمي بنروح بيت ابوي تعبتي نفستس
العنود : مافيها تعب مدام لغراميي
قاطعتهم وردّ : حياكم تفضلو
جلسّت غرام وبجانبها عناد وهي تسولف مع امها والعنود دخُل عقاب : السلام عليكم
وقف عناد وهو يسلم على عمه وكذلك العنود وهي تقوم غرام سلمت على ابوها رغُم الضيق الي بداخلها وقفَت غرام وهي تلف على عناد : في اغراض باخذها من غرفتي شوي واجي
العنود وقفت : بجي معتس
غرام هزت براسها
مشو يخرجون مع بعض من مجلس عقاب دخلو لصاله البيت متوجهين لغرفة غرام قاطعهم اصوت فالمطبخ
ناظرت للعنود : مين الي بالمطبخ؟
العنود : ماعرف نشوف؟
غرام : امشي

فالمطبخ |
وجد بخوف : يمه غرام جت
فاطمة : واذا يعني جت
وجد بدموع : يمه خايفه ابوي يعرف اني انا الي كنت اكلمه وارسل صورها له
فاطمه لفت عليها بعصبيه : اسكتي فضحتينا ، سويتي الي سويتيه وغطينا عليتس مو كل مره تشوفينها تخافين منها خليتس طبيعيه ولا كلهم بيشُكون بتس
كانت واقفه عند الباب مصدومه من اللي سمعته انصدمت صدمه ماكانت متوقعتها والي اكثر صدمها شلون اخذت صورها !! اختها من ابوها بينهم عداوه بس مو كذا ناظرت للعنود والصدمه الي واضحه بعيونها
اما العنود تداركت الوضع وهي تسحب غرام لغرفتها دخلتها وسكرت الباب ناظرت غرام الي ترجف وبقمة العصبيه : طلعتت هيي
ناظرت لها وكملت : العنودد هيي الي سوت هاذا كله هي السبب بزواجي الحين مارح اخليها ولله اوريها
مسكتها العنود : غرام اهدي اهدي
غرام بعصبيه : عنودد تستهبلين معي انتِ دمرتنيي هاذي دمرتت حياتيي!
العنود بعصبيه : لاتسوين شيء تندمين عليه بعدين ياغرام اهدي وخلينا نفكر وش نسوي
غرام جلست على السرير وهي تطالع للعنود ومحاولاتها بتهدئتها نطُقت بجنون: نفكر؟؟ نفكر صح! تستهبلين عنود ذا موضوع يتفكر فيه خليني اقوم عليها !!!
العنود بعصبيه: غرام اهديي شوي
سكتت غرام وهي تطالع للباب وودها تطلع وتقوم القيامة عليهم كلهم قلبها كله عتاب على ابوها الي ضربها ولا صدقها
العنود جلست بجانبها وهي تمسح على كتفها : اسمعي عندي فكرة
غرام ضحكَت بعصبيه : تستهبلين انتِ اختي مكذبه على اهلي اني انا الي اكلم رجل ماعرفه وطلعت هيي اساس كل شي حتى اخوك مو مصدق اني ماسويت شي ويشك فيني!
العنود بهدوء : لاتسوين شي خليتس على طبيعتس وروحي لشهر العسل معه وانا بتصرف
غرام بعصبيه : تستهبلين معي العنود!
العنود : غرام اسمعيني لاتسوين شي خليتس طبيعيه ولا كانك سمعتي شي وانا اعلمتس بعدين
غرام جلست تفكر وتافف وهي تُنطق : يالله منك يالعنووود!! افف طيب
العنود ابتسمت : يلا ابتسمي عاد تعالي ناخذ اغراضتس الي تبينها
غرام بقهر وقفت : بدولاب ، اخخ بس لو امسكها
العنوذ بطرف عين : اهجدي مو وقته
-
بعد مانتهّو نزلت غرام مع اغراضها مع مساعدة العنود وكان امامها زوجه ابوها ووجد ناظرت فيهم وكانت بتمشي لان نُطقت وجد : غرام كيف الزواج معتس؟
فاطمة بضحكه مستفزة : ماضنتي مشى على خير
غرام تنرفزتت بقوة ولاكانهم سوو شيء! كانت بتلف تتضارب معها لَكن مسكت يدها العنود وهي تهمس : يبون يقهرونك اسفهي هرج بس
غرام ناظرت للعنود والتفت عليهم وهي تبتسم: الحمدلله يارب زوجي مو مقصر معي بشي ويحبني والحين بنسافر الا وجَد انتبهي يطلع حكَي فالديره اختها تزوجت وهي باقي بتعنس ولا احط طلّ بوجهها ..
العنود ناظرت لغرام ماسكه ضحكتها شلون قالت كذا
تنرفزت وجَد : احترمي نفستس وطسي لزوجتس
غرام ضحكت وهي تاشر لها : ياحياتي ماتحبين مزح الاخوات يعني؟ قود باي
مشت مع العنود مصدومه من غرام وكيف تصنعت كذا
العنود غمزت : اخوي يحبتس؟
غرام توردّت وجنتيها ونطُقت باحراج: قلته كذا عشان أغثهّا
العنود ضحكت : مو صاحيه بس ان شاء الله تحبون بعض
غرام كشرت : يع مابقى الا هو احبه
العنود : لو سمحتي اخوي مارضى
غرام بهدوء : الله يفكني منه ويخليه لك
-
المجلس
دخَلت غرام مع شنطتها الصغيرة وقف عناد ونطق : انا استاذنك ياعميّ بنطلع نمر بيت ابوي ومنها نمسك الخطّ
عقاب : الله يسهل دربكم ياولدي انتبهو على نفسكم
عناد تقدم وهو يُقبل رأس عمة احترام وتقدير له : أبشر
لف على غرام : بس هاذي؟
غرام طالعت فيه بطرف عين ونطقت بعبط : اروح اجيب الغرفه شرايك؟
عناد تجاهل استخفافها فيه وهو يسحب الشنطه من يدها ويطلع ، لَفت غرام على أمها وهي تحظنها : ماميي
وردّ : ياقُرة عيوني انتِ الله يحفظك توصلون بالسلامة
أبتعدت عن امها وهي تنحني تُقبل يدها لفَت على ابوها وهي تُقبل جبينه : فمان الله يابنتي
طلعت وهي تناظر له يركب الشنطة لفت على العنود : عنوديي اركبي قدام بروح ورا
العنود : لا انتِ قدام
غرام بضيق : العنود بسرعة امشي قدام عادي انا ورا
العنود كتمت ضحكتها : الحين زوجتس ولا زوجي المفروض انتِ تركبين قدام !
تقدم لهم عناد : ورا ماتركبين انتِ وياها أخلصو البيت هذا هو قريب وانتِ غطي شعرتس
انحرجت غرام من العنود لَكن ازاحت طرحتها عن رأسها ونطقت : مالك شغل
قبل لاينطق تقدمت للمقعد الامامي وسكرت الباب
عناد انقهر كان بينطق لكن استحى من اخته لبعدين
العنود ركبت وهي تضحك بانتصار لفت عليها غرام باحراج : انا اوريك يالعنود

بيت ذياب |
نطقت : فهد شهد بس لاتركضون تكسرون الطاولات
شهد : يمه شوفيه يبي يضربني
ام عناد : فهد وخر عن اختك
قاطعهم دق الجرس وقف ابو عناد وهو يفتح الباب : ارحبب يالله حيه
عناد تقدم وهو يُقبل رأس ابوه : الله يحيك
تقدمت ام عناد من بعيد : ياهلا ياهلا نورت الدار
عناد تقدم وهو يحظنها : بنورتس يالغاليه
تقدمت غرام وهي تقبل رأس عمها : كيف ياعمي
ذياب مسح على رأسها : الحمدلله يابنتي بخير عساك بخير
غرام : الحمدلله
تقدمت ام عناد لغرام وهي تسلم عليها : كيفتس يابنتي اخبارتس
غرام بابتسامه : الحمدلله ياخالتي بخير
ذياب : حياكم حياكم
غرام لفَت للمغاسل وهي تتقدم تنزل عباتها وتطلع روجها وعطرها .. بعد ما انتهت تقدمت للمجلس وهي تجلس بجانبة...
ابو عناد نطق : اخبارتس غرام وكيف الزواج معتس عسى عناد مو مقصر
لفت على عمها باهتمام ومن ثم على عناد وهي تتفحص نظراته لها : الحمدلله
ابو عناد وقف : عناد يابوك تعال عندي موضوع بكلمك
عناد فز لابوه : ابشر
عناد : سمّ يبه شبغيت
ابو عناد : خويكّ سعود
عناد باستغراب : شفية
ابو عناد : الولد اعرفه محترم وادب وبار بوالدية
عناد ناظر ابوه كمل : خطب اختك العنود
لانت ملامحه بفرحة : صادق يبه
ابو عناد : ايه ولله جايين بكرة
عناد : ليه ماعطيتوني خبر اكنسل السفرة
ابو عناد : روح ياولدي مع زوجتك كلها خطبة ...
عناد قبل راسه : ابشر تامر شي يبه
ابو عناد : سلامتك
طلع جوالها وهو يتصل عليها
ردت : هلا
عناد : يلا مشينا انا برا
غرام : تمام
عناد استغرب من اسلوبها لكن طنش ومشى يشغل سيارته
بعد ساعة فالسيارة
غرام نظرها على الطريق هادية تفكر على طريقة تعلم عن وجد فيها ، عناد استغرب من هدوئها من بيت عمه الى الان واختصارها بالكلام ونطق : إنتي فيتس شي
غرام القت نظرها عليه وسكتت : علامتس يابنت
عقدت حجاجها : من متى بيننا كلام حنا ؟
عناد ناظرها : بتس شي انتِ مرديّ اعرفه
غرام باستخفاف : نشوف
عناد وقف على الخط وهو يلف عليها : انطقي تراتس منرفزتني من الصبح
غرام لفت عليه باستغراب : نعم؟
عناد بمحاوله تخويفها : حنا بوسطّ البرّان عادي لو تجي ذيابه هنيا
غرام لفت بخوف : طيب وش تنتظر حرك!
عناد بتحقيق : مايجيني فضول كثر ماجاني الحين انطقي وش صاير لتس !
غرام بعصبيه : الحين موقفنا هنا وفيه ذياب وتقول انطقي وش تبي مني بالضبط
عناد بحدة : بتنطقين ؟
غرام ناظرته وتذكرت كلامها مع العنود ونطقت بعصبيه : لا
ناظرها ولَف يحرك السيارة بسرعة تنفست براحة صدقت كذبة لـ وجود الذياب هِنا وللحظه كانت بتنطق له لكَن مسكت نفسها ...