حوراء المحمداوي ...❤️🔥
بقلمي رواية: « حب في ازقة الموت »
________________________
يحبني بتناقض
يحبني مرة
ويحرگني مرات
ريم: اليوم موعد التسليم وحسب كلام سلطانة لازم فهد ايكون وياي استغربت من كال رايح للفرع الثاني ويبقى اربع ايام وبسبب زعلي على مريم ما اعترضت على قرار روحته المفاجئة …
سندت جسمي على كرسي ابتعب صفنت بالفراغ ضايعة ابأفكاري الى متى ابقى دمية بيد سلطانة
والى متى احتمي ابفهد وشلون ابغيابه ؟
خليت ايدي على اعيوني وتنهدت …
غياب فهد ايحسسني بالغابة العايشة بيها من جهه
عاصم الخليته ورقة رابحة الانتقامي متناسية جذوره ابهل منطقة من جان اصغير ربا على ايد التجار وكتسب منهم خبرة ابكل انواع الممنوعات الحد ما دخل ابداية الاربعينات اله صيت وينحسبله الف احساب اجيت من تالي او ورطت نفسي ويا وما اكدر اتراجع
ومن جهه الريس الكاره وجودي من يوم رفعت السلاح وزدت تعقيد الموضوع من خليته ابوجه المدفع وهدف لتحقيق اول خطواتي رغم خطورة واهمية الريس اهم من عاصم والسلطانة دخل بالخمسين من عمرة وبعده مستمر ابقذارته حصل على لقب الريس لانه اترئس التجارة ابكل الممنوعات ويعتبر مقراات السلطانة مصدر من مصادر التمويل …
رفعت ايدي من اعيوني ولتفتت الاحد زواية المكتب ركزت نظري على صورة سلطانة اليشوف شكلها ما يتوقع عمرها بالاربعين عايشه حياتها طول ابعرض …
قطع تفكيري دكات الباب ودخول سردار مسحت وجهي اقلل توتري وضياعي ركزت بعيونه دنك وكال …
سردار: الشحنة جاهزة نكدر نطلع
ريم: تمام سردار تمام
فريت الكرسي وكمت ابتجاه البوابة تبعني سردار يمشي وراي ابخطوات موزونه الحد ما وصلت للبوابة شفت
عاصم واكف وداير وجهه ابتجاه المخزن ايراقب تحركات الحرس قربت عليه اجه مثنى وكف وراي
عاصم: اهلا سلطانة ريم
ريم: ابتسمت ابوجه
اهلا ريس عاصم
عاصم: وين البضاعة
ريم: باقي ابركبتك 20% من المبلغ المتفق عليه
سلمهن واخذ بضاعتك
عاصم: نزل الجنطة
ريم: اشر للحارس الويا راح للسيارة طلع جنطة انطاها اله واجه قرب عليه وفتحها
عاصم: اتكدرين تتأكدين منها
ريم:اخذت الجنطة اتأكدت الفلوس كاملة و مو مزورة
تعال وياي
دخلنا للمستودع وزعت انظاري على الصناديق الموجودة اشرت عليها واردفت …
YOU ARE READING
حب في ازقة الموت
Actionبقلمي: حوراء المحمداوي ✍️ مليءٌ بكلماتٍ لا أستطيع التفوّه بها حتى وإن وجدت من ألقيها أمامه تظل بداخلي ألغاز لا حل لها قلبي الذي قد هلك بما يكفي رغم نفحات السعادة اللحظية التي أمر بها ومازلت أرجو السكينة والهدوء لنفسي وقلبي لعلّني أنال ما أتمنى.. ...
