حوراء المحمداوي ...❤️🔥
بقلمي رواية: « حب في ازقة الموت »
________________________
نِذرنالك تجي وندعيلك تعود
وعمّت سجينّه وشيب نِذرنا
:سلطانتي مو هيج الاتفاق من اشوكت اتخلين وحدة خاصة الاتباعنا
سلطانة: شنو قصدك
:ريم صارلها اشهر يم فهد ومتخلين غيرة يدخللها
سلطانة: سندت ضهري على كرسي وضحكت ...
غرت من فهد
:مو غيرة بس ما اتوقعت منج تنطين هيج وحدة لفهد حلوة وجديدة المفروض تنطيها مقابل صفقة الشركائج مو اتملكيها الفهد
سلطانة: ما ملكتها بس خليتها يمه ايروضها واخذها منه ما اريدها اتسببلي مشاكل اكثر من السوتهن
:اعتقد مدة الترويض خلصت
سلطانة: صفنت ابتفكير وكلت
عندك حق يلا سلام
:سلام
سلطانة: غلقت الخط وصحت على حارس ...
سرداار
سردار: نعم سلطانة
سلطانة: كول النغم اتجهز ريم وتاخذها
سردار: امرج سلطانة
::: ريم ... ...
ريم: مرت اشهر على وجودي ابهل مكان انتهت بي اخر نقطة امل عندي ابأنقاذي وصلت مرحلة كرهت اهلي كد كرهي الفهد ...
اتمددت بفراشي وعيني على سكف صافنه ابذكرياتي مثل كل يوم فزيت على صوت فتح القفل شلت الماعون اليمي وخليته ابوضع الهجوم نزلته من شفت نغم وياها بنت ثانية ...
نغم: كومي وياي
ريم: وين
نغم: كلبت اعيوني ابملل ونترت
كوميي
ريم: كمت ابتجاها باوعتلي صفح وطلعت قبلي رحت وراها وبصفي بنت ثانية وصلت للحمامة شمرت عليه فستان ...
نغم: كلشي موجود بالحمام نضفي نفسج زين ولبسي هذا انتظرج ابغرفة التبديل
ريم: شمرته ابوجه وصحت
مااا اسملحكمم اتكرررونهاااا
نغم: قربت عليها عصرت فكها ابقوة
عبالج تبقين الفهد ابأحلاممج
ريم: دفعتني على حمام وصاحت
نغم: ربع ساعة الج لا اكثر اذا ماا لكيتج جاهزة وجايه ابغرفة التبديل ادخل بناات ايسبحنج غصب
ريم:سديت الباب ابقوة و دخلت سبحت ولأول مرة اتمنى فهد موجود نزلت ادموعي ابقهر : وينك مو كلت محد ايقرب الملك الفهد
مسحت ادموعي وطلعت من الحمام شفت البنيه واكف منتظرتني رحت وياها الغرفة التبديل كعدت يم المراية انتظر نغم اتخليلي مكياج باوعت عليها ابتسمتلي ابشماته كل عقلها اتغار على فهد امفكرتني راغبته
YOU ARE READING
حب في ازقة الموت
Actionبقلمي: حوراء المحمداوي ✍️ مليءٌ بكلماتٍ لا أستطيع التفوّه بها حتى وإن وجدت من ألقيها أمامه تظل بداخلي ألغاز لا حل لها قلبي الذي قد هلك بما يكفي رغم نفحات السعادة اللحظية التي أمر بها ومازلت أرجو السكينة والهدوء لنفسي وقلبي لعلّني أنال ما أتمنى.. ...
