غموض جارنا

بارت 19

بدلت ملابسي وطلعت برة واني لحد هسة احمد الله لان السيارة ما دعمتني وليهسة عايشة اتجهت للمراية مسحت دموعي وگلت لازم ما اگول لاي احد عالصار اليوم راح اخليه مدفون ويا ذكرياتي

شفت قطعة الكاكاو الانطاني اياها وليد عالميز اخذتها ونزلت جوة جانن بس زليخة وحزيران بالصالة

رحت صبيت غدة ورجعت گعدت يمهن اسمع سوالفهن عالجامعة و حارث ختيب حزورة شلون سوالف تسوي عند الواحد جفاف عاطفي

لفت انتباهي بوكيه ورد محطوط عالميز استغربت هذا لمنو احنا ابد ما نشتري ورد باوعت لزليخة وگتلها

_اگلج سهيلة هذا الورد لمنو

_هذاك المحطوط عالميز قصدج

_هو اكو غيرة طبعا هو

_ يعيوني اسألي حزيران هي تعرف

باوعت لحزيران شفت خدودها صارن حمر نزلت راسها وگالت بخجل: هوو سهيلة لا تخجليني ما اگدر احجي

ردت زليخة بمياعة: دحجي شبيج شكو بيها عالاقل نسمع سوالف ختيبج

گالت وهي تهز براسها: لا ما اگدر ما اگدر

كتلني الفضول وذني ما يحجن گلت بملل: دحجن هسة شبيجن مو راح تموتني 

حركت زليخة حواجبها وگالت: باعي اني راح اگلج  يعيوني هذا الورد للاخت حزيران جتها هدية من الاخ حارث بمناسبة عيد الحب وها ترا وياها علبة كاكاو يعني سوالف عصافير الحب مو مالتنا

گتلها بحيرة: وشدخل هاي السوالف بعيدة الحب

حطت ايدها على گلبها وگالت بمياعة: شبيج هذا الشي يرمز للحب يعني تنطينه للشخص التحبة

باوعت لقطعة الكاكاو اليمي يعني شنو معناها وليش وليد انطاها الي بهذا اليوم شنو قصتة بذات ويا عيد الحب بس لا الافكر بيه صحيح

كملت اكلي بسرعة وشلت المواعين غسلتهن وصعدت لغرفتي افكر بالاحداث الصارت وياي اليوم وبقطعة الكاكاو شنو معناها يعني هذا شنو اعتراف غير مباشر

اتصلت على غزل وحجيت وياها وسألتها على موضوع وليد
بس ما فادتني باي معلومة وحتى ما احسها وياي صوتها جان تعبان بعدها آسر حاظرها وهي متخبلة وزعلانة مدري والله شتريد يعني من يريد يخطبها ما تقبل ومن يحظرها تزعل

قفلت الخط منها واني ما محصلة لا حق ولا باطل تمددت عالجرباية وصرت افكر بموضوع هالهدية

مر شهر عالصار ووليد رجع اختفى ما ادري هالولد وين يختفي كل مرة يعني يبين اسبوعين ويختفي شهر شهرين اتمنى ادخل عقلة واعرف شنو اليصير وياه واعرف احداث حياتة احسها كلها غموض

بس  ورا الحادث الصار اتعجبت من زهراء  لحت عليه علمود احجيلها على موضوع وليد فاضطريت احجيلها كلشي من اول يوم شفتة لحد هاي اللحظة وكلش تعبت علي ومنتعتني احجي وياه وهددتني اذا بقيت احجي وياه تگول لحزيران ما ادري ليش كل هالخوف منة وهو اصلا خوش ولد