Vanilla Sky (Lesbian Love Story)

25

"Opo, kasabay ko po si Ishan." saad ko pero ewan may luto si Mama na hindi ko matanggihan. Itong tinola. Kaya ang ginawa ko ay nagsandok sa mangkok at tumabi sa kuya ko at humigop ng sabaw.

"Stress eating...." saad ni Ate Yan.

"Wala naman akong ibang gagawin kundi ito lang...." saad ko

May iniabot sa akin si kuya na envelop at ng tanggapin ko iyon ay nagkatinginan sila nina Mama at si Papa ay nakangiti sa akin.

"Ikaw ng bahala...." saad ni Papa sakin.

"Problemahin mo na lang yung pirma." saad ni Kuya na natatawa.

Pagbukas ko ng envelop ay parang di ako makahinga. May basbas nila 'to!

Daphne's POV

Napalunok ako at hindi ko man lang mahawakan maige yung baso ng tubig sa harap ko.

Kailangan kong humakbang paunti unti at alam ko na isang paraan ito para magawa ko iyon.

Kita ko ang paghihirap sa mga mata nila at pangungulila. Kaya parang dinadagukan din ako sa puso ko. Hinugot ko sa bag ko ang isang brown envelope at nilapag iyon sa harap ko. Napabuntong hininga ako bago ko iyon pinadausdos dahan dahan papunta sa harap nila. Hindi ko alam bakit lumuwag ang pakiramdam ko dahil sa luhang kumawala sa mga mata nila.

Napayuko yung dalawang attorney sa magkabilang gilid namin.

Hindi ako makapagsalita dahil sa emosyon na bumabalot ngayon sa pagkatao ko.

Pagkabuklat nila sa envelope na iyon ay doon na nga lalo silang napaluha dahil sa saya. Nilakasan ko yung loob ko at tumingin sa kanila.

"Hope it will help Riyon...." nakangiting turan ko at napasinghap ako ng hawakan ng Mommy ni Riyon ang mga kamay ko.

"Thank you...." naiiyak na saad ni Ma'am Carol at ewan bakit napaluha din ako.

"Yun nga lang po..... hindi nyo po sya makakasama sa Pilipinas." anas ko. Dahil hindi that's the consequences of everything she did kahit di naman nya gustong gawin.

"Ayos lang iyon....mas ok na makalabas sya. At habang buhay namin na tatanawin na utang na loob ito Daphne." Naiiyak na turan ni Ma'am Amber.

That's a letter of forgiveness na may thumb mark at pirma ko. Medyo inabot lang ng isang taon yung proseso pero at heto na lang yung hinihintay nila.

Sa pagmamahal ko kay Roi ay ayokong masira yung buhay nya. Malaking factor doon yung pinagsamahan nila ni Riyon. Ayokong mawala sa kanya si Riyon. Ayokong may mawala sa kanya... lalo na si Riyon.

After ng pag uusap namin ng mga magulang ni Riyon ay nagtungo na ako sa daycare center na pinapagpasukan ko kay Caleb. 8am to 11am lang kase ang pasok nya kaya sa umaga ay lagi ako nakaantabay sa oras para masundo sya.

Hindi pumayag si Kaia na lumayo kami. Lahat na yata ng pananakot ay inabot ko sa babaeng yun. Napaka manipulative.

Napakabusy nya ngayon sa expansion ng planta ng wine nila sa Italy at tuwing sabado at linggo ay nandito sya sa amin.

Kinukuha nya kong secretary nya pero hindi ako pumayag dahil sobra sobra na yung tulong nya sa aming mag ina at napaka OA nyang magpasweldo sa akin nang subukan ko magwork sa kanya.

Yung kahit man lang sa mga sarili kong diskarte ay mabuhay ko si Caleb.

"Mommy!!!" matinis na sigaw nya kaya natauhan ako at napangiti sa kanya at sinalubong yung maliit nyang yakap.

Lahat nagbago ng makasama ko si Caleb. Yung pag asa na maibabangon ko yung sarili ko sa madilim na nangyare sakin. Kapag nakikita ko yung mga mata nya at yung mga ngiti nya ay nagkakaroon ng liwanag yung buhay ko. At sa tuwing tinatawag nya ko ng 'Mommy' ay nabubuo ang pagkatao ko at may mainit na bagay yung humahaplos sa puso ko.