နောက်ဆုံးတွင်တော့ကုသမှုပြီးဆုံးသွားခဲ့၍ ဆရာဝန်တစ်ယောက်က ထိုအခန်းထဲမှထွက်လာ၏။
စိုင်း ဆရာဝန်ဆီသို့ပြေးသွားလိုက်ပြီး သူမျှော်လင့်ထားသည့်စကားကိုသာပြောလာပါစေဟူ၍ဆုတောင်းနေမိသည်။
"ဆေးရုံကိုအချိန်မှီရောက်လာတာကံကောင်းသွားတယ်"
ထိုစကားကိုကြားလိုက်မှ စိုင်းစိတ်သက်သာရာရသွားဟန်နှင့် ဆေးရုံကော်ရစ်တာပေါ်သို့ထိုင်ချလိုက်မိသည်။
ထို့နောက် စက်လင်းလျှံအားမော့ကြည့်လိုက်ရင်း အားယူကာပြုံးလိုက်ရင်း
ပြောလိုက်သည့်စကားမှာ
"တကယ့်ကို..တော်သေးတာပေါ့ကွာ"
စိုင်း ကုတင်ပေါ်၌ ပတ်တီးများတစ်ကိုယ်လုံးအပြည့်ပတ်ထားကာ အိပ်စက်လဲလျောင်းနေသော သက်ပိုင်အားကြည့်နေရင်းမျက်ရည်များက မိုးပြိုသလိုအဆက်မပြတ် တသွင်သွင်ကျဆင်းလာခဲ့၏။
"တော်သေးတာပေါ့ အသက်ရာ.....ကျေးဇူးတင်ပါတယ်....ငါ့ဆီကနေထွက်မသွားခဲ့လို့တကယ့်ကိုကျေးဇူးတင်ပါတယ်"
စိုင်း ပုခုံးများပင်တုန်ရီနေအောင်ငိုနေမိပြီး သက်ပိုင်အသက်ရှင်နေသေးတာကိုပင် ကျေးဇူးတင်မဆုံးဖြစ်မိသည်။
သူနောက်ကျသွားပြီလို့ထင်လိုက်တာ...သက်ပိုင်သူ့လက်ထဲမှာ လူသေတစ်ယောက်လိုလဲနေတုန်း သူ့ကိုယ်သူလုံးဝကိုရူးပြီလို့ထင်လိုက်တာ။
ဆရာဝန်ပြောသည်ကတော့ ဆောင်းတွင်းဖြစ်သည့်အတွက် အအေးဒဏ်ကြောင့် သွေးကြောများကကျုံ့ပြီး
သွေးများကခဲကာ သွေးထွက်မလွန်သောကြောင့် အသက်ရှင်ခဲ့တာဟုဆိုသည်။
ဆောင်းတွင်းသာမဟုတ်ခဲ့လျှင် ခေါင်းရှိအရိုက်ခံထားရသောဒဏ်ရာကြောင့်
သွေးထွက်လွန်ပြီး အသက်ပင်သေသွားနိုင်သည်ဟူ၍ပင်ပြောခဲ့သည်။
ထို့အပြင် သက်ပိုင်၏ညာဘက်လက်ကအချိုးခံထားရ၍ ခန္ဓာကိုယ်အနှံ့မှာလည်း အညိုအမဲပင်စွဲနေသည်အထိအရိုက်ခံထားရသည့်ဒဏ်ရာပင်ရှိကာ နံရိုးများပင်ကျိုးလုနီးနီးဟုလည်း ပြောသည်။
ဘယ်လောက်တောင်နာကျင်နေခဲ့မလဲ....
လေးလေးငယ်မင်းကိုကာကွယ်မယ်လို့ပြောခဲ့ရဲ့သားနဲ့...။
ငါအသုံးမကျတာ...မင်းကိုအထိအခိုက်မရှိအောင် ထားမယ်လို့ကတိပေးခဲ့ရဲ့နဲ့အခုကျမင်းကိုအခုလိုမျိုးပုံစံတွေ့ရတယ်။
VOUS LISEZ
In Love With An Old Mafia(Complete)
Roman d'amour****** Start Date-Mar.31.2023 End Date-Nov.17.2023 *****
Part-36
Depuis le début
