ميلان: وانا هادارى عليك ليه... انا فعلا كنت دايخه وده السبب مش انت
رشيد: تمام هاعمل نفسي مصدق
ثم كاد ان يغادر ولكنه وقف وقال: واه صح مالكيش دعوه بعيسي
ميلان وهي تقف : وانت مالك
رشيد عاد مره اخره ووقف امامها: الي حصلك امبارح ده بسببه His girlfriend الي عملت فيكي كده وقفلت عليكي
ميلان ببرود: يعني مش هو الي قافل عليا يبقي مالوش علاقه وحتي لو هو الي عمل كده دى حاجه متخصكش تخصني انا
رشيد بتوتر: ازاى متخصنيش وجدى موصيني عليكي وهو دلوقتي مسافر
ميلان: وانا عافيتك من مسئوليتى وقدامه فملكش دعوه بيا
رشيد: انا الي انا اقوله يتنفذ
ميلان وكانها لم تسمعه: اطلع بره... عاوزه اغير هدومي
رشيد بضيق: تمام... هانشوف كلام مين هايمشي
وغادر
.................................................
علي الغداء
تجد عيسي يدخل وتتفاجي به
ميلان: انت اي جايبك هنا
عيسي: هي دى كلمه شكرا
ميلان: علي اي
عيسي: علي اني انقذتك امبارح
ميلان ببرود: المفروض تعتذر مش اشكرك
مش انا كنت في الموقف ده بسببك!!
عيسي: اااه هي بقت كده بقاا
صوت من خلف عيسي: انت جيت برده
عيسي يتلفت له: مش قولتلك هاجي اتغدى معاك
رشيد: طب اتفضل اتغدى وامشي
عيسي: تؤ تؤ اي المعامله دى علي العموم هاقعد مع ميلان شويه اطمن عليها وامشي
رشيد: بطل غتاته بقاا
عيسي: انت مدايقك في اي مش فاهم
رشيد: قريبتي ومش عاوزك تتكلم معااها
عيسي باستفزاز : وهي كبيره وادرى تقرر
رشيد: وانا بقولك لا
ميلان بصراخ: بااااااس انتو الاتنين
ينظرون لها ويتوقفون عن الحديث
ميلان ل رشيد: انت مالكش دعوه بيا اكلم مين ولا لا
كاد ان يفرح عيسي ويضحك بشماته ولكن تلك الضحكه لم تكتمل عندما اكملت حديثها وهي موجها انظارها له
ميلان: وانت انا معرفش انت بتعمل كده ليه ولا البت بتاعتك مالها بيا بس انا مش عاوزاك ليك علاقه بيا باي شكل اقعد مع صاحبك وامشى انا مبقعدش مع حد معرفوش وتركتهم وصعدت لاعلي
........................................................
مرت الايام ولم يحدث بها جديد
واتي يوم غير عديد من الاحداث
تدخل ميلان الفصل تجد عيسي يضرب احد الطلبه والاخر يضربه ثم الاخر يرفع كرسي وكاد ان يضرب به عيسي ولكن وقفت ميلان امام عيسي
ميلان بنبره هدوء: نزل الي في ايدك
ثائر: انت مين انتي وبتدخلي ليه
ميلان: مش مهم انا مين المهم انت مين
انا هاقولك... ثائر سلطان ابن رجل الاعمال المعروف
تحب صورتك وانت بتضربه تنزل علي السوشيال ميديا ويهاجموا والدك ولا اقولك في فكره اجمل
تتحرك بعيدا عن عيسي: اتفضل اضربه وساعتها تتحبس وبابي يحتار يخرجك ازاى الي هاتكون فضيحه برده
ثم تكمل ببرود وحده : او تختار رقم تلاته... تخرج حالا من الفصل ومتكررهاش تاني ومحدش هنا هايتكلم ويقول حاجه انهت حديثها ثم وقفت امامه بثبات
رمي ثائر الكرسي بيده بعنف وخرج
ذهبت وجلست ميلان علي كرسها وكان شيئا لم يحدث
كاد ان يذهب عيسي ليتحدث معها فلم يفهم تصرفها ابدا
ولكن دخلت مس الهام فلم يستطع ان يتحدث معها
................................................
في وقت البريك
نانسي: انت هاتعمل اي الوقتي يارشيد المعاد قرب
رشيد: هاشترك
نانسى: ازاى وجدك موقف الكريدت بتاعتك
رشيد بضيق: هاتصرف
نانسي: تلقي بانظارها لبعيد.. مش دى ميلان البت الجديده
رشيد ينظر حيث تنظر
نانسي بسخريه : لحقت تعرف عيسي
رشيد لم يرد عليها وفقط ذهب باتجاههم
YOU ARE READING
اللغم
Mystery / Thriller«قلُبْ آلُمنْتٌقم گآلُلُغم فَآحٍڏر أنْ يَنْفَجٍر بْگ» ابتداء ༻٢٢/٩/٢٠٢٣༻ انتهاء ༺٢٦/١٢/٢٠٢٣༻ تمت بحمد الله ♥ "بقلم/زينب أحمد "
