അത്കൊണ്ട് തന്നെയാവാം ആ അച്ഛനും മകളും ഒരുമിക്കുന്ന നിമിഷം നേരിൽ കാണണമെന്ന് അവന്റെ മനസും അത്രയും ആഗ്രഹിച്ചു പോയത്.....
വരുന്ന പെൺകുട്ടികളെ സ്വീകരിക്കാനായി ഒരുപാട് ആളുകൾ എത്തിയിട്ടുണ്ട്.. എല്ലാവരുടെ മുഖത്തും ആശ്വാസവും പ്രാർത്ഥനയും മാത്രം.... അവരിൽ നിന്നും അൽപ്പം നീങ്ങി ഒരു സൈഡിലായി മാറി ശിവയും നിന്നു... ഉള്ളിലേക്കുള്ള വഴിയേ കണ്ണും നട്ട്....
അവനൊപ്പം തന്നെ അശോകും ഉണ്ടായിരുന്നു.. ഇരുവരെയും ഒരുമിപ്പിച്ചാണ് ഡിജിപി ഓഫീസിലേക്ക് വിളിപ്പിച്ചിരിക്കുന്നത്.. കേസ് അന്വേഷണത്തിൽ ഒപ്പം ഉണ്ടായിരുന്നത് കൊണ്ട് തന്നെ ശിവയോടൊപ്പം ആ കാഴ്ച കാണാൻ അശോകും വന്നെത്തിയിരുന്നു.....
" ഇപ്പോൾ കിട്ടിയ വിവരം അനുസരിച്ചു ഏതാനും നിമിഷങ്ങൾക്കകം പെൺകുട്ടികൾ എയർപോർട്ടിനു വെളിയിലേക്ക് എത്തുമെന്നാണ് അറിയാൻ കഴിഞ്ഞത്....
ഇവിടെ വൻ സുരക്ഷ ആണ് പോലീസിന്റെ ഭാഗത്തു നിന്ന് ഏർപ്പെടുത്തിയിരിക്കുന്നത്... പെൺകുട്ടികളുടെ കുടുംബാംഗങ്ങളും സുഹൃത്തുക്കളും ഒഴികെ മറ്റാർക്കും അകത്തേക്ക് കയറുവാനോ അവരെ കാണുവാനോ ഉള്ള അനുവാദം പോലീസ് നൽകിയിട്ടില്ല...
ഹൈ സെക്യൂരിറ്റിയോട് കൂടി തന്നെ കുട്ടികളെ അവരുടെ കൂടെയുള്ളവർക്കൊപ്പം അയക്കുമെന്നാണ് അറിയാൻ കഴിഞ്ഞത്... എന്തായാലും എല്ലാവരും സുരക്ഷിതമായി തന്നെ ഇന്ത്യയിൽ എത്തിച്ചേർന്നിരിക്കുന്നു എന്നതിൽ നമുക്ക് ആശ്വസിക്കാം....പോലീസിന്റെ ഭാഗത്തു നിന്നുള്ള സമയോചിതമായ ഇടപെടൽ മൂലം അവരെ എത്രയും വേഗം തിരിച്ചു പിടിക്കാൻ കഴിഞ്ഞു എന്നുള്ളതും എടുത്തു പറയേണ്ടൊരു കാര്യം ആണ്.....
അങ്ങനെ ഹീര കമ്പനിയുടെ പിന്നിലുള്ള വലിയൊരു ദുരൂഹത ഇന്നത്തോടെ കൂടെ അവസാനിച്ചു എന്നുള്ളത് ആശ്വാസകരമായി നില നിൽക്കുമ്പോഴും ഹീരയുടെ സ്ഥാപകനായ മാത്യുവിന്റെ തിരോധാനവും വളരെ സംശയകരമായ ഒന്നായി അവശേഷിക്കുകയാണ്....അദ്ദേഹത്തെ കുറിച്ചുള്ള വിവരങ്ങൾ അന്വേഷിച്ചു കൊണ്ടിരിക്കുകയാണെന്ന പോലീസിന്റെ വാക്കുകൾ കണക്കിലെടുത്തു കൊണ്ട് തന്നെ അദ്ദേഹത്തെ ഉടനെ നിയമത്തിനു മുന്നിൽ കൊണ്ട് വരുമെന്നും നമുക്ക് വിശ്വസിക്കാം....
YOU ARE READING
I CAN'T LOVE HIM... ????
FanfictionICLH ന്റെ ബാക്കി ഭാഗങ്ങൾ ആണ്... സ്റ്റോറി കന്റിണ്െ ചെയ്തു പോസ്റ്റ് ചെയ്യാൻ കഴിയുന്നില്ല.. എന്തോ ERROR സംഭവിച്ചിരിക്കുകയാണ്... അത്കൊണ്ട് ബാക്കി ഭാഗങ്ങൾ ഇവിടെ പോസ്റ്റ് ചെയ്യുന്നു
I CAN'T LOVE HIM...143
Start from the beginning