In Love With An Old Mafia(Complete)

Part-36

သူပိုပြီးကာကွယ်ခဲ့သင့်တာ၊အစကတည်းကလူတွေမမြင်နိုင်တဲ့နေရာမှာသက်ပိုင်ကိုထားခဲ့သင့်တာ။
အကုန်သူ့အပြစ်တွေကြီးပဲ။

"မကြောက်နဲ့နော် လေးလေးငယ်ရောက်လာပြီ..."

ခေါင်းပေါ်ရှိဒဏ်ရာများနှင့် ခန္ဓာကိုယ်ပေါ်မှဒဏ်ရာများအားအသာထိရင် ယူကျုံးမရစွာ။အသက်ကိုဖက်ထားရုံကလွဲပြီးစိုင်းဘာလုပ်လို့ လုပ်ရမလဲမသိတော့ချေ။

ဒဏ်ရာများစွာနှင့် သွေးအလိမ့်လိမ့်ဖြစ်နေသောသက်ပိုင်မှာ စိုင်းကိုလုံးဝလျစ်လျူရှုထား၍ အိပ်မြဲသာအိပ်နေ၏။
သက်ပိုင်၏အခုလိုပုံစံဟာ စိုင်းကိုသေမတတ်နာကျင်အောင်ပြုလုပ်နိုင်၍
ဒီလိုမြင်ကွင်းမျိုးမြင်ရမှာထက်စာရင်အရင်သေသွားရင်ကောင်းလိမ့်မည်ဟု စိုင်းတွေးမိသည်။

ထိုအချိန်မှာပဲ ဂိုဒေါင်ထဲသို့စက်လင်းလျှံနှင့်အတူ သူ၏တပည့်များကဝင်ရောက်လာ၍ စိုင်းတို့နှစ်ယောက်အားအံ့သြသင့်စွာကြည့်နေကြ၏။

"စက်လင်းလျှံ....သက်ပိုင်ကငါခေါ်တာမထူးဘူး!
ကျေးဇူးပြုပြီး သူ့ကိုနိုးပေးကြပါဦး။
ငါ့အသက်....ငါ့ရဲ့အသက်ကို အဲ့ကောင်တွေ!!"

Bossက သွေးများဖြင့်ရစရာမရှိအောင်နှိပ်စက်ခံထားရသည့် သက်ပိုင်အား ဖက်ထားရင်းနှင့် နာကျည်းစွာ ငိုကြွေးနေ၏။

စက်လင်းလျှံ Boss၏အခုလိုပုံမျိုးကိုမမြင်ဖူးခဲ့ပေ။

ဘာပဲ ဖြစ်ဖြစ်အခုအဓိက က သက်ပိုင်အားဆေးရုံပို့ပေးရမည်ဖြစ်၍
အခြားအရာတွေကအရေးမကြီးသေးပေ။

"Bossအရင် သက်ပိုင်ကိုဆေးရုံပို့ပေးကြရအောင်ပါ မဟုတ်ရင်သက်ပိုင်တကယ်သေသွားနိုင်တယ်"

ထို့မှ သက်ပိုင်အားဆေးရုံသို့ခေါ်ဆောင်သွားနိုင်ခဲ့၍ အရေးပေါ်အခန်းသို့ ပို့ခဲ့ရလေသည်။

အရေးပေါ်ခန်းအရှေ့၌ နာရီအတော်အတန်ကြာအောင်စောင့်နေခဲ့ရသည်။
ယင်းစောင့်နေသောအချိန်အတွင်း၌ Bossမှာ လုံးဝကိုအရူးလုံးလုံးဖြစ်နေ၍
အသိစိတ်ပင်ပျောက်နေလေသည်။
သက်ပိုင်ကို သူကာကွယ်ပေးခဲ့ရမှာဟူ၍ ပါးစပ်ကတတွတ်တွတ်ရွက်နေ၍ တကယ့်ကိုသတ်တော့ဖြတ်တော့မည့်
မျက်လုံးများဖြင့် ထိန်းချုပ်ထားခဲ့သော ကြမ်းကြုပ်မှုတွေမှာပေါက်ကွဲလုဆဲဆဲအရာတွေလို။