"မင်းဘာတွေပြောနေလဲဆိုတာ မင်းကိုယ်မင်းသိသေးရဲ့လား လွင်မျိုးဆက်!"
စိုင်း ဒေါသသံနှင့် အော်ပြောလိုက်ရင်း
စားပွဲခုံအားလက်နှင့်ဆောင့်ချလိုက်သည်။
မျိုးဆက်ကတော့ အမှားလုပ်ထားမိတဲ့ကလေးတစ်ယောက်လို ခြေမကိုင်မိလက်မကိုင်မိဖြစ်နေ၍ စိုင်းအားမဝံ့မရဲသာကြည့်လာလေသည်။"ငါဘာပြောနေလဲဆိုတာ ငါ့ကိုယ်ငါသိပါတယ်။ နောက်ကျသွားတာမှန်ပေမဲ့
ငါမင်းနဲ့ တကယ်အဆင်ပြေချင်တာပါ""ကျစ်!"
စိုင်း မျက်မှောင်အား အလိုမကျမှုများစွာနှင့်ကျုံ့လိုက်ရင်း စုတ်တချက်သပ်လိုက်သည်။
သူ့အရှေ့မှ ဒီလူဟာတကယ့်ကိုမျက်နှာပြောင်တိုက်လွန်းပါသည်တကား။စိုင်းအား စွန့်ပစ်ခဲ့သည်မှာ
မျိုးဆက်ကိုယ်တိုင်သာလျှင်ဖြစ်၍
အဆက်အသွယ် စဖြတ်ခဲ့သူကလည်း
မျိုးဆက်ပင်။
သူကိုယ်တိုင် စိုင်းကို စွန့်လွှတ်ခဲ့ပြီးမှ
ဆယ်နှစ်ကျော်ကြာမှ ပြန်အဆင်ပြေရအောင်တဲ့လား။တကယ်ပဲ မျိုးဆက်၏စိတ်ကိုနားမလည်နိုင်တော့သလို နားလည်နိုင်ဖို့လည်းမကြိုးစားမိတော့ချေ။
တကယ့်ကို ဦးနှောက်ခြောက်စရာဖြစ်သည်မို့။"ငါနဲ့မင်းရဲ့ ဇာတ်လမ်းက
ပြီးသွားတာဆယ်နှစ်တောင်မကတော့ဘူး မျိုးဆက်...
အခုမှ မင်းကဒီဇာတ်လမ်းကိုပြန်ဆက်ချင်နေသေးတာလား...
အခုမင်းပုံစံကလေ ဇာတ်လမ်းအဆက်မလာလို့လူတွေတောင် ဇာတ်အိမ်ကိုမေ့နေလောက်တဲ့အချိန်မှ ဘွားကနဲပေါ်လာပြီး ဇာတ်လမ်းအဆက်ကိုလာမိတ်ဆက်တဲ့ဒါရိုက်တာနဲ့တူနေပြီ....
ဒါပေမဲ့ တစ်ခုကငါကသူတို့လိုတော့ပျော်မနေဘူး""တောင်းပန်ပါတယ်"
"ငါမင်းတောင်းပန်စကားကိုမလိုအပ်သလို လိုလည်းမလိုချင်ဘူး မျိုးဆက်...
ပြီးတော့ ငါနဲ့မင်းရဲ့အဆုံးသတ်ကသူများတွေလိုလှလှပပနဲ့လမ်းခွဲခဲ့ကြရတဲ့စုံတွဲတွေလိုမျိုးလို့ မင်းထင်နေတာလား"".........."
မျိုးဆက် စိုင်း၏စကားများကြောင့်
ပြန်ဖြေကြားရန်စကားလုံးများပင်မရှိတော့။
တကယ်ပဲ သူတို့ရဲ့အဆုံးသတ်က လှမှမလှခဲ့ကြပဲလေ။
ESTÁS LEYENDO
In Love With An Old Mafia(Complete)
Romance****** Start Date-Mar.31.2023 End Date-Nov.17.2023 *****