حوراء المحمداوي ...❤️🔥
بقلمي رواية: « حب في ازقة الموت »
________________________
حاولت ألا أحبك بهذا القدر
ولكن مع كل محاولة أزداد شغفًا وحُبا
فهد:طول الفترة الموجودة بيها ريم كنت احاول اخليها قريبة مني وازرع ابراسها حب واهتمام مزيف ابهدف اتوصلني الهدفي ومن جانب ثاني نسيانها الخالد العايشة على امل رجوعها الها وبالحظة اليضهر ابوجها مراح تتركني وتروحله ...
يوم بعد يوم احس نفسي اصدك الجذبة الجذبتها بدأت مشاعري اتميل الها وما اتقبل فكرة اخذها مني حبي الشخصيتها وذكاءها وبراءتها الماسمحت الاحد ايدنسها رغم القذارة المتواجده بيها وهذا السبب الخلاني اعترفلها ابحقيقة خالد ...
ابهل فترة زادت مفاوضات عاصم والريس ابسحب ريم المقرهم مقابل صفقات مغرية وهذا اكثر شي قالقني انهم ايكدرون يغرون سلطانة وتنطيها الهم ...
ريم:رجعت المكتبي والابتسامة مفارقت وجهي الحد
ما دخلت المكتبي شفت الدكتورة كدامي ...
سارة: اهلا سلطانة ريم
ريم: اهلا دكتورة اتفضلي
سارة: تسلمين
ريم: فهد جابج؟
سارة: اي خبرني انو جايبين وجبه جديدة طلب مني افحصهم من اكمل اكلكم بالنتائج
ريم: شوكت اتفحصيهم
سارة: اذا موجدات اهنا خلينا انبلش
ريم: تمام اتفضلي وياي
سارة :تمام
ريم: اباوع للدكتورة شالت جنطتها وطلعت كدامي ابهل لحظة شعوري مينوصف شنو راح يكون مصير البنات وشلون راح اساعدهن ايطلعن منا ..
سارة :خل يجن للقاعة
ريم : نغم تعاي وياي
نغم: امرج
ريم: رحت الغرفة البنات جانن ساكتات عدا البنت الكالت عرسي هل ايام منعزلة على صفحة وتبجي
حسب الفهمته انو البنات الثلاثة متسولات ما الهن احد الهل سبب ممهتمات الوجودهن اهناا
نغم: يلاا كومن كدامي
ريم :مجرد نغم صاحت عليهن التفتتلي واجت تركض عليه تتوسل اساعدهاا صفنت ابوجهاا باين عليها التعب وجفونها حمر من البجي ... شسمج
-مـ مريم
ريم: سحبت نفسي منهاا وطلبت من نغم اتجيبهن وراي رحت كدامهم وصلت للقاعة شفت فهد واكف رحت يمه باوعتله ابنظرات ترجي وأردفت .. ساعدها
فهد: وينها
ريم: اول ما يجن راح تعرفها
فهد: تمام
أنت تقرأ
حب في ازقة الموت
Actionبقلمي: حوراء المحمداوي ✍️ مليءٌ بكلماتٍ لا أستطيع التفوّه بها حتى وإن وجدت من ألقيها أمامه تظل بداخلي ألغاز لا حل لها قلبي الذي قد هلك بما يكفي رغم نفحات السعادة اللحظية التي أمر بها ومازلت أرجو السكينة والهدوء لنفسي وقلبي لعلّني أنال ما أتمنى.. ...
