In Love With An Old Mafia(Complete)

Part-35

စိုင်း ဒုန်းကနဲ နံရံအားလက်သီးနဲ့ထိုးလိုက်မိတော့ နံရံ၌အက်ကြောင်းများနှင့်အတူ ၎င်း၏
အပိုင်းအစအချို့က ကြမ်းပြင်ပေါ်သို့အသံအချို့နှင့်အတူပြုတ်ကျလာကြ၏။

"ပြိုင်ပွဲစပြီ...."

Robert ထိုစကားကိုပြောချိန်၌ အသံကိုတိုး၍ပြောသွားသည်မှာ စိုင်း၏စိတ်ကိုစိန်ခေါ်နေသယောင်။

စိုင်း စက်လင်းလျှံအား ဖုန်းဆက်လိုက်၍ သက်ပိုင်အားအမြန်ရှာဖွေခိုင်းလိုက်သည်။
သူ့၏ပေါက်စ ထိခိုက်သွား၍မဖြစ်ပေ။
မြန်နိုင်သမျှမြန်မြန်ရှာဖွေမှရပေလိမ့်မည်။

Robertမမှားပေ၊
စိုင်း၏အားနည်းချက်မှာသက်ပိုင်ဖြစ်သည်။

သက်ပိုင်ကိုသာ လူတစ်ယောက်ကထိခိုက်လုပ်ခဲ့လျှင် စိုင်းထိုလူကိုသတ်ပါသတ်ပစ်နိုင်လေသည်အထိပင် စိုင်း၏စိတ်မှာရူးသွပ်သွားနိုင်သည်။

ယခုအတောအတွင်း ထိုကဲ့သို့အရိုင်းဆန်စိတ်များကိုချိုးနှိမ်ထားခဲ့ခြင်းမှာသက်ပိုင်ကြောင့်သာဖြစ်၍
သက်ပိုင်သာ မထိန်းချုပ်ပေးလျှင် သူဟာမကောင်းဆိုဝါးတစ်ကောင်ဖြစ်သွားပေလိမ့်မည်။

တဖက်တွင်...

သက်ပိုင် သတိအနည်းငယ်လည်လာချင်းချင်းမှာပဲ ပထမဆုံခံစားရသည်မှာ ခေါင်းထဲရှိ အလွန်အမင်းနောက်ကျိနေမှုနှင့် ထုံကိုက်ကာ အားပျော့နေသောခန္ဓာကိုယ်ကိုပင်။

သူ၏ ကိုယ်၌ ကြိုးများကိုလည်းရစ်ပတ်ထား၍ သက်ပိုင်မှာတလက်မလေးပင်လှုပ်ရှား၍မရပါချေ၊
ပြောရလျှင် လှုပ်ရှားဖို့ပင်အားမရှိတော့ချေ။

သက်ပိုင်မှတ်မိသည်မှာ သူအလုပ်မှပြန်အလာ ကားပါကင်၌ လူတစ်အုပ်က သူ့အား လာရောက်ချုပ်နှောင်သဖြင့် ပြန်လည်၍ တိုက်ခိုက်နေစဥ်၌
ခေါင်းအား အရှိန်ခပ်ပြင်းပြင်းအရာတစ်ခုနှင့်လွဲရိုက်ခြင်းအားခံလိုက်ရ၏။
တီဟူသော အချက်ပေးချက်ကခေါင်းထဲမှာ ပြည့်နှက်သွားခိုက် သူ၏လည်ပင်းထဲသို့ဝင်ရောက်သွားသော အပ်တစ်ချောင်းနှင့် ခန္ဓာကိုယ်အတွင်းသို့စီးဝင်လာသော အရည်အချို့ကြောင့် သက်ပိုင်လုံးလုံးမတောင့်ထားနိုင်တော့ပဲထိုနေရာတွင်လဲကျသွားခဲ့သည်။