حوراء المحمداوي ...❤️🔥
بقلمي رواية: « حب في ازقة الموت »
________________________
كل الأشياء أضاءت لي إشارة الحذر
لكن قلبي لا يُريد أن يخافك
فهد: مريم
ريم: اشبيها
فهد: بعد يومين العرسها
ريم:ابتعدت عنه وباوعتله ابنظرات مبهمه
ما مستوعبه كلامه
فهد :شو صفنتي
ريم: يا مريم !!
: الطلبتي مني انقذها وأرجعها الحبيبها
- وانت بعتها للتجار
:جؤ مابعتها رجعتها الاهلها وشرحتلهم الصار وياها
-مفهمت شي
رجع احتضن خصري ابأيد والايد الثانية
بعد خصلات شعري وأردف ...
: نفذت طلبج
-اشلون سويت هيج واني ابعيني شفت
تقرير تحويلها للتجار وستلمت ارباحها؟
:سبق وكتلج اذا اتسوين شي لازم ايكون
عندج دليل عليه وهذا السويته وي مريم
طلب من الدكتورة تكتبلي تقرير يثبت ان
حالتها الصحية ماتسمحلها بالعمل اهنا ولا
بالفرع الثاني وبهل حالة ماعدنا غير انحيلها
للتاجر وقعت على تقرير ودزيت النغم
اتسلمة الج حتى ايكون كلشي مقنع
-ما فكرت بالتجار اشلون اذا وصلو خبر
للسلطانة ما وصللهم شي ؟
:منو كلج التجار يدرون راح يوصللهم شي ؟
اساسا محد يدري غير اني والدكتورة انطيتها
كم فلس رادت اتبيع روحها مو بس اتزورلي
التقرير ذول دينهم ودنيتهم
الفلوس ما يختلفون على سلطانة الكل
همها يوصللها نسبة من الارباح
- وين وديتها ؟
: اخذتها وطلعت البيت اهلها حجيتلهم
الموضوع انو انخطفن لغرض التسول
ماكتلهم ابهيج مكان ماقبلو اطلع اله يجي
خطيبها واهله طبعا مثل مكلتي الولد ايحبها
اول مشافها ركض عليها ماهمه احد عكس
اهلها الطلبو يفصخ كلشي لان شكو انهاا مو بنت
-دخلت بيتهم ابصفتك شنو ! ودرو انك خاطفها؟
: لا طبعا اتفقت وي مريم اتكول اني جيت
وياها من مركز الشرطة وما اتركها الا اتأكد
انها ابأمان
- اي وبعدين اشصار ؟
: احتضنت وجهه بكفوف ادي وبتسمت
الحب انتصر وكف خطيبها ابوجه الكل كال
هاي زوجتي ومستحيل اتخلى عنها مهما صار
وياها اعترضو اهلها وتعالت اصواتهم بين
الرافض والمؤيد الى ان ادخلت مريم وكفت
ابنصهم وكالت:
اذا سبب رفضكم الهذا الزواج شكم
ابعذريتي اتكدرون تاخذون الأي دكتورة
وتتاكدون ابنفسكم
أنت تقرأ
حب في ازقة الموت
Actionبقلمي: حوراء المحمداوي ✍️ مليءٌ بكلماتٍ لا أستطيع التفوّه بها حتى وإن وجدت من ألقيها أمامه تظل بداخلي ألغاز لا حل لها قلبي الذي قد هلك بما يكفي رغم نفحات السعادة اللحظية التي أمر بها ومازلت أرجو السكينة والهدوء لنفسي وقلبي لعلّني أنال ما أتمنى.. ...
