اللغم

30

في اليوم التالي

في أحد الكافيهات

مريم:  لا بقولك اي اتصرف
حسام:  انا الي اتصرف هو مين قال اننا بنحب بعض ودايبين في هوا بعض... مين... مش انتي
مريم:  معرفش بقاا بس انا مش عااوزه اتخطبلك اكيد
حسام بضيق:  يعني انا الي بجرى وراكي وعااوزه اتخبطلك اصلا
مريم:  امال ليه وافقت
حسام:  علشان لو موافقتش كانت ميلان هاتشك فينا
مريم:  حساام
حسام:  نعم
مريم:  اتلهي
حسام:  ياابنتي بطلي طولة لسانك دى
مريم:  انا الي غلطانه اصلا انى وافقت من الاول... انا هاروح لميلان واعترف علي نفسي احسن
حسام: اقعدى
مريم:  قعدت هاا عندك حل
حسام:  ااه نسايرها بس دى خطوبه يعني وبعدين نبقي نعمل اي خناقه ونسيب بعض
مريم تنظر له بنصف عين:  ربنا يستر وملبسش في حيط في الاخر وتوصل لجوااز
حسام:  ده استحااله
مريم:  استحااله ليه ان شاء الله انت تطول اصلا تتجوزني انت متعرفش قيمتي اصلا ده غيرك يتمنوا بس نظره
كاد حسام ان يرد عليها ولكن قاطعه صوت يحي
يحي:  كنت هاتعرفني امتى ياحضرة الظابط انك هاتتجوز؟؟ 
حسام بصدمة:  يحي؟
............................................... 
في شقه ميلان
اليكس:  خلي بالك ياميلان لان احنا متراقبين
ميلان:  متقلقش
اليكس:  زمانهم دلوقتي هربوه وفي المكان الي اتفقنا عليه
ميلان:  تمام... خلي عينك علي رشيد لان مش مطمنه لهدوءه ده
اليكس لاحظ وقوف رشيد بعيد ومحاولته لاستماع حديثهم
اليكس:  تمام.ثم اغلق الخط
وخرج وجد رشيد يحاول ان يتصنع انه يبحث في موبايله
اليكس جلس امامه وقال بهدوء:  انت جاسوس علينا لحساب مين يارشيد؟ 
رشيد بصدمه:  اي
اليكس:  من غير لف ولا دوران
رشيد:  انت تقصد اي لا حاسب علي كلامك
اليكس:  هاتقول انت ولا اعرف انا بطريقتي؟؟ 
رشيد:  انا مش جاسوس عليكوا انا بحاول اوصل للحقيقه
اليكس يقف ويقول بحده:  الي بتحاول توصل للحقيقه فعلا هي ميلان.... انت مبتعملش حااجه غير انك هاتضيع تعبها وبس
رشيد يقف هو الاخر ويقول بحده:  انت بتتكلم كده علي اساس اي
اليكس:  علي اساس ان يحي الي فاكره منقذك هو الي هايغرقك يحي ميدورش غير علي اللغم وبس علشان يرجع شغله وهو رافع راسه وبيتستغلك لكن انت متفرقلوش
رشيد بدفاع:  لا هو كلم عمه وحاول يوصل معايا للحقيقه
اليكس يدفعه تجاه الحائط ويضع قوعه علي رقبته ويقول بغضب:  غبي.... يحي مقابلش عمك نهاائي يحي بيراقب ميلان علشان يوصل ل اللغم
ثم يتركه
ويبتعد قليلا
اليكس:  يحي همه الوحيد اللغم همه الوحيد السلطه وانو يترقي وممكن يعمل اي حااجه علشان يوصل لده
رشيد:  لا رد
اليكس بحده :  عااوز تعرف الحقيقه تعاالي انا هاوريك الحقيقه
............................................................
في مكان قديم وشبه مهجور
كان يجلس عادل علي الكرسي ويده وقدمه مربوطان
ويوضع قماش اسود علي عينيه
تجلس ميلان علي كرسي أمامه
ثم تشاور للرجلان خلفه
بان يزيلا القماش
عادل فتح عينيه ببطئ ثم نظر لميلان
ميلان بهدوء وهي تضع رجل علي أخرى:
اهلا بعادل سالم زهران

في بيت سالم
تامر يدخل مسرعا
تامر:  الحق ياسالم بيه.. عادل بيه هرب
سالم:  هرب ازاى لوحده الرجاله كانوا هايهربوه النهارده بليل
تامر:  اكيد حد ساعده
سالم وهو يرمي الكوب علي الارض ويقول بحده:  ميلاااااااان

يأخذ اليكس رشيد داخل غرفه بجوار تلك التي بها ميلان وعادل
يزيح اليكس القماش السوداء من علي اعين رشيد
اليكس ذهب واغلق باب الغرفه عليهم بالمفتاح
اليكس:  هنا هانقدر نسمع كل حااجه هايقولها
رشيد:  ميلان بتعمل اي مع عاادل
اليكس:  ميلان بتحاول توصل للحقيقه واي الي حصل مع والدتك... فاستني واسمع هاايقولوا اي
ومتخلنيش اندم ان جبتك هنا بدون علم ميلان
رشيد وهو ينظر علي ميلان وعادل:  تمام

عادل:  انتي مين وعاوزه اي بالظبط
ميلان:  مين دى مش هاتفرق معااك في حااجه
عادل:  عاوزه اي مني
ميلان بهدوء:  عندى قصه صغيره كده بس نااقصه وانا مبحبش القصص الناقصه وعاوزاك تكملهالي
عادل:  مش فاهم حااجه
ميلاان:  هاقولهالك وانت هاتفهم.... كان زمان في اتنين اصحاب واحد اسمه رافت وواحد اسمه موافي
رافت عرف مستثمر صغير كان لسه مش معروف اسمه سالم
رافت ده كان عالم وعنده ابحاث وشغله سالم يعرف الحاجه القيمه ويبيعها وقدر قيمه ابحاث رافت وطلب منه يبيعها لناس بره
سالم كان يعرف موافي وفي شغل بينهم بس من ورا رافت

رافت وافق في الاول بس بعدين رفض
ولما سالم وموافي لقوا ان هايوقفلهم اكبر صفقه بالنسبالهم دخلوه السجن
بعد ماخلصوا من رافت وبنته تاج بعدها بشهرين
عملوا حفلة واعلنوا شركاتهم سوا
بس الحفلة دى قلبت بكارثه
بنت موافي كاميليا لقوها في اوضه ابن سالم
الي هو عاادل الي قاعد قدامي دلوقتي... وجسمها فيه كدمات وبعد الكشف الدكتور قال تم اغتصابها

وانا عرفت برده ان الوحيده الي قالتلك لا هي كاميليا
ثم تكمل بسخريه:  اي مش عاتق حد حتي واحده اكبر منك ومتجوزه ومخلفة مسيبتهاش

عادل:  مش انا انا معملتش فيها كده
ميلان بحده:  انت هاتستعبط امال مين الي عمل فيها كده هااا لقوها في اوضتك وانت حاولت معاها قبل كده وهى رفضتك يبقي مين غيرك هااا انطق

عاادل:.............................................

............................... يتبع

كومنتاااااات كتييير بقااا. ❤❤

#اللغم
#بقلم_زينب_أحمد